បទ​បង្ហាញ​៖​ការពិចារណា​ឡើងវិញ​នៃ​បទដ្ឋាន​ជា​សាកល​លើ​អង្គរ នឹងធ្វើ​នៅ​ថ្ងៃទី​០៥ ខែកុម្ភៈ

 

​ដោយៈបាយ័ន​/​សៀមរាបៈ អាជ្ញាធរ​ជាតិ​អប្សរា​នឹង​រៀបចំ​បទ​បង្ហាញ​ក្រោម​ប្រធានបទ​៖ ការពិចារណា​ឡើងវិញ​នៃ​បទដ្ឋាន​ជា​សាកល​លើ​អង្គរ នៅ​ថ្ងៃទី​០៥ ខែកុម្ភៈ ឆ្នាំ​២០២១​ខាងមុខនេះ នៅ​មជ្ឈមណ្ឌល​បណ្តុះបណ្តាល​អ​ង្គ​រ​នៃ​អាជ្ញាធរ​ជាតិ​អប្សរា ។​នេះ​ជាការ​បញ្ជាក់​អោយដឹងពី​អាជ្ញាធរ​ជាតិ​អប្សរា​នៅ​ល្ងាច​ថ្ងៃទី​០៣​ខែកុម្ភៈ ឆ្នាំ​២០២១​។​

បទ​បង្ហាញ​នេះ ធ្វើឡើង​ដោយ​អ្នកជំនាញ​ជាតិ​និង​អន្តរជាតិ​ចំនួន​៣​រូប គឺ​លោក​សាស្ត្រាចារ្យ អ៊ឹម សុខ​រិទ្ធី ប្រធាន​នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ​និង​បុរាណវិទ្យា​បង្ការ លោក​បណ្ឌិត ញឹម សុធា​វិន្ទ អ្នកស្រាវជ្រាវ​នៃ​សាកលវិទ្យាល័យ​សូ​ហ្វី​យ៉ា និង​លោកស្រី​សាស្ត្រាចារ្យ ម៉ា​រ៉ុយ ម៉ាសា​កុ មកពី​សាកលវិទ្យាល័យ​សូ​ហ្វី​យ៉ា​។​

បទ​បង្ហាញ​នេះ​រៀបចំ​នៅ​សាលសន្និសីទ​អង្គរ ចាប់ពី​ម៉ោង​២.៣០​នាទី​ដល់​ម៉ោង​៤.៣០​នាទី​ល្ងាច តាមរយៈ​ប្រព័ន្ធ​អន​ឡាញ (ZOOM)​។ ចំពោះ​សាធារណជន​ដែលមាន​បំណង​ចូលរួម​ស្តាប់ អាជ្ញាធរ​ជាតិ​អប្សរា​កំណត់​យកតែ​៥០​នាក់​ប៉ុណ្ណោះ ដើម្បី​ចូលរួម​ទប់ស្កាត់​ការឆ្លង​ជំងឺ​កូ​វីដ​១៩ តាម​ការណែនាំ​របស់​ក្រសួងសុខាភិបាល​៕​

ទីតាំងផ្សាយពាណិជ្ជកម្ម

- Advertisment -

Most Popular