Home ព័ត៌មានអន្តរជាតិ នាវាចម្បាំង​ទ...

នាវាចម្បាំង​ទី​មួយ​របស់​អាម៉េរិក​ឆ្លងកាត់​ច្រក​សមុទ្រ​តៃវ៉ាន់​ចាប់តាំងពី​ថ្ងៃ​សម្ពោធ​កាន់​តំណែង​របស់​លោកបៃ​ដិន​

​ប្រែ​សម្រួល : កញ្ញា​ដា​លី​ស ៖ កងទ័ពជើងទឹក​អាម៉េរិក​និយាយ​ថា​នាវាចម្បាំង​អាម៉េរិក​មួយគ្រឿង​បាន​ធ្វើដំណើរ​ឆ្លងកាត់​ច្រក​សមុទ្រ​តៃវ៉ាន់​នៅ​ថ្ងៃ​ព្រហស្បតិ៍​នេះ​នៅ​ក្នុងការ​ធ្វើ​ដំណើរ​លើ​ក​ដំបូង​ចាប់​តាំង​​ពី​ការ​ឡើងកាន់​តំណែង​របស់​ប្រធានាធិបតី​ចូ បៃ​ដិន​។​

​កង​នា​វាទី​៧​អាម៉េរិក​បាន​និយាយ​ក្នុង​សេចក្តីថ្លែងការណ៍​មួយ​ថា នាវា​ពិឃាដ USS John S. McCain ដែល​បំពាក់​មី​ស៊ី​លបញ្ជា​ទិស​ប្រភេទ Arleigh Burke​បាន​ដឹកនាំ​ការឆ្លងកាត់​ជា​ទម្លាប់​លើ​ផ្លូវទឹក​​ខ័ណ្ឌ​ចែក​រវាង​ដី​ចិនដីគោ​កនិង​កោះ​តៃវ៉ាន់​។​

​នាវាចម្បាំង​អាម៉េរិក​ធ្វើ​សមយុទ្ធ​នាវាចរណ៍​ម្តងម្កាល​នៅតាម​ច្រក​សមុទ្រ​នេះ ដែល​ជារឿយៗ​បង្ក​ឱ្យ​មាន​ការឆ្លើយតប​ខឹងសម្បា​ពី​ចិន ដែល​អះអាង​ថា​កោះ​តៃវ៉ាន់​ដែល​គ្រប់គ្រង​បែប​ប្រជាធិបតេយ្យ​​ដោយ​ខ្លួនឯង គឺជា​ផ្នែក​មួយ​នៃ​ទឹកដី​ខ្លួន​។​

​រដ្ឋាភិបាល​ក្រុង​ប៉េកាំង​ចាត់ទុក​នាវា​ទាំងឡាយណា​ដែល​ឆ្លងកាត់​ច្រក​សមុទ្រ​នេះ​ជា​ការរំលោភ​អធិបតេយ្យភាព​របស់​ខ្លួន​ខណៈ​សហរដ្ឋ​អាម៉េរិក​និង​ប្រទេស​ជាច្រើន​ទៀត​ចាត់ទុក​ផ្លូវទឹក​នេះ​ជា​ដែនទឹក​​អន្តរជាតិ​បើកចំហ​សម្រាប់​គ្រប់គ្នា​។​

​នាវា​ពិឃាដ USS John S. McCain ឆ្លងកាត់​ច្រក​សមុទ្រ​តៃវ៉ាន់​នៅ​ថ្ងៃ​ព្រហស្បតិ៍​នេះ​

ទីតាំងផ្សាយពាណិជ្ជកម្ម

- Advertisment -

Most Popular