Home ព័ត៌មានជាតិ សង្គម ​សាងសង់​ផ្ទះម...

​សាងសង់​ផ្ទះមួយ​ខ្នង​ជូន​អតីតយុទ្ធជន​ជាការ​តបស្នង​នូវ​គុណបំណាច់​

​ដោយៈ​សៅ​វ៉ាន់ឌី​/​ព្រះវិហារ​៖អតីតយុទ្ធជន​ម្នាក់​នៃ​សមាគម​អតីតយុទ្ធជន​កម្ពុជា​ខេត្តព្រះវិហារ​កាលពី​ព្រឹក​ថ្ងៃទី​៣​ខែកុម្ភៈ​ឆ្នាំ​២០២១​បានទទួល​ផ្ទះមួយ​ខ្នង​ពី​សមាគម​អតីតយុទ្ធជន​ខេត្ត​ដើម្បី​បាន​ស្នាក់នៅ​ដូច​ពលរដ្ឋ​ឯទៀត​ដែល​ថ្នាក់ដឹកនាំ​តែងតែ​ជួយ​ពេលដែល​មានការ​លំបាក ។​

​លោក​ឧ​ត្ត​ម​សេនីយ៍​ទោ​ច័ន្ទ​សុ​ភ័​ក្ត្រា​មេបញ្ជាការ​តំបន់​ប្រតិបត្តិការ​សឹក​រង​ព្រះវិហារ​និង​ជា​ប្រធាន​សមាគម​អតីតយុទ្ធជន​ខេត្ត​បាន​ដឹកនាំ​ក្រុមការងារ ជិត​១០០​នាក់​ចុះ​លើក​ផ្ទះ​ជូន​គ្រួសារ អតីតយុទ្ធជន​ដែលមាន​ជីវភាព​ខ្វះខាត ។​

​លោក​ឧ​ត្ត​ម​សេនីយ៍​ទោ​ច័ន្ទ​សុ​ភ័​ក្ត្រា​បានឱ្យដឹងថា​ជាការ​តបស្នង​នូវ​គុណបំណាច់​នៃ​អតីតយុទ្ធជន​នោះ​សមាគម​អតីតយុទ្ធជន​កម្ពុជា​ខេត្តព្រះវិហារ​បាន​ជួយ​សង់​ផ្ទះមួយ​ខ្នង​លេខ​រៀង​ទី​៧១​ជូន លោក ប៉ាត យឿន អាយុ​៦០​ឆ្នាំ ជា​ជនពិការ រស់នៅ​ភូមិ​មហាផល ឃុំ​ឈានមុខ ស្រុក​ត្បែងមានជ័យ ខេត្តព្រះវិហារ​។​
​លោក​ឧ​ត្ត​ម​សេនីយ៍​ទោ​បាន​បន្តថា​៖​ផ្ទះ​នេះ​មាន​ទំហំ​៥​គុណ​៦​ម៉ែត្រ​ធ្វើ​ពី​ឈើ​ប្រក់​ស័​ង្គ​សី​ចំណាយ​ថវិកា​អស់​ចំនួន​១០.៥០០.០០០​រៀល​គឺជា​អំណោយ​របស់ សម្តេច​តេ​ជោ ហ៊ុន សែន ៕​.mara

ទីតាំងផ្សាយពាណិជ្ជកម្ម

- Advertisment -

Most Popular