Home ព័ត៌មានអន្តរជាតិ ៤​នាក់​ស្លាប់...

៤​នាក់​ស្លាប់​ដោយសារ​ដុត​ក្រដាសសែន​នៅ​វៀតណាម​

​ប្រែ​សម្រួលៈ​វាសនា​/​ហាណូយ​៖​មនុស្ស​៤​នាក់​រួម​មាន​និស្សិត​សកល​វិទ្យាល័យ​៣​នាក់ បាន​ស្លាប់​កាលពី​រសៀល​ថ្ងៃ​ព្រហស្បតិ៍ នៅ​ក្រុង​ហាណូយ​បន្ទាប់ពី​ឆេះ​ផ្ទះ​មួយ​ដោយ​ទំនង​ជា​បណ្តាលមកពី​ការដុត​ក្រដាស​​សែន​។​

​វឿង ថា​យ យឿ​ង មន្ត្រីសង្កាត់ បា ឌី​ញ បាន​និយាយថា​អគ្គិភ័យ​បាន​ឆាបឆេះ​នៅ​ម៉ោង​ប្រមាណ​២​រសៀល​ថ្ងៃ​ព្រហស្បតិ៍ នៅក្នុង​ផ្ទះ​មួយ​។​នៅ​ខាងក្នុង​ផ្ទះ​មាន​មនុស្ស​៤​នាក់ រួម​មាន​និស្សិត​សកល​វិទ្យាល័យ​៣​នាក់​។​

​កាលពី​ព្រឹក​ថ្ងៃ​ព្រហស្បតិ៍ អ្នក​ទាំង​៤​បាន​អញ្ជើញ​មិត្ត​ម្នាក់​មក​ទទួល​ទាន​អាហារ​។​នៅ​ម៉ោង​ប្រមាណ​១២ ថ្ងៃត្រង់ ពួកគេ​បាន​ដុត​ក្រដាសសែន នៅមុខ​ផ្ទះ​។​បន្ទាប់មក ពួកគេ​ទទួលទាន​អាហារ​នៅក្នុង​ផ្ទះ​​។​ពួកគេ​បាន​ដេក​នៅ​ខាងក្នុង​ផ្ទះ នៅពេល​ម្នាក់​បាន​ចេញ​ទៅ​ក្រៅ ដោយ​ចាក់សោរ​ទ្វាររបង​។​

​នៅ​ម៉ោង​ប្រមាណ​២​រសៀល នៅពេល​បុរស​នោះ​វិល​មក​វិញ ផ្ទះ​បាន​ឆេះ​។​ឡាន​ទឹក​៣​គ្រឿង និង​អ្នក​ពន្លត់​អគ្គិភ័យ​១៥​នាក់​ត្រូវបាន​បញ្ជូន​ទៅកាន់​កន្លែង​កើតហេតុ តែ​មនុស្ស​៤​នាក់​នៅ​ខាងក្នុង​ត្រូវបាន​​រកឃើញ​ថា​ស្លាប់​។​

​ការដុត​ក្រដាសសែន​មុន​ចូល​ឆ្នាំ​ថ្មី ជា​ប្រពៃណី​យូរយារ​ណាស់​មកហើយរ​បស់​ប្រជាជន​ចិន​វៀតណាម ជាពិសេស​ក្នុងអំឡុងពេល​អបអរ​ឆ្នាំ​ថ្មី និង​ខួប​មរណភាព​របស់​ន​រណា​ម្នាក់​។​

​អាជ្ញាធរ​បាន​អំពាវនាវ​អោយ​ប្រជាជន​បោះបង់​ចោល​ទម្លាក់​នេះ​ដែរ​ដោយសារ​តែ​វា​បំពុលបរិស្ថាន និង​ចំណាយ​ប្រាក់​៕

​សាកសព​មនុស្ស​៤​នាក់​ត្រូវបាន​រកឃើញ​ក្នុង​អគ្គិភ័យ​នៅ​សង្កាត់​បា ឌិញ កាលពី​ថ្ងៃ​៤​កុម្ភៈ ត្រូវបាន​សែង​ចូល​ឡានពេទ្យ​

ទីតាំងផ្សាយពាណិជ្ជកម្ម

- Advertisment -

Most Popular