គ្រាប់បែក​ទម្លាក់​ពី​អាកាស​ទម្ងន់​២៣០​គីឡូក្រាម​មួយគ្រា​ប់​ទៀត​រកឃើញ​នៅ​តាកែវ

​ដោយៈ ជា សីហៈ​/​ភ្នំពេញៈ លោក ហេង រតនា អគ្គនាយក​ស៊ីម៉ាក​បាន​ផ្សព្វផ្សាយ​ថា គ្រាប់បែក​ទម្លាក់​ពីលើ​អាកាស​មួយ​គ្រាប់​ទម្ងន់ ២៣០ គីឡូក្រាម​ត្រូវបាន​រកឃើញ ។

​លោក​បាន​អះអាង​តាម​បណ្តាញ​សង្គម​ថា នៅ​ថ្ងៃ​៣ ខែ​កុ​ម្ភះ ឆ្នាំ​២០២១ កំលាំង​ជំនាញ​អង្គភាព​ស៊ីម៉ាក់​បាន​ដោះ​បន្សាប​និង​ដឹកជញ្ជូន​គ្រាប់បែក​ទម្លាក់​ពី​យន្តហោះ​ប្រភេទ​MK82 ដែលមាន​ទម្ងន់​៥០០​ផោន (​ប្រមាណ​២៣០​គីឡូក្រាម​) ចំនួន​មួយ​គ្រាប់ ប្រកបដោយ​សុវត្ថិភាព​។​

​លោក​បាន​បន្តថា គ្រាប់បែក​បាន​ត្រូវ​កម្មករ​បូម​ខ្សាច់​ជួបប្រទះ​ឃើញ​ក្នុង​រណ្តៅ​ខ្សាច់ ស្ថិត​ក្នុងភូមិ​ត្រពាំង​លើក ឃុំ​កណ្តឹង ស្រុក​បាទី ខេត្តតាកែវ​។

​លោក​បាន​បន្តថា ដោយឡែក​នៅ​ថ្ងៃទី ០៤ ខែ កុម្ភៈ​នេះ ស៊ីម៉ាក់​ក៏បាន​ចេញ​ប្រតិ​ប​តិ្ត​ការ​ដោះ​គ្រាប់បែក​ពីលើ​អាកាស​មួយ​គ្រាប់​ទៀត នៅ​ស្រុក មួយ​ក្នុង​ខេត្តកណ្តាល​៕

ទីតាំងផ្សាយពាណិជ្ជកម្ម

- Advertisment -

Most Popular