Home ព័ត៌មានជាតិ សង្គម ​គណៈមេធាវី​សម...

​គណៈមេធាវី​សម្តែង​ក្តី​ព្រួយបារម្ភ​ចំពោះ​ចំណាត់ការ​របស់​អាជ្ញាធ​រពាក់​ព័ន្ធ​ការប្រកប​វិជ្ជាជីវៈ​របស់ខ្លួន​

​ដោយៈ​ស​រិ​ទ្ធ​/​ភ្នំពេញ​៖​គណៈមេធាវី​នៃ​ព្រះរាជាណាចក្រ​កម្ពុជា​បាន​សម្តែង​នូវ​ក្តី​ព្រួយបារម្ភ​យ៉ាងខ្លាំង​ចំពោះ​ចំណាត់ការ​របស់​មន្ត្រី​នៃ​អាជ្ញា​ធរមាន​សមត្ថកិច្ច​មួយចំនួន​ដែល​តែងតែ​យក​សកម្មភាព​នៃ​ការប្រកប​វិជ្ជាជីវៈ​របស់​មេធាវី​សុទ្ធសាធ​ទៅ​ដោះស្រាយ​ក្នុង​សមត្ថកិច្ច​របស់ខ្លួន និង​ការបង្ខំ​មេធាវី​ឱ្យ​ទម្លាយ​ការសម្ងាត់​វិជ្ជាជីវៈ​។​នេះ​បើតាម​សេចក្តីថ្លែងការណ៍​របស់​គណៈមេធាវី​នៃ​ព្រះរាជាណាចក្រ​កម្ពុជា​នៅ​ថ្ងៃទី​៣ ខែកុម្ភៈ ឆ្នាំ​២០២១​នេះ​។​

​យោងតាម​លិខិត​ដដែល​បាន​អះអាងថា​កន្លងមកនេះ​គណៈមេធាវី​នៃ​ព្រះរាជាណាចក្រ​កម្ពុជា​បានធ្វើការ​កត់សម្គាល់ឃើញ​ថា​មាន​មន្ត្រី​នៃ​អាជ្ញា​ធរមាន​សមត្ថកិច្ច​មួយចំនួន​បានទទួល និង​ចាត់ការ​លើ​បណ្តឹង​ដែល​ប្តឹង​ចំពោះ​សកម្មភាព​នៃ​ការប្រកប​វិជ្ជាជីវៈ​របស់​មេធាវី​សុទ្ធសាធ ជាអាទិ៍ ការឃាត់ខ្លួន​មេធាវី​ដែល​បាន​តំណាង​កូនក្តី​ក្នុងការ​ចរចា​និង​អម​កូនក្តី​ការបង្ខំ​មេធាវី​ឱ្យ​អន្ទង​កូនក្តី​មកកាន់​អង្គភាព​នគរបាល​យុត្តិធម៌ ការបង្ខំ​មេធាវី​ឱ្យ​ទម្លាយ​ការសម្ងាត់​នៃ​ទំនាក់ទំនង​រវាង​មេធាវី​និង​កូនក្តី​ការប្តឹង​មេធាវី​ពីបទ​គំរាមកំហែង​ហែកកេរ្តិ៍​ចំពោះ​ការតាក់តែង​លិខិត​ជូនដំណឹង​ក្នុងនាម​មេធាវី​តំណាង​ដោយ​អាណត្តិ ការប្តឹង​មេធាវី​ពីបទ​ញុះញង់​ចំពោះ​ការ​ផ្តល់យោបល់​ផ្នែក​ច្បាប់​ដល់​កូនក្តី​។​ល​៕​.mara

ទីតាំងផ្សាយពាណិជ្ជកម្ម

- Advertisment -

Most Popular