Home ព័ត៌មានជាតិ សន្តិសុខ តុលាការ សាកសួ...

តុលាការ សាកសួរ​ស្ត្រី​២​នាក់ ករណី​ចេញ​សែក​អត់លុយ​

ដោយៈ ស​រិ​ទ្ធ / ភ្នំពេញៈ ស្ត្រី ២ នាក់ ត្រូវបាន​សមត្ថកិច្ច បញ្ជូនមក​តុលាការ នៅ​រសៀល ថ្ងៃទី​៣ ខែកុម្ភៈ ឆ្នាំ​២០២១ ដើម្បី​សាកសួរ​ករណី មិន​បំពេញ​កាតព្វកិច្ច ចំពោះ​ឧបករណ៍ ដែល​អាច​ជួញដូរ​បាន ពោលគឺ​បទល្មើស ចេញ​សែក​អត់លុយ ។ រហូតមកដល់ ព្រឹក​ថ្ងៃទី​៤ ខែកុម្ភៈ ឆ្នាំ​២០២១ នេះ លោក សឿន មុនី​រ័ត្ន ព្រះរាជអាជ្ញារង អម​សាលាដំបូង រាជធានី ភ្នំពេញ កំពុងធ្វើការ​សាកសួរ​។​

​ស្ត្រី​ទាំងពីរ​នាក់​នេះ ឈ្មោះ ឆឹ​ម លក្ខិណា និង​ឈ្មោះ បូ សេរី​រ័ត្ន បាន​ត្រូវ​សមត្ថកិច្ច នគរបាល ការិយាល័យ​ព្រហ្មទណ្ឌ​កម្រិត​ស្រាល រាជធានី​ភ្នំពេញ ចាប់ខ្លួន នៅ​ថ្ងៃទី​១ ខែកុម្ភៈ ឆ្នាំ​២០២១ វេលា​ម៉ោង ១២ ថ្ងៃត្រង់ នៅមុខ​ផ្សារ​ក្រឡាញ់ ខេត្តសៀមរាប តាម​ដីកា​បញ្ជា ឲ្យ​ចូលខ្លួន ចុះ​ថ្ងៃទី​២៧ ខែមករា ឆ្នាំ​២០២១ របស់លោក ប្លង់ សុផល ព្រះរាជអាជ្ញារង នៃ​អយ្យការ អម​សាលាដំបូង រាជធានី​ភ្នំពេញ ។​

​ស្ត្រី​ទាំងពីរ​នាក់​នេះ បាន​សារភាពថាៈ កាលពី​ថ្ងៃទី​៦ ខែសីហា ឆ្នាំ​២០២០ ពួកគេ​បាន ខ្ចីប្រាក់ ចំនួន ១២៨.៨១០ ដុល្លារ ពី​ឈ្មោះ ហ៊ាង រតនា ដោយបាន​ចេញ​មូល​ប្ប​ទា​នប​ត្រ ចំនួន ៤ សន្លឹក ទុកជា​សំណង (​សែក​) ។​

​ជនសង្ស័យ បាន​សារភាព​ទៀតថាៈ ចំពោះ​មូល​ប្ប​ទា​នប​ត្រ លេខ ៨៥២៥២៦ ចុះ​ថ្ងៃទី​៦ ខែវិច្ឆិកា ឆ្នាំ​២០២០ មាន​ទឹកប្រាក់​ចំនួន ៣៤.៨១០ ដុល្លារ របស់​ធនាគារ​អេស៊ីលីដា ដែល​ចេញ​ឲ្យ​ទៅ​ឈ្មោះ ហ៊ាង រតនា គឺមាន​ប្រាក់ ក្នុង​គណនី ប៉ុន្តែ​ពុំ​អាច​បើក​បាន ដោយ​ពួកគេ (​ជនសង្ស័យ​) បាន​ចុះហត្ថលេខា លើ​មូល​ប្ប​ទា​នប​ត្រ ខុសពី​លក្ខន្តិកៈ របស់​ធនាគារ ហើយ​ពេលនេះ ក្នុង​គណនី​ពួកគេ គ្មាន​ប្រាក់​ទេ និង​មិនទាន់បាន​សង ទៅ​ឈ្មោះ ហ៊ាង រតនា នៅឡើយ​ទេ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular