Home ព័ត៌មានអន្តរជាតិ ក្រសួងការបរទេ...

ក្រសួងការបរទេស​អាម៉េរិក​និយាយថា ជំហរ​របស់​អាម៉េរិក​លើ​គោលនយោបាយ “​ចិន​តែមួយ​” នៅតែ​មិន​ផ្លាស់ប្តូរ​ក្រោម​អាណត្តិ​ប្រធានាធិបតីបៃដិ​ន​

​ប្រែ​សម្រួល : កញ្ញា​ដា​លី​ស ៖ អ្នកនាំពាក្យ​ក្រសួងការបរទេស​អាម៉េរិក​លោក ណេ​ត ប្រា​យ បាន​ប្រាប់​អ្នកយក​ព័ត៌មាន​អំឡុង​សន្និសីទកាសែត​មួយ​កាលពី​ថ្ងៃ​ពុធ​ថា​ការគាំទ្រ​របស់​សហរដ្ឋ​អាម៉េរិក​​ចំពោះ​គោលនយោបាយ “​ចិន​តែមួយ​” ជុំវិញ​កោះ​តៃវ៉ាន់ មិន​បាន​ផ្លាស់ប្តូរ​ក្រោម​ការគ្រប់គ្រង​របស់​លោកបៃ​ដិន​ទេ​។​

​នៅពេល​សួរ​ថា​តើ​សេត​វិមាន​របស់​លោកបៃ​ដិ​ននឹង​ប្តូរ​ជំហរ​លើ​ប្រធានបទ​នេះ​ដែរ​ឬ​អត់ លោក​ប្រាយ​បញ្ជាក់ថា “​គោលនយោបាយ​របស់​យើង​មិន​បាន​ផ្លាស់ប្តូរ​ទេ​” ដោយ​កត់សម្គាល់ថា​ជំហរ​បច្ចុប្បន្ន​​ត្រូវបាន​តម្រង់​ទិស​ដោយ​គោលនយោបាយ​ដែល​មាន​ស្រាប់​។​

​សហរដ្ឋ​អាម៉េរិក​បាន​ប្រកាន់ខ្ជាប់​នូវ​គោល​នយោបាយ​ចិន​តែ​មួយ​អស់​រយៈពេល​ជាច្រើន​ទសវត្សរ៍​មក​ហើយ តែ​ទោះ​យ៉ាងណា ក្រោម​រដ្ឋបាល​ត្រាំ ទំនាក់ទំនង​អាម៉េរិក​-​ចិន​កាន់តែ​យ៉ាប់យ៉ឺន​ខ្លាំង​ខណៈដែល​​អតីត​ប្រធានាធិបតី​ត្រាំ​បាន​ចោទប្រកាន់​ប៉េកាំង​ថា​ឆ្លៀត​កេង​ប្រយោជន៍​ពី​ជំនួញ​អាម៉េរិក​និង​ព្យាយាម​លួច​កម្មសិទ្ធិបញ្ញា​ក្នុងចំណោម​រឿង​ដទៃ​ជា​ច្រើន​។​

​កាន់តែ​ធ្វើឱ្យ​បញ្ហា​រឹតតែ​អាក្រក់ រដ្ឋបាល​ត្រាំ​បាន​លក់​អាវុធ​ឱ្យ​ទៅ​កោះ​តៃវ៉ាន់​ដែល​ចិន​មើលឃើញថា​ជា​ទឹកដី​ផ្តាច់ខ្លួន​ដែល​រង់ចាំតែ​ថ្ងៃ​វាយ​យក​ដាក់​ចូល​ចិនដីគោក​វិញ​។​ការលក់​គ្រឿង​សព្វាវុធ​ដ៏​ច្រើន​​សន្ធឹកសន្ធាប់​ឱ្យទៅ​កោះ​តៃវ៉ាន់ រួមមាន​ប្រព័ន្ធ​មី​ស៊ី​ល គ្រាប់​រ៉ុក្កែត ឧបករណ៍​ចាប់​សញ្ញា និង​កាំភ្លើង​ធំ​។​កន្លង​មក​ទីក្រុង​ប៉េកាំ​ង​បាន​និយាយថា​ខ្លួន​មិនបាន​ច្រាន​ចោល​ការប្រើប្រាស់​កម្លាំង​ដើម្បី​វាយ​​កាន់កាប់​កោះ​តៃវ៉ាន់​នោះឡើយ​៕

ទីតាំងផ្សាយពាណិជ្ជកម្ម

- Advertisment -

Most Popular