Home ព័ត៌មានជាតិ សង្គម ពិធី​ប្រកាស​ច...

ពិធី​ប្រកាស​ចូលកាន់​តំណែង​ប្រធាន​មន្ទី​បរិស្ថាន​ខេត្តពោធិសាត់​ថ្មី​

ដោយៈ​រិ​ទ្ធិ​សែន​/​ពោធិសាត់​:​កាលពី​ព្រឹក​ថ្ងៃទី​៣​ខែកុម្ភៈ​មាន​រៀបចំ​ពិធី​ប្រកាស​ចូលកាន់​តំណែង​ប្រធាន​មន្ទី​បរិស្ថាន​ខេត្តពោធិសាត់​ថ្មី​ជំនួស​ប្រធាន​មន្ទីរ​ចាស់​ដែល​ត្រូវបាន​ផ្ទេ​ទៅ​បម្រើ​ការងារ​នៅ​ក្រសួង​។​ពិធី​នេះ​ដំណើរការ​ក្រោម​អធិបតីភាព​លោក ជា​សំអាង​រដ្ឋលេខាធិការ ក្រសួងបរិស្ថាន ជា​.​សំអាង តំណាង​លោក សាយ សំ​អាល់ រដ្ឋមន្ត្រី​ក្រសួងបរិស្ថាន និង​លោក ម៉ៅ ធនិន អភិបាលខេត្ត​ពោធិ៍សាត់ ។​

​យោងតាម​ប្រកាស​របស់​ក្រសួងបរិស្ថាន លេខ​០៤១ ប្រ​.​ក ចុះ​ថ្ងៃទី​១៣ ខែមករា ឆ្នាំ​២០២១ បានសម្រេច​តែងតាំង លោក គង់ ពុ​ទ្ធី​រ៉ា ជា​ប្រធាន​មន្ទីរ​បរិស្ថាន​ខេត្តពោធិ៍សាត់​ថ្មី និង​បាន​ផ្ទេរ​ភារកិច្ច​លោក ប៉ាន់ មរកត ឱ្យមក​បម្រើ​ការងារ​នៅ​ទីស្តីការ​ក្រសួងបរិស្ថាន​។​

​លោក គង់ ពុ​ទ្ធី​រ៉ា ប្រធាន​មន្ទីរ​បរិស្ថាន​ខេត្តពោធិ៍សាត់ ដែល​ទើបនឹង​ទទួលបាន​ការតែងតាំង​ថ្មី​ប្ដេជ្ញាចិត្ត​ខិតខំ​ធ្វើយ៉ាងណា​ដឹកនាំ ការងារ​ក្នុង​មន្ទីរ​បរិស្ថាន​ឱ្យមាន​ភាពរលូន​ជានិច្ច ទាំង​សាមគ្គីភាព​ផ្ទៃក្នុង ទាំង​ការងារ​ការពារ​ព្រៃឈើ និង​សត្វព្រៃ​ក្នុង​ដែន​ជម្រក​សត្វ ព្រៃភ្នំ​ឱ​រ៉ា​ល់ ភ្នំ​សំ​កុស តំបន់​ប្រើប្រាស់​ច្រើនយ៉ាង​បឹង​ទន្លេសាប និង​តំបន់​អភិរក្ស​ផ្សេងទៀត ក្នុង​ដែន​ទទួលខុសត្រូវ​របស់ខ្លួន ។​គោរព​ទៅតាម​ច្បាប់​ផែនការ និង​បទបញ្ជា របស់​រាជរដ្ឋាភិបាល និង​ថ្នាក់ដឹកនាំ​ក្រសួង​ប្រគល់ជូន​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular