ការងារ​កាប់​លះ​មែកឈើ​ធំៗ តាម​បណ្តោយ​វិថី​ព្រះ​អង្គឌួង និង​វិថី​ក្រមួនសរ លើ​សួន កាណាឌីយ៉ា បាន​អនុវត្ត​ការងារ រួចរាល់ ១០០ ភាគរយ​

ដោយៈ រ៉ា​ម៉ន / ភ្នំពេញៈ ដោយ​អនុវត្តតាម​ការណែនាំ​ផ្ទាល់ ពី​លោក ឃួ​ង ស្រេង អភិបាល​រាជធានី​ភ្នំពេញ ក្រុមការងារ​អង្គភាព​សួនច្បារ និង​រុក្ខជាតិ នៃ​មន្ទីរ​សាធារណការ និង​ដឹកជញ្ជូន រាជធានី​ភ្នំពេញ ដឹកនាំ​ដោយ​លោក សំ សាមុត ប្រធាន​អង្គភាព​នេះ បាន​កាប់​លះ​មែកឈើ នៅលើ​សួនច្បារ​ផ្លូវភ្លោះ​អង្គឌួង លើ​ចិញ្ចើមផ្លូវ​លេខ​១១០ និង​ផ្លូវ​លេខ​១១៤ ក្រមួនសរ បានសំរេច បញ្ចប់ ១០០ ភាគរយ​ហើយ​។​

​លោក សំ សាមុត បានឱ្យដឹង​នៅ​ព្រឹក​ថ្ងៃទី​៤ កុម្ភៈ​នេះ​ថាៈ ការកាប់​លះ​មែកឈើ នៅលើ​សួនច្បារ ផ្លូវភ្លោះ​អង្គឌួង លើ​ចិញ្ចើមផ្លូវ​លេខ​១១០ និង​ផ្លូវ​លេខ​១១៤ ក្រមួនសរ ក្រុមការងារ​បានបញ្ចប់​ការងារ​១០០​ភាគរយ​រួចហើយ បើទោះបី​មានការ​លំបាក​បន្តិច​មែ​ន​។​

​លោក​បាន​បញ្ជាក់ថាៈ ដើម​ឈឺ​ធំៗ នៅ​សួន​កាណាឌីយ៉ា មុខ​ពេទ្យ​ព្រះ​អង្គឌួង មាន​ចំនួន ១០៥ ដើម ហើយ​ក្នុង​ចំនួន​នេះ មាន​ដើម​គ្រាប់បែក ឬ​ដើម​គីនីន ចំនួន​ជាង ៤០ ដើម ក្រៅពីនេះ មាន​ដើម​គគី ឥន្ទនេល និង​ឈើទាល ។ ដើមឈើ​ធំៗ និង​ចាស់ៗ មាន​ចំនួន ៥០ ដើម ដែលមាន​អាយុកាល រាប់រយឆ្នាំ​ហើយ​។​

​លោក សំ សាមុត បាន​បន្តទៀតថាៈ ចំពោះ​សកម្មភាព ខាងលើនេះ ក្រុមការងារ ពិតជា មានការ​លំបាក​ខ្លះ ទី​១ បញ្ហា​ការកកស្ទះ​ចរាចរ , ទី​២ ដើមឈើ​ធំៗ ដែល​តម្រូវអោយ ក្រុមការងារ ប្រើ​គ្រឿងចក្រ​ធំៗ និង​ឡើង​កាត់​មួយ​មែក​ម្តង ជាមួយនឹង​ការ​ចងខ្សែ​ទម្លាក់ មកក្រោម មួយ​មែក​ម្តងៗ ផងដែរ ព្រោះតែ​ខ្លាច ខូច​ថ្នល់ និង​កា​រឺ​ឡា ។ ប៉ុន្តែ​ទោះបីជា យ៉ាងណាក្តី ក្រុមការងារ នៅ​សម្រុក​ធ្វើការ​ងារ​នេះ រហូត​បានសំរេច ១០០ ភាគរយ​។​

​គួរបញ្ជាក់​ថាៈ លោក ឃួ​ង ស្រេង អភិបាល​រាជធានី​ភ្នំពេញ កាល​ថ្ងៃទី​១២ ខែមករា ឆ្នាំ​២០២១ កន្លងទៅនេះ បាន​ដឹកនាំ​មន្ត្រី​ជំនាញ និង​អាជ្ញាធរ​ខណ្ឌ ចុះ​ពិនិត្យមើល​ស្ថានភាព ដើមឈើ​បី​ដើម ដែល​ត្រូវ​កាប់​ចេញ​នោះ លោក ឃួ​ង ស្រេង មិនឱ្យ​កាប់​ចេញ​នោះទេ ដោយ​តម្រូវ​កាត់​ក្រី និង​លះ​មែក ជាមួយនឹង​ការធ្វើ​ទម្រ ទប់​ដើម​ផងដែរ ។ បន្ថែម​ពីលើ នេះ​ទៀត កាលពី​ថ្ងៃទី​១៥ មករា មកនេះ​ដែរ រដ្ឋបាល​រាជធានី​ភ្នំពេញ ក៏បាន​សេចក្តី​ជូន ដំណឹង ជុំវិញ​ការ​កាត់​លះ​មែកឈើ​នេះ​ផងដែរ ដោយ​ក្រុមការងារ នឹង​ប្រើប្រាស់ រយៈពេល ១​ខែ តែ​ដោយ​ស្ថានភាព​ចរាចរ អង្គភាព​ជំនាញ​ជំរុញ​បា​នព​ន្លឿ​ន​កាត់​រួច មុន​ផែនការ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular