Home ព័ត៌មានអន្តរជាតិ រី​ហា​ណា​និង​...

រី​ហា​ណា​និង​ថា​ន់​បឺកបង្ហាញ​ការគាំទ្រដ​ល់​កសិករ​ឥណ្ឌា​

​ប្រែ​សម្រួល : កញ្ញា​ដា​លី​ស ៖ តារាចម្រៀង​ប៉ុប រី​ហា​ណា និង អ្នកធ្វើ​យុទ្ធនាការ​ការពារ​បរិ​ស្ថាន​នាង​ហ្គ្រេ​តា ថា​ន់​បឺ​ក​បាន​ទាញ​ចំណាប់​អារម្មណ៍​សកលលោក​មកលើ​ការតស៊ូ​របស់​កសិករ​ឥណ្ឌា​ប្រឆាំងនឹង​​ច្បាប់​កសិកម្ម​ថ្មី​របស់​រដ្ឋាភិបាល ដើម្បី​ឱ្យ​ពិភពលោក​បាន​ដឹង​អំពី​ការផ្តាច់​សេវាកម្ម​អ៊ី​ន​ធឺ​ណេត​នៅ​កន្លែង​តវ៉ា​ជុំវិញ​ទីក្រុង​ញូវដែលី​។​

​នាង​រី​ហា​ណា​បាន​សរសេរ​ទៅកាន់​អ្នកគាំទ្រ​ជា​ង ១០០ លាន​នាក់​ដោយ​ភ្ជាប់​ទៅនឹង​អត្ថបទ​អំពី​ការផ្តាច់​បណ្តាញ​ទំនាក់ទំនង​យ៉ាង​ដូច្នេះ​ថា “​ហេតុអ្វី​បានជា​យើង​មិន​និយាយ​អំពី​រឿងនេះ​?​ការតវ៉ា​របស់​​កសិករ​”​។​

​គិត​ត្រឹម​ថ្ងៃ​ពុធ​ទី ៣ កុម្ភៈ Tweet របស់​នាង​ត្រូវបាន​មាន​អ្នក​ចុច Like ជាង ៣៩១.០០០ ដង និង ចែករំលែក​ជិត ២០០.០០០ ដង​។​

​រដ្ឋាភិបាល​ឥណ្ឌា​បាន​ពង្រឹង​ព្រំដែន​ទីក្រុង​ដេលី​និង​ព្យាយាម​បិទ​គណនី Twitter​របស់​មេដឹកនាំ​តវ៉ា​និង​អ្នកសារព័ត៌មាន​សំខាន់ៗ​បន្ទាប់​ពី​សហជីព​កសិក​រ​បាន​អំពាវនាវ​ឱ្យ​បិទ​ផ្លូវ​នៅ​ទូទាំង​ប្រទេស​​ឥណ្ឌា​កាលពី​ថ្ងៃ​សៅរ៍​ក្នុង​ការតវ៉ា​ចុងក្រោយ​របស់​ពួកគេ​ប្រឆាំង​នឹង​ច្បាប់​ថ្មី​ក៏​ដូច​ជា​ការបង្ក្រាប​ប្រឆាំង​នឹង​ក្រុមបាតុករ និង​កាត់បន្ថយ​ប្រាក់​បម្រុង​ដោយឡែក​សម្រាប់​វិស័យ​កសិកម្ម​នៅ​ក្នុង​ថវិកា​ប្រចាំឆ្នាំ ដែល​បាន​ប្រកាស​កាលពី​ថ្ងៃ​ចន្ទ​។​

​ជាមួយ​ការបិទ​អ៊ិន​ធឺ​ណេត​រយៈពេល ៨៩២៧ ម៉ោង រដ្ឋាភិបាល​ឥណ្ឌា​បាន​រឹតត្បិត​ការប្រើប្រាស់​អ៊ិន​ធឺ​ណេត​ច្រើន​ជាង​ប្រទេស​ណាៗ​ទាំងអស់​ក្នុង​ឆ្នាំ ២០២០ នេះ​យោងតាម​របាយការណ៍​ស្តី​ពី​តម្លៃ​សកល​នៃ​ការបិទ​អ៊ី​ន​ធឺ​ណេត​។​

​នាង​ថា​ន់​បឺ​ក​ក៏​បាន​បង្ហាញ​ការគាំ​ទ្រ​ចំពោះ​បាតុក​រដែរ ដោយ​សរសេរថា “​យើង​រួម​សាមគ្គី​ជាមួយ​ការតវ៉ា​របស់​កសិករ​នៅ​ឥណ្ឌា​”៕

នាង​រី​ហា​ណា​និង​នាង​ថា​ន់​បឺកបង្ហាញ​ការគាំទ្រដ​ល់​កសិករ​ឥណ្ឌា​

ទីតាំងផ្សាយពាណិជ្ជកម្ម

- Advertisment -

Most Popular