Home ព័ត៌មានជាតិ សេដ្ឋកិច្ច បរិ​យាប​ន្ន​ហ...

បរិ​យាប​ន្ន​ហិរញ្ញវត្ថុ​កំពុង​ដើរតួនាទី​យ៉ាងសំខាន់​ក្នុងការ​រួមចំណែក​កាត់បន្ថយ​ភាពក្រីក្រ​

ដោយៈ ជា សីហៈ​/​ភ្នំពេញៈ រ័ត្ន សុវណ្ណ​នរៈ អគ្គនាយក​ត្រួតពិនិត្យ បាន​ថ្លែងថា បរិ​យាប​ន្ន ហិរញ្ញវត្ថុ​ដើរតួនាទី​យ៉ាងសំខាន់​ក្នុងការ​រួមចំណែក​កាត់បន្ថយ​ភាពក្រីក្រ និង​លើកកម្ពស់ វិបុលភាព​នៅ​កម្ពុជា​។

​លោក​បាន​ថ្លែង កាលពី​ថ្ងៃទី​៤ ខែកុម្ភៈ​ពេល​អញ្ជើញ​ចូលរួម​ជា​គណៈអធិបតី​ក្នុង​វេទិកា​ប្រព័ន្ធ អេកូឡូស៊ី​សម្រាប់​សហគ្រិនភាព​ស្តីពី​“​លទ្ធភាព​ទទួលបាន​ហិរញ្ញប្បទាន​សម្រាប់​សហគ្រិន ស្ត្រី​ក្នុងសម័យ​កូ​វីដ​-១៩” នៅ​សណ្ឋាគារ​សូ​ហ្វី​តែ​ល​ភ្នំពេញ​ភូ​គី​ត្រា ថា ការជំរុញ​លទ្ធភាព ទទួលបាន​សេវា​ហិរញ្ញវត្ថុ​មានតម្លៃ​សមរម្យ​និង​មានការ​ត្រួតពិនិត្យ​ត្រឹមត្រូវ​គឺជា​សកម្មភាព​អាទិភាព​របស់​ធនាគារ​ជាតិ​នៃ​កម្ពុជា​។ ទោះយ៉ាងណា ការលើកកម្ពស់​បរិ​យាប​ន្ន​ហិរញ្ញវត្ថុ នៅ​កម្ពុជា នៅមាន​បញ្ហា​ប្រឈម​មួយចំនួន ពិសេស​សម្រាប់​ស្ត្រី ។​

​វេទិកា​នេះ​ត្រូវបាន​រៀបចំឡើង​ក្នុង​គោលបំណង​ចែករំលែក​ព័ត៌មាន​និង​ចំណេះដឹង​ពាក់ព័ន្ធ​នឹង​លទ្ធភាព​ទទួលបាន​ហិរញ្ញប្បទាន​របស់​ស្ត្រី ជាពិសេស​សហគ្រិន​ជា​ស្ត្រី​បង្កើត​បរិ​យា កាស​អំណោយផល​សម្រាប់​តួអង្គ​សំខាន់ៗ​និង​ស្ថាប័ន​ពាក់ព័ន្ធ​របស់​ប្រព័ន្ធ​អេកូឡូស៊ី​សហគ្រិនភាព និង​ជំរុញ​គ្រឹះស្ថាន​ផ្តល់​សេវា​ហិរញ្ញវត្ថុ​ផ្លូវ​ការឱ្យ​ពិចារណា​អំពី​ការអភិវឌ្ឍ​ផលិត ផល​និង​សេវា​ឱ្យស្រប​ទៅនឹង​តម្រូវការ​របស់​សហគ្រិន​ស្ត្រី ពិសេស​សហគ្រិន​ស្ត្រី​វ័យក្មេង​៕​/PC

ទីតាំងផ្សាយពាណិជ្ជកម្ម

- Advertisment -

Most Popular