Home ព័ត៌មានអន្តរជាតិ មាន​ការចាប់ខ្...

មាន​ការចាប់ខ្លួន​នៅ​បាតុកម្ម​ប្រឆាំង​រដ្ឋប្រហារ​នៅ​ក្រុង​ម៉ាន់​ដា​ឡេរ​បស់​ម៉ា​យ៉ាន់​ម៉ា​

​ប្រែ​សម្រួលៈ​វាសនា​/​ម៉ាន់​ដា​ឡេ​៖ យ៉ាងហោច​ណាស់​មនុស្ស​៣​នាក់ ត្រូវបាន​ចាប់ខ្លួន​នៅ​ក្រុង​ម៉ាន់​ដា​ឡេ​កាលពី​ថ្ងៃ​ព្រហស្បតិ៍​ទី​៤​កុម្ភៈ​នៅ​ក្នុង​ការតវ៉ា​ប្រឆាំង​នឹង​រដ្ឋប្រហារ ។​វា​ជា​បាតុកម្ម​តាម​ដង​ផ្លួវលើក​​ដំបូង​ប្រឆាំងនឹង​ការដណ្តើម​អំណាច​របស់​ក្រុម​យោធា​នៅ​សប្តាហ៍​នេះ​។​

​ការចាប់ខ្លួន​នេះ​ត្រូវ​បាន​បញ្ជាក់​អះអាង​ដោយ​សកម្មជន​មកពី​ក្រុម​ចំនួន​៣ នៅ​ក្រុង​ម៉ាន់​ដា​ឡេ និង​យ៉ាងហ្គោន​។​

​រូបភាព​ក្នុង​បណ្តាញ​សង្គម​បង្ហាញ​អ្នកប្រឆាំង​តវ៉ា គ្រវី​បដា​និង​ស្រែក​ពាក្យស្លោក​ប្រឆាំង​រដ្ឋប្រហារ​នៅ​ក្រុង​ម៉ាន់​ដា​ឡេ​។​វីដេអូ​មួយ​នៅក្នុង​ហ្វេ​សប៊ុក បានបង្ហាញ​មនុស្ស​ប្រមាណ​២០​នាក់​នៅ​ក្រៅ​សកលវិទ្យា​​ល័យ​វេជ្ជសាស្ត្រ​ម៉ាន់​ដា​ឡេ ហើយ​បដា​មួយ​សរសេរថា​« ប្រជាជន​ប្រឆាំង​នឹង​រដ្ឋប្រហារ​យោធា​»​នៅ​អ្នក​អ្នក​ប្រឆាំង​តវ៉ា​ស្រែកថា « ដោះលែង​មេដឹកនាំ​របស់​យើង ដោះលែង​មេដឹកនាំ​របស់​យើង​»​។​

​យោធា​មី​យ៉ាន់​ម៉ា បាន​ដណ្តើម​កាន់កាប់​អំណាច​កាលពី​ថ្ងៃ​ចន្ទ ដោយ​ទម្លាក់​មេដឹកនាំ​ជាប់ឆ្នោត អ៊ុង សាន ស៊ូ​ជី បន្ទាប់ពី​មាន​ជម្លោះ​ស្តីពី​លទ្ធផល​ឆ្នោត​៕

​អ្នក​ប្រឆាំង​តវ៉ា​មួយក្រុម ធ្វើ​បាតុកម្ម​ប្រឆាំង​រដ្ឋប្រហារ​នៅ​ក្រុង​ម៉ាន់​ដា​ឡេ​កាលពី​ថ្ងៃ​៤​កុម្ភៈ​

ទីតាំងផ្សាយពាណិជ្ជកម្ម

- Advertisment -

Most Popular