Home ព័ត៌មានជាតិ សន្តិសុខ ជនជាតិ​ចិន បើ...

ជនជាតិ​ចិន បើករថយន្ត​ជ្រុល ទៅបុក​រថយន្ត​ពីរ​គ្រឿង​ទៀត បណ្ដាល​ឲ្យ​រង​ការខូចខាត

ដោយៈ ស​រិ​ទ្ធ / ភ្នំពេញៈ ជនជាតិ​ចិន បើករថយន្ត​យ៉ាង​លឿន បាន​ជ្រុល​ទៅបុក​រថយន្ត ពីរ​គ្រឿង​ទៀត ដែល​កំពុង​ឈប់​ភ្លើងស្តុប បណ្ដាល​ឲ្យ​រង​ការខូចខាត តែ​សំណាងល្អ មិនមាន​អ្នករងរបួស​។ ហេតុការណ៍​នេះ បានកើត​ឡើង កាលពី​វេលា​ម៉ោង ១២​និង​៤០​នាទី រំលងអធ្រាត្រ ឈានចូល​ថ្ងៃទី​៤ ខែកុម្ភៈ ឆ្នាំ​២០២១ ស្ថិតនៅតាម​បណ្ដោយ​ផ្លូវ ព្រះ​សុធារស កែង​ផ្លូវ​ព្រះ​ន​រោ​ត្ដម ក្នុង​សង្កាត់​ទន្លេបាសាក់ ខណ្ឌចំការមន​។​

​យោងតាម​ប្រភព ពី​កន្លែងកើតហេតុ បាន​ឲ្យ​ដឹងថា មុនពេល​កើតហេតុ គេ​ឃើញ​បុរស ជនជាតិ​ចិន ២ នាក់ ក្នុងនោះ​មាន​ម្នាក់ បើករថយន្ត ពណ៌​ទឹកមាស ពាក់​ស្លាក​លេខ ព្រះសីហនុ 2A 8531 បោះពួយ​យ៉ាង​លឿន ខណៈ​មកដល់​ចំណុចកើតហេតុ ខាងលើ បាន​ជ្រុល​ទៅបុក​រថយន្ត​ឡិច​ស៊ី​ស LX470 ដែល​កំពុងតែ​ឈប់​ភ្លើងស្តុប​ហើយ​រុញ​រថយន្ត ឡិច​ស៊ី​ស 470 ទៅបុក​បន្ត​រថយន្ត​ឡង់​គ្រី​ស័​រ មួយគ្រឿង​ទៀត​បណ្ដាល​ឲ្យ​រថយន្ត​ទាំង បី​គ្រឿង រង​ការខូចខាត​ដូចគ្នា​។​

​ក្រោយ​កើតហេតុ សមត្ថកិច្ច​មូលដ្ឋាន បាន​ចុះមក និង​បាន​ឃាត់​ជនជាតិ​ចិន ដែល​បង្កហេតុ យកទៅ​ប៉ុស្តិ៍នគរបាល​ទន្លេបាសាក់ រង់ចាំ​ប្រគល់​ឲ្យ​ផ្នែក​ជំនាញ ។ ដោយឡែក រថយន្ត ទាំង ៣ គ្រឿង ដែល​រង​ការខូចខាត​នេះ ក៏​ត្រូវបាន​កម្លាំង​ការិយាល័យ ចរាចរណ៍​ផ្លូវគោក នៃ​ស្នងការដ្ឋាន​នគរបាល រាជធានី​ភ្នំពេញ វាស់វែង​យកទៅ​រក្សាទុក រង់ចាំ​ដោះស្រាយ តាមច្បាប់​ផងដែរ ៕/V​-PC

ទីតាំងផ្សាយពាណិជ្ជកម្ម

Previous articleចិន​មាន​អ្នក​ឆ្លងកូវី​ដ​១៩ចំនួន៣០​នាក់​កាលពី​ថ្ងៃ​០៣​កុម្ភៈ ដោយ​កើន​ពី​ចំនួន​២៥​នាក់កាល​ពី​មួយ​ថ្ងៃមុន ។​ទោះជា​មាន​ការឆ្លង​ទាប ក៏​រដ្ឋាភិបាល​កណ្តាល​និង​តំបន់​នៅ​តែ​រក្សា​ការប្រុងប្រយ័ត្ន និង​លើកទឹកចិត្ត​កុំអោយ​ប្រជាជន​ធ្វើដំណើរ​ក្នុងអំឡុងពេល​ឈប់សម្រាក​ចូលឆ្នាំ​ថ្មីខាង​មុខ​ដែល​នឹង​ចាប់ផ្តើ​ម​​នៅ​ថ្ងៃ​១១​កុម្ភៈ​។​​ពាក់ព័ន្ធ​នឹង​កូវី​ដ​១៩​នេះដែរ ចិន​មាន​ផែនការ​ផ្តល់​វ៉ាក់សាំង​កូវី​ដ​១៩​ចំនួន​១០​លាន​ដូសដល់​គំរោង​ចែកចាយ​វ៉ាក់សាំង​សកល​ឈ្មោះថា​Covax ។
Next articleជនជាតិ​ចិន បើករថយន្ត​ជ្រុល ទៅបុក​រថយន្ត​ពីរ​គ្រឿង​ទៀត បណ្ដាល​ឲ្យ​រង​ការខូចខាត​
- Advertisment -

Most Popular