Home ព័ត៌មានអន្តរជាតិ ជំនួយការ​ជាន់...

ជំនួយការ​ជាន់ខ្ពស់​ម្នាក់​ទៀត​របស់​ស៊ូ ជី ត្រូវបាន​ចាប់ខ្លួន​នៅ​មី​យ៉ាន់​ម៉ា​

ប្រែ​សម្រួលៈ​វាសនា​/​យ៉ាងហ្គោន​៖​ឥស្សរជន​សំខាន់​ម្នាក់ទៀត​នៅក្នុង​គណបក្ស​សម្ពន្ធជាតិ​សំរាប់​លទ្ធិប្រជាធិបតេយ្យ​របស់​លោកស្រី​អ៊ុង សាន ស៊ូ​ជី លោក​វីន អេច​ទីន​បាន​ប្រាប់​ទីភ្នាក់ងារសារព័ត៌​មាន​បរទេស​​ថា លោក​ត្រូវបាន​ចាប់ខ្លួន​ក្រោយ​រដ្ឋប្រហារ​នៅ​សប្តាហ៍​នេះ នៅពេល​ក្រុមប្រឹក្សាសន្តិសុខ​អង្គការសហប្រជាជាតិ​អំពាវនាវ​អោយ​ដោះ​លែ​ជន​ត្រូវ​ចាប់ខ្លួន​ក្តី​។​

​លោក​វីន អេច​ទីន អាយុ​៧៩​ឆ្នាំ ជា​មនុស្ស​ជំនិត​របស់​ស៊ូ​ជី និង​ជា​អ្នកទោសនយោបាយ​ដ៏​យូរ​ម្នាក់ ក្នុងអំឡុង​យុទ្ធនាការ​បញ្ចប់​ការគ្រប់គ្រង​យោធា​រាប់​ទសវត្សរ៍​។​លោក​បាន​ប្រាប់​ទីភ្នាក់ងារ​សារព័ត៌មាន​រ៉​យ​​ទ័រ​ថា​លោក​ត្រូវបាន​ប៉ូលិស​នាំ​ចូល​ក្នុង​រថយន្ត​មួយ​ពី​ក្រុង​យ៉ាងហ្គោន​ទៅកាន់​រដ្ឋធានី ណៃពី​ដោ​រ​។​

​លោក​មិន​បាន​និយាយ​ថា​តើ​លោក​ត្រូវបាន​គេ​ចោទប្រកាន់​ពី​បទ​ប្រព្រឹត្ត​អ្វី​នោះ​ទេ តែ​ថា​«​ពួក​មិន​កាច​ទេ ដែល​អាច​អោយ​ខ្ញុំ​ប្រើ​ទូរស័ព្ទដៃ​បាន​។​យើង​ត្រូវ​បាន​គេ​ប្រព្រឹត្ត​អាក្រក់​លើ​អស់​ពេល​ដ៏​យូរ​។​ខ្ញុំ​មិន​​ដែល​ខ្លាច​ពួកគេ​ទេ ដោយសារ​ខ្ញុំ​អត់​ធ្វើ​អី​ខុស​ក្នុង​ពេញ​មួយជីវិត​ខ្ញុំ​»​។​

​មេដឹកនាំ​គណបក្ស​សម្ពន្ធជាតិ​សំរាប់​លទ្ធិប្រជាធិបតេយ្យ​លោកស្រី​អ៊ុង សាន ស៊ូ​ជី ត្រូវបាន​ឃាត់ខ្លួន​កាលពី​ថ្ងៃ​ចន្ទ​នៅពេល​គណបក្ស​របស់​លោក​ស្រី​ដណ្តើមបាន​ជ័យជម្នះ​ភ្លូកទឹកភ្លូកដី​នៅក្នុង​ការបោះឆ្នោត​​ដែល​យោធា​អះអាងថា​មាន​ភាពមិនប្រក្រតី​ទូទៅ​។​ឥឡូវ​លោកស្រី​ជាប់ចោទ​ពី​បទ​នាំចូល​វិទ្យុទាក់ទង​៦​គ្រឿង​ដោយ​ខុសច្បាប់​។​

​ក្រុមប្រឹក្សាសន្តិសុខ​អង្គការសហប្រជាជាតិ​កាលពី​ថ្ងៃ​ព្រហស្បតិ៍​បាន​អំពាវនាវ​អោយ​ដោះលែង​ស៊ូ​ជី និង​អ្នក​ត្រូវ​ចាប់ខ្លួន​ដទៃទៀត និង​ក៏​បាន​សម្តែង​ការព្រួយបារម្ភ​អំពី​សភាពការណ៍​នៅ​មី​យ៉ាន់​ម៉ា តែ​មិន​​បាន​ថ្កោលទោស​រដ្ឋប្រហារ​នេះ​ទេ ។​

​យោង​តាម​ក្រុម​ឃ្លាំមើល​មួយ មនុស្ស​ប្រមាណ​១៤៧​នាក់​ត្រូវបាន​ចាប់​ខ្លួន​ចាប់តាំងពី​មាន​រដ្ឋប្រហារ រួម​មាន​សកម្មជន សមាជិកសភា និង​មន្ត្រី​មកពី​រដ្ឋាភិបាល​របស់​លោកស្រី​ស៊ូ​ជី​៕

លោក​វីន អេច​ទីន ជា​មនុស្ស​ជំនិត​របស់​ស៊ូ​ជី និង​ជា​អ្នក​ជាប់​ឃុំ​ដ៏​យូរ​ក្នុង​យុទ្ធនាការ​បញ្ចប់​ការគ្រប់គ្រង​យោធា​នៅ​មី​យ៉ាន់​ម៉ា​

ទីតាំងផ្សាយពាណិជ្ជកម្ម

- Advertisment -

Most Popular