អ្នកនាំពាក្យៈ អគារ​មន្ទីរពេទ្យ​ស្នងការដ្ឋាន នគរបាល​ខេត្តបាត់ដំបង នឹង​សម្ពោធ នៅ​រសៀល ថ្ងៃទី​៥ កុម្ភៈ​

​​ដោយៈ គ្រញូង / បាត់ដំបងៈ លោក​វរសេនីយ៍ឯក អ៊ឹម កុសល ស្នងការរង​ខេត្ត និង​ជា​អ្នកនាំពាក្យ នៃ​ស្នងការដ្ឋាន​នគរបាល ខេត្តបាត់ដំបង បានបញ្ជាក់​ថាៈ បើសិនជា​គ្មាន​ការប្រែប្រួល​ទេ លោកជំទាវ ញ៉ែម សា​ខន ស ខេង នឹង​អញ្ជើញ​ចូលរួម ជា​អធិបតីភាព ក្នុង​ពិធី​សម្ពោធ ដាក់​ឲ្យ​ប្រើប្រាស់ ជា​ផ្លូវការ​នូវ​អគារ មន្ទីរពេទ្យ​ស្នងការដ្ឋាន នគរបាល​ខេត្ត ក្នុងការ​ព្យាបាល មន្ត្រីនគរបាល​មាន​ជំងឺ ទូទាំង​ខេត្ត និង​ជួយ​ព្យាបាល ជូន​ប្រជាពលរដ្ឋ ផងដែរ​។​

​លោក​បាន​បញ្ជាក់ថាៈ អគារ​មន្ទីរពេទ្យ​ស្នងការដ្ឋាន នគរបាល​ខេត្តបាត់ដំបង ចាប់ផ្តើម​សាងសង់ឡើង ដោយ​គំនិត​ផ្តួចផ្តើម របស់​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ដែលមាន​លោក ខាន់ ម៉ា​ណេ​រ រដ្ឋលេខាធិការ ក្រសួង​សាធារណការ និង​ដឹកជញ្ជូន និង​ជា​ប្រធាន​ក្រុម​មនុស្សធម៌ ស ខេង ជា​អ្នកមើល​ខុសត្រូវ និង​សម្របសម្រួល​ការងារ ព្រមទាំង​មានការ​ចូលរួម ពី​សប្បុរសជន ក្នុង​ខេត្ត ក្រៅ​ខេត្ត និង​រាជធានី ទើប​រួចរាល់​ជា​ស្ថាពរ នៅ​ចុងឆ្នាំ​២០២០ ដោយមាន​លោក ឧ​ត្ត​ម​សេនី​យ័​ត្រី វេជ្ជបណ្ឌិត សឿ​ម សារិទ្ធ ស្នងការរង​ខេត្ត ជា​អ្នកគ្រប់គ្រង​។​

​លោក​ឧ​ត្ត​ម​សេនីយ៍​ត្រី វេជ្ជបណ្ឌិត សឿ​ម សារិទ្ធ ប្រធាន​មន្ទីរពេទ្យ បានបញ្ជាក់​ថាៈ មន្ទីរ​ព​ពេទ្យ​នេះ ចាប់ផ្តើម​ព្យាបាល​ជំងឺ ជូន​កងកម្លាំង​នគរបាល ទូទាំង​ខេត្ត និង​ប្រជាពលរដ្ឋ ដោយ​មិន​ប្រកាន់​និន្នាការ​នយោបាយ​ឡើយ ។ ចំណែក​ជំងឺ​ទឹកនោមផ្អែម គឺ​ព្យាបាល​មិន​យកលុយ​ទេ​៕/V

ទីតាំងផ្សាយពាណិជ្ជកម្ម

- Advertisment -

Most Popular