Home ព័ត៌មានជាតិ សេដ្ឋកិច្ច មាន​ក្រុមហ៊ុន...

មាន​ក្រុមហ៊ុន ៣ ជែង​គ្នា ក្នុងការ​ប្រមូល​សំរាម នៅ​រាជធានី​ភ្នំពេញ​

ដោយៈ រ៉ា​ម៉ន / ភ្នំពេញៈ ក្រោយពី​ស្វែងរក និង​ចម្រាញ់​ជាង ១​ឆ្នាំ គិត​ចាប់ពី​ខែតុលា ឆ្នាំ​២០១៩ មកដល់ពេលនេះ សាលា​រាជធានី​ភ្នំពេញ រកបាន​ហើយ នូវ​ក្រុមហ៊ុន​ឯកជន ចំនួន ៣ ដើម្បី​ធ្វើ​អាជីវកម្ម ប្រមូល​សំរាម នៅក្នុង​រាជធានី​ភ្នំពេញ​។ ក្រុមហ៊ុន​ឯកជន​ទាំង ៣ នោះ គឺ ក្រុមហ៊ុន​ស៊ីន​ទ្រី ក្រុមហ៊ុន Mizuda Group Co.,Ltd និង​ក្រុមហ៊ុន 800 Super/GAEA ហើយ​នៅ​ម៉ោង ៩ ព្រឹក ថ្ងៃទី​៥ ខែកុម្ភៈ ឆ្នាំ​២០២១ នៅ​សាលា​រាជធានី​ភ្នំពេញ​រដ្ឋបាល រាជធានី​ភ្នំពេញ នឹង​ប្រកាស​ប្រគល់​-​ទទួល​កិច្ចសន្យា ស្តីពី​ការផ្តល់សេវា​ប្រមូល និង​ដឹក ជញ្ជូន​សំរាម សំណល់​រឹង នៅ​រាជធានី​ភ្នំពេញ ដល់​ក្រុមហ៊ុន​ទាំងនោះ​។​

​សូម​រម្លឹកថា កាលពី​ថ្ងៃទី​២៥ ខែតុលា ឆ្នាំ​២០១៩ សម្តេច​តេ​ជោ ហ៊ុន សែន បានប្រកាស ជា​ផ្លូវការ ក្នុង​កិច្ចប្រជុំពេញអង្គ គណៈរដ្ឋមន្ត្រី សម្រេច​ដកសិទ្ធិ​ប្រមូល សំរាម​នៅ​រាជធានី ភ្នំពេញ ពី​ក្រុមហ៊ុន​ស៊ិន​ទ្រី ដោយ​ដាក់​ឲ្យ​ស្ថិតក្រោម​ការគ្រប់គ្រង របស់​រដ្ឋ​ជា​បណ្តោះ អាសន្ន​។ សម្តេច​តេ​ជោ ក៏បាន​ប្រកាស ឲ្យ​ក្រសួង​សេដ្ឋកិច្ច និង​ហិរញ្ញវត្ថុ និង​អាជ្ញាធរ រាជធានី​ភ្នំ​ព​ញ រៀបចំ​បែងចែក​តំបន់​គ្រប់គ្រង និង​ប្រមូល​សំរាម យ៉ាងហោចណាស់ ៤ តំបន់ ហើយ​ដាក់ ឲ្យ​ក្រុមហ៊ុន​ឯកជន ដេញថ្លៃ​ប្រមូល និង​គ្រប់គ្រង​សំរាម នៅ​រាជធានី​ភ្នំពេញ ដោយ​ក្រុមហ៊ុន​១ មាន​សិទ្ធិ​ទទួល​បានតែ ១ តំបន់​ប៉ុណ្ណោះ​។

​ការដក​សិទ្ធិ​ពី​ក្រុមហ៊ុន ស៊ីន ទ្រី ឈប់​ឲ្យ​ប្រមូល​សំរាម នៅ​ភ្នំពេញ ដោយសារតែ​ក្រុមហ៊ុន ផ្តាច់មុខ​យូរ​ឆ្នាំ​មកហើយ មិនអាច​គ្រប់គ្រង​ប្រមូល និង​ដឹកជញ្ជូន​សំរាមទាន់ពេលវេលា​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular