Home ព័ត៌មានជាតិ សង្គម ប្រគល់​រទេះ​អ...

ប្រគល់​រទេះ​អំណោយ​កាកបាទក្រហមកម្ពុជា​ខេត្តបន្ទាយមានជ័យ​សម្រាប់​ជនពិការ​ពីរ​នាក់​

ដោយៈ ភ្នំ​ស្វាយ / បន្ទាយ​មាន​ជ័​យៈ បន្ទាប់ពី​ទទួល​ព័ត៌មាន​ពី​អាជ្ញាធរ​មូលដ្ឋាន​ស្តីពី​ទុក្ខលំបាក​របស់​ប្រជាពលរដ្ឋ​ជា​ជនពិការ មន្ត្រី​អាជ្ញាធរ​បាន​ចុះទៅ​ជួប​និង​ដោះស្រាយ​បន្ទាន់​តាម​សំណូមពរ ។​

​មន្ត្រី​សាលាស្រុក​មង្គល​បូរី​បាន​ឲ្យ​ដឹង​កាលពី​ថ្ងៃទី​៤​ខែកុម្ភៈ​នេះ​ថា​លោ​កលី​សារី​អភិបាលរង​ខេត្តបន្ទាយមានជ័យ​និង​ជា​អនុប្រធាន​អចិន្ត្រៃយ៍​គណៈកម្មាធិការ​កាកបាទក្រហមកម្ពុជា​ខេត្ត និង​រួម​ដំណើរ ជាមួយ​លោកស្រី ហេង សុភ័ក្ត្រ អភិបាលរង​ស្រុក​មង្គល​បូរី និង​ក្រុមការងារ​លោក​នៅ​មូលដ្ឋាន​ឃុំ​រហាត់ទឹក បាន​នាំ​អំណោយ​គ្រឿងឧបភោគ បរិភោគ និង​រទេះ​ជនពិការ​ចំនួន​ពីរ​គ្រឿង របស់​សាខា​កាកបាទក្រហមកម្ពុជា​ខេត្តបន្ទាយមានជ័យ និង​ថវិកា​ផ្ទាល់ខ្លួន ប្រគល់ជូន​ជនពិការ​ចំនួន​ពីរ​នាក់ ដែល​រស់នៅ​ភូមិ​អូរ​ជួប ឃុំ​រហាត់ទឹក ស្រុក​មង្គល​បូរី ។​គ្រួសារ​ជនពិការ​មាន​៖​ឈ្មោះ ហ៊ុន សុ​ឃឿ ភេទ​ស្រី​អាយុ​៥០​ឆ្នាំ ពិការ​ជើង​នៅតែ​លើផ្ទះ​(​ដោយ​ជំងឺមហារីក​ជើង រយៈពេល​បួន​ឆ្នាំ​ហើយ​) រស់នៅ​ជាមួយ​កូនប្រុស​បង្កើត​។​
​និង​ឈ្មោះ ហ៊ុន វណ្ណៈ ភេទ​ប្រុស​អាយុ​២០​ឆ្នាំ ស្វិតជើង​និង​ដៃ​ទាំងសងខាង​(​រយៈពេល​១២​ឆ្នាំ​)​រស់នៅ​ជាមួយ​ឪពុក ម្តាយបង្កើត ៕សរន

ទីតាំងផ្សាយពាណិជ្ជកម្ម

- Advertisment -

Most Popular