Home ព័ត៌មានអន្តរជាតិ ថ្ងៃនេះ​ថៃ​រក...

ថ្ងៃនេះ​ថៃ​រកឃើញ​អ្នក​ឆ្លងកូវី​ដ​១៩​ចំនួន​៧៩៥​នាក់ រួម​មាន​មី​យ៉ាន់​ម៉ា​ជាង​៧០០​នាក់​និង​កម្ពុជា​៣​នាក់​

​ប្រែ​សម្រួលៈ​វាសនា​/​បាងកក​៖​រដ្ឋាភិបាល​ថៃ​កាលពី​ថ្ងៃ​ពុធ​បាន​រាយការណ៍​ការ​ឆ្លងកូវី​ដ​១៩​ថ្មី​ចំនួន​៧៩៥​នាក់​ទៀត​ក្នុងនេះ ៧៨៣​នាក់​ជា​ការឆ្លង​នៅ​ក្នង​ស្រុក និង​១២​នាក់​នាំ​ចូល​។​ចំនួន​ថ្មី​នេះ​នាំអោយ​ថៃ​​មាន​អ្នក​ឆ្លង​ជំងឺ​នេះ​សរុប​២១.២៤៩​នាក់​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩​ថៃ បាន​និយាយថា​ក្នុងចំណោម​អ្នក​ឆ្លង​ក្នុងស្រុក​៧៨៣​នាក់ ៧៥៩​នាក់​នៅក្នុង​ខេត្ត​សាមុត សា​ខន និង​២៤​នាក់​ទៀត​ត្រូវបាន​រកឃើញ​នៅតាម​មន្ទីរ​​ពេទ្យ​។​

​ខេត្ត​សាមុត សា​ខន មាន​អ្នក​ឆ្លង​ថ្មី​៧៧៧​នាក់ ស្មើនឹង​៩៩,២​ភាគរយ ហើយ​រួមមាន​ជនជាតិ​មី​យ៉ាន់​ម៉ា ៦៦២​នាក់ ថៃ​៩២​នាក់ កម្ពុជា​៣​នា​កើ​និង​ឡាវ​២​នាក់​។​

​ឥឡូវ​ថៃ​មាន​អ្នក​នៅ​ផ្ទុក​វីរុស​កូរ៉ូណា​និង​កំពុង​ទទួល​ការព្យាបាល​ចំនួន​៧.១៦៩​នាក់ និង​៧៩​នាក់​ស្លាប់​ដោយកូវី​ដ​១៩​។​

​សូមបញ្ជាក់​ថា ចាប់តាំងពី​ការ​ឆ្លងកូវី​ដ​១៩​នៅ​រលក​ថ្មី​បាន​ចាប់ផ្តើម​កាលពី​ថ្ងៃ​១៥​ធ្នូ​ឆ្នាំ​មុន ថៃ​បាន​កត់ត្រា​ឃើញ​អ្នក​ឆ្លង​ចំនួន​១៧.០១២​នាក់ ក្នុងនេះ​៧៨,២​ភាគរយ​នៅក្នុង​ខេត្ត​សាមុត សា​ខន ។​

​ក្នុងពេល​ជាមួយគ្នា ពិភពលោក​បន្ថែម​អ្នក​ឆ្លង​៤៥១.៣៥៣​នាក់​ទៀត រហូត​ដល់​ចំនួន​សរុប ១០៤,៣៩​លាន​នាក់ ៕

ទីតាំងផ្សាយពាណិជ្ជកម្ម

- Advertisment -

Most Popular