​កោះ ២៣ នៅក្នុង​លំហ​សមុទ្រ​នៃ​ខេត្តកោះកុង​ដែល​អំណោយផល​ក្នុង​វិស័យ​ទេសចរណ៍​មិនទាន់មាន​អ្នក​ចែចូវ​

ដោយៈ​តារា​រិ​ទ្ធ​/​ភ្នំពេញ​៖ខេត្តកោះកុង​ជា​ខេត្ត​ជាប់​តំបន់ឆ្នេរ​ស្ថិតនៅ​ប៉ែក​និរតី​នៃ​ប្រទេស​ជា​ខេត្ត​ដែលមាន​ឆ្នេរសមុទ្រ​វែង​ជាងគេ​ក្នុងចំណោម​ខេត្ត​ទាំង​បួន​(​ព្រះសីហនុ កំពត និង​កែប​)​ហើយ​សម្បូរ​ទៅដោយ​កោះ ឆ្នេរ ដៃ​ព្រែក ស្ទឹង អូរ​និង​ជីវៈចម្រុះ​គ្រប់​ប្រភេទ​ដែលជា​សក្ដានុពល​ដ៏​សំខាន់​របស់​ខេត្ត​ក្នុងនោះ​មាន​កោះ​ចំនួន​២៣​កោះ​និង​ឆ្នេរសមុទ្រ ប្រវែង​២៣៧​គីឡូម៉ែត្រ ។ កោះកុង​មាន​តំបន់​កោះ​អនុគ្រោះ​ផល​ដល់​ការវិនិយោគ​ក្នុង​វិស័យ​ទេសចរណ៍​រហូតដល់ ៣៥ ទីតាំង​ដែល​កំពុង​ទន្ទឹងរង់ចាំ​ការចូលរួម​ពី​វិស័យ​ឯក ជន​ក្នុងការ​វិនិយោគ​និង​អភិវឌ្ឍន៍​។​កោះកុង​មាន​ឆ្នេរ​ស្អាត​មិន​ចាញ់​កោះរ៉ុង​ដ៏​ល្បី​ក្នុង​ខេត្ត​ព្រះសីហនុ​ឬ​ស្អាត​ជាង​ផង ប៉ុន្តែ​ដោយសារតែ​ខ្វះ​ការ​ផ្ស​យ​ផ្សាយ​ឲ្យ​បាន​ទូលំទូលាយ និង​ខ្វះ​ការអភិវឌ្ឍ បានធ្វើ​ឲ្យ​អ្ន​កវិន​យោគ​មើលរំលង ដែនដី​កោះ​ឋានសួគ៌​មួយ​នេះ ។​

​អភិបាលរង​ខេត្តកោះកុង​លោក សុខ សុ​ទ្ធី បាន​ថ្លែង​ឲ្យ​ដឹង​ពី​ចំនួន​កោះ និងឈ្មោះ​កោះ​ព្រមទាំង​ទំហំ​ផ្ទៃដីនៃ​កោះ​ទាំង​២៣ នៅក្នុង​ខេត្តកោះកុង​ដែលជា​កោះមាន​សក្តា​នុពល​សម្រាប់​ការវិនិយោគ​តំបន់​ទេសចរណ៍​ខ្នាតតូច​នា​ព្រឹក​ថ្ងៃទី ៤ ខែកុម្ភៈ២០២១នៅក្នុង​សន្និសីទ​សារព័ត៌មាន​ស្តីពី​« វឌ្ឍនភាព​មូលដ្ឋាន​ឃុំ​សង្កាត់​និង​ទិសដៅ​ការ ងារ បន្ដ​ខេត្ដ​កោះកុង » ដែល​រៀបចំឡើង​ដោយ​អង្គភាព​អ្នកនាំពាក្យ​រាជរដ្ឋាភិបាល ។​

​លោក សុខ សុ​ទ្ធី បាន​លើកឡើងថា​កោះកុង​គឺជា​ខេត្ត​ដែលមាន​សក្ដានុពល​ក្នុង​វិស័យ​ទេសចរណ៍​មិន​ចាញ់​ខេត្ត​ដ ទៃទៀត​ដែល​ស្ថិត​ជាប់​តំបន់​សមុទ្រ​នោះទេ​ផ្ទុយទៅវិញ​អាចមាន​ភាព​ទាក់ទាញ​ខ្លាំង​ក្រោយពេល​គម្រោង​សាងសង់​និង​អភិវឌ្ឍ​វិស័យ​ហេដ្ឋារចនាសម្ព័ន្ធ​នានា​នៅ​ទូទាំង​ខេត្ត​ត្រូវ​បានបញ្ចប់​ទាំងស្រុង។តំបន់​ទេសចរណ៍ធម្មជាតិដែល​ស្ថិតនៅក្នុង​ខេត្ត​មិន​ថា​តំបន់ឆ្នេរនិង​តំបន់​កោះ​នោះទេ​សុទ្ធ​តែមាន​ភាព​ទាក់ទាញ​ជាពិសេស​តំបន់​ព្រៃកោងកា ង​ជាច្រើន​ទីតាំង​សុទ្ធតែ​អំណោយផល​ដល់​វិស័យ​ទេសចរណ៍​ទាំងអស់​ហើយ​ជា​រៀងរាល់ខែ​បាន​ស្រូប​ទាញ​ទេសចរ​ជាតិ​និង​អន្តរជាតិ​ជាច្រើន​នាក់ ។

​លោក​អភិបាលរង​រូបនេះ​បាន​បន្តថាៈ​ខេត្តកោះកុង​មាន​ភ័​ព្ធ​វាសនា​ណាស់​ដែល​រាជរដ្ឋាភិបាល​បានអនុញ្ញាត​ឲ្យ​មានការ​វិនិយោគ​សាងសង់​ព្រលានយន្តហោះ​ដល់​ទៅ​២​មួយ​ជាការវិនិយោគ​របស់​ក្រុមហ៊ុន​ចិន​នៅ​តំបន់​តារា​សាគរគឺ​សម្រេចបាន​ស្ទើរតែ១០០ភាគរយ​ហើយ​ពិសេស​ផ្លូវ​រត់​នៅ​ល់​តែ​ការបំពាក់​ភ្លើង​តែប៉ុណ្ណោះ,​ចំណែក​ស្ថានីយ៍​អ្នកដំណើរ សាងសង់​សម្រេចបាន​ប្រមាណ៨០​ភាគរយ ។ តាម​ការគ្រោង​ព្រលានយន្តហោះ​នេះ​គ្រោង​សម្ភោ​ធ​នៅ​ចុងឆ្នាំ​២០២០​ឬ​ដើមឆ្នាំ ២០២១​តែដោយសារ​កូ​វីដ​១៩ត្រូវបាន​លើកទៅដល់​ឆមាស​ទី​១ក្នុង​ឆ្នាំ២០២១។ព្រលានយន្តហោះ​ក្នុងប្រទេ ស​គឺ​ស្ថិតនៅ​ក្នុងស្រុក​មណ្ឌលសីមា​និង​ស្រុក​កោះកុង​ដែលជា​ការរកស៊ី​រួមគ្នា​រវាង​ក្រុមហ៊ុន​បាងកក​អ៊ែរ​វ៉េនិង​ក្រុម ហ៊ុន​ក្នុងស្រុក​សាងសង់​លើ​ផ្ទៃដី ៥០០ ហិកតា​ឥឡូវនេះ​ខាង​អាកាសចរណ៍​ស៊ីវិល​និង​ក្រុមហ៊ុន​កំពុង​សិក្សា​របៀប​នៃ​ការរៀបចំ​ទីតាំង​នេះ​។

​លោក សុខ សុ​ទ្ធី កោះ​ទាំង​២៣ ដែល​មាននៅ​ខេត្តកោះកុង​មិនទាន់មាន​ការវិនិយោគ​នៅឡើយ​ទេ ។ ប៉ុន្តែ​កន្លង មក​នៅពេល​មាន​ពិធី​បុណ្យទាន​ម្តងៗ​ប្រជាពលរដ្ឋ​ច្រើន​នាំគ្នា ទៅ​កំសាន្ត​ច្រើន​រួមមាន​កោះ​ស្ដេចកោះ​រីករាយ កោះ​ស្មាច់ កោះ​ខ្មោច កោះកុង​ក្រៅ​ដែល​កោះ​ទាំងនេះ​មាន​ភាពស្រស់ស្អាត​ទាំង​ទេសភាព​នៃ​តំបន់​កោះ​និង​តំបន់ឆ្នេរ ថែមទាំង មាន​ជា​ប្រភេទ​អាហារ​សមុទ្រ​ដែល​លក់​ដោយ​អ្នកភូមិ​សហគមន៍​ព្រមទាំង​មាន​កន្លែង​ស្នាក់នៅ​រយៈពេល​ខ្លី​ផងដែរ ។ បច្ចុប្បន្ននេះ​ទោះជា​តំបន់​កោះ​ជាច្រើន​នៅក្នុង​ខេត្ត​ទាំង​នៅ​តំបន់​ដែនសមុទ្រ​ទាំង​នៅ​តំបន់​ព្រែក​នៅ​មិនទាន់មាន​ក្រុមហ៊ុន​ឯកជន​ចូលទៅ​ធ្វើការ​វិនិយោគ និង អភិវឌ្ឍន៍​បង្កើន​ភាព​ទាក់ទាញ​បម្រើ​ដល់​វិស័យ​ទេសចរណ៍ និង​កម្សាន្ត​ដូច​បណ្តា​ខេត្ត​ដទៃទៀត​នោះទេ ។​

​ក្នុងចំណោម​ឆ្នេរសមុទ្រ​ប្រទេស​កម្ពុជា​ដែលមាន​ប្រវែង​ប្រហែល​៤៤០​គីឡូម៉ែត្រ​ខេត្តកោះកុង​ជា​ខេត្ត​ដែលមាន​ឆ្នេរ​វែង​ជាងគេ​គឺ​ប្រហែល ២៣៧ គីឡូម៉ែត្រ​ដោយ​លាតសន្ធឹង​ចាប់ពី​ចំណុច​ចាំ​យាម ឃុំ​ប៉ាក់​ខ្លង ស្រុក​មណ្ឌលសីមា​ព្រំប្រទល់​ជាប់​នឹង​ខេត្ត​ត្រាត​ប្រទេស​ថៃ​ដល់​ឃុំ​ជ្រោយ​ស្វាយ ស្រុក​ស្រែអំបិល​ព្រំប្រទល់​ជាប់​នឹង​ខេត្ត​ព្រះសីហនុ​។​ដោយ ឡែក​កោះ​នៅក្នុង​លម្ហ​សមុទ្រ​មាន​២៣​និង​កោះ​នៅក្នុង​ព្រែ​កមាន​១២​សរុប​៣៥​កោះ​។​ប្រសិនបើ​មានការ​ចូលរួម​ពី​វិស័យ​ឯកជន​ក្នុងការ​រៀបចំ​និង​អភិវឌ្ឍន៍​បន្ថែម​គេ​ជឿជាក់ថា ភាព​រីកចម្រើន​នឹង​អាច​ទទួលបាន​ទាំងអស់គ្នា​ទាំង​អ្នកវិនិយោគ​ទាំង​ប្រជាពលរដ្ឋ​អាស្រ័យ​ផល​នៅក្នុង​តំបន់​ក៏ដូចជា​ផ្តល់​កំណើនសេដ្ឋកិច្ច​ដល់​ខេត្តកោះកុង​ទាំងមូល​ផងដែរ​។​

​ខេត្ដ​កោះកុង​ជា​ខេត្ដ​មួយ​ស្ថិតនៅ​ទិសនិរតី​មាន​ចម្ងាយ​ពី​រាជធានី​ភ្នំពេញ​២៩០​គីឡូម៉ែត្រ​មាន​ព្រំប្រទល់​ខាងកើត​ជាប់​នឹង​ខេត្ដ​ព្រះសីហនុ​និង​ខេត្ដ​កំពង់ស្ពឺ​ខាងលិច​និ​ខាងត្បូង​ជាប់​នឹង​ឈូង​សមុទ្រ​នៃ​ព្រះរាជាណាចក្រ​ថៃឡង់​ដ៍​(​មួយផ្នែក​នៃ​ខេត្ត​ត្រាត​)​ខាងជើង​ជាប់​នឹង​ខេត្ដ​ពោធិ៍សាត់ ។ ខេត្តកោះកុង​ស្ថិតក្នុង​តំបន់ឆ្នេរ​សមុទ្រ​នៃ​ព្រះរាជា ណាចក្រ​កម្ពុជា​សណ្ឋាន​ដី​មាន​លក្ខណៈ​ជា​ភ្នំ​ខ្ពង់រាប វាលរាប និង​ឆ្នេរសមុទ្រ​ដែលមាន​ប្រវែង​ប្រហែល​២៣៧​គីឡូម៉ែ ត្រ​និង​មាន​កោះ​ចំនួន​៣៥​។​

​ខេត្តកោះកុង​មាន​ផ្ទៃដី​សរុប​១០.០៤៥,៥៨ គីឡូម៉ែត្រ​ការ៉េ ចែកចេញជា​ក្រុង​១ មាន​០៣​សង្កាត់ ៦​ស្រុក មាន​២៦​ឃុំ​និង​មាន​ភូមិ​សរុប​ចំនួន​១១៩​ភូមិ ។​មាន​ប្រជាជន​សរុប ១៣៦.៣២០​នាក់ ស្រី​៦៧.៩៨៤​នាក់ ។​មាន​ដង់ស៊ីតេ​ប្រជា ជន​១២​នាក់ក្នុង​មួយ​គីឡូម៉ែត្រ​ការ៉េ​។ប្រជាជន​ប្រមាណ​៥៥,២០​ភាគរយ​ជា​កសិករ​រស់នៅ​ពឹង​ផ្អែកលើ​វិស័យ​កសិកម្ម និង​នេសាទដែលជា​វិស័យ​ចម្បង​ក្នុងការ​ទ្រទ្រង់​ជីវភាព​រស់នៅ​របស់​ប្រជាពលរដ្ឋ​ក្នុង​ខេត្ដ ។ ក្រៅពី​វិស័យ​កសិកម្ម​និង​នេសាទ​ក៏មាន​វិស័យ​ផ្សេងៗ​ទៀត​ដូចជា​វិស័យ​ឧស្សាហកម្ម​០,៣០ ភាគរយនិង វិស័យ​សេវាកម្ម​ប្រមាណ ៤៤,៦០​ភាគរយ​ដែលជា​មូលដ្ឋាន​បង្កើត​ការងារ​ជូន​ប្រជាពលរដ្ឋ។វិស័យសេដ្ឋកិច្ច​សំខាន់ៗ​ទាំងបី​រួមមាន​វិស័យ​កសិកម្ម វិស័ យ​ឧស្សាហកម្ម​និង​វិស័យ​សេវាកម្ម​បាន​ជំរុញ​ដល់​សេដ្ឋកិច្ច​របស់​ខេត្ត​ទាំងមូល​មាន​អត្រាកំណើន​គួរ​ឲ្យ​កត់សំគាល់​។​អត្រា​ភាពក្រីក្រ​ខេត្តកោះកុង​មានការ​ថយចុះបើ​ប្រៀបធៀប​ពី​ឆ្នាំ​២០១៤​ដល់​ឆ្នាំ​២០១៨គឺមាន​ការថយចុះ​ពី​២៨,៧ ភាគរយ មក​១៣,១ភាគរយ​ពោលគឺ​ធ្លាក់ចុះ​បាន​១៣,៦ភាគរយ​និង​បាន​ធ្លាក់​ចុះមក​នៅត្រឹម​៧,៤ ភាគរយ​នៅ​ឆ្នាំ​២០២០​ ដែល​នេះ​ជា​វឌ្ឍនភាព​នៃ​ការរីកចម្រើន​គួ​ជាទី​មោទនៈ​។​ ជាក់ស្តែង​តាមរយៈ​វិទ្យាស្ថាន​ជាតិ​ស្ថិតិ​នៃ​ក្រសួង ផែនការ​នៅ​ឆ្នាំ​២០១៨​បានបង្ហាញ​ថា​ផលិត ផល​ក្នុងស្រុក​សរុប​នៃ​សេដ្ឋកិច្ច​ខេត្តកោះកុង​ទាំងមូល​មានតម្លៃ​ប្រមា ណ ៩៤៦.៦៣៣ លាន​រៀល ឬ​ស្មើនឹង​២៣៤​លាន​ដុល្លារ​សហរដ្ឋអាមេរិក​បើ​ធៀប​ទៅនឹង​សេដ្ឋកិច្ចជាតិ​មាន​អត្រា​ស្មើនឹង​០.៩​ភាគរយ​នៅ​ឆ្នាំ​២០១៨​។គិត​ជា​ចំណូល​សម្រាប់​មនុស្ស​ម្នាក់ៗ​គឺ​ស្មើនឹង​១.៤១៩​ដុល្លា​ឆ្នាំ​២០១៧ និង​ឆ្នាំ​២០១៨ ស្មើនឹង ១.៥៤៣​ដុល្លារ​៕

ទីតាំងផ្សាយពាណិជ្ជកម្ម

- Advertisment -

Most Popular