Home ព័ត៌មានសំខាន់ៗ ឧ​ត្ត​ម​សេនីយ...

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ចុះ​អនុស្សរណៈ ជាមួយ​បញ្ជាការដ្ឋាន កងទ័ព​ការពារ ព្រំដែន វៀតណាម ស្តីពី​កិច្ចសហប្រតិបត្តិការ ការពារ​ព្រំដែន​គោក

ដោយៈ​មុនី​រ័ត្ន / ភ្នំពេញៈ លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គ​មេបញ្ជាការរង នៃ​កងយោធពល​ខេមរភូមិន្ទ មេបញ្ជាការ​កងទ័ពជើងគោក បាន​ចុះហត្ថលេខា លើ​អនុស្សរណៈ នៃ​ការយោគយល់ ស្តីពី​កិច្ចសហប្រតិបត្តិការ ការពារ​ព្រំដែន​គោក រវាង​បញ្ជាការដ្ឋាន កងទ័ពជើងគោក នៃ​កងយោធពល​ខេមរភូមិន្ទ ជាមួយនឹង​បញ្ជាការដ្ឋាន កងទ័ព​ការពារ​ព្រំដែន ក្រសួង​ការពារ​ប្រទេស នៃ​សាធារណ​សង្គមនិយម​វៀតណាម កាលពី​ថ្ងៃទី​៣ ខែកុម្ភៈ ឆ្នាំ​២០២១ នៅ​ទីបញ្ជាការ​កងទ័ពជើងគោក នៃ​កងយោធពល ខេមរភូមិន្ទ ។​

​អនុស្សរណៈ នៃ​ការយោគយល់​នេះ មាន​គោលបំណង ក្នុងការ​ពង្រឹង និង​លើក​កំពស់ បន្ថែមទៀត នូវ​លទ្ធផល​ការងារ សហការ​គ្រប់គ្រង ការពារ​ព្រំដែន​រួម និង​រួមគ្នា​រក្សា​នូវ សន្តិសុខ សណ្តាប់ធ្នាប់ កសាង​ព្រំដែន​គោក នៃ​ប្រទេស​ទាំងពីរ កម្ពុជា វៀតណាម ឱ្យទទួល​បាន​នូវ សុខសន្តិភាព មិត្តភាព ស្ថិរភាព កិច្ចសហប្រតិបត្តិការ និង​អភិវឌ្ឍន៍​។​

​លោក​ឧ​ត្ត​ម​សេនីយ៍​ឯក មេបញ្ជាការ កងទ័ពជើងគោក ក៏បាន​យក​ឱកាស​នេះ ជូនពរ​ដល់ ថ្នាក់ដឹកនាំ កងទ័ព និង​ប្រជាជន​វៀតណាម ក្នុងឱកាស នៃ​ពិធីបុណ្យ​ចូលឆ្នាំថ្មី ប្រពៃណី ជាតិ វៀតណាម ដែល​ខិតជិត​មកដល់ នាពេល​ខាងមុខនេះ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular