Home ព័ត៌មានជាតិ សន្តិសុខ តុលាការ​កោះ ហ...

តុលាការ​កោះ ហៅ​អនុប្រធាន​មន្ទីរ​កសិកម្ម ខេត្តកណ្តាល​ម្នាក់ ឲ្យ​ចូល​បំភ្លឺ​ករណី ឆបោក​លុយ កន្លះ​លាន​ដុល្លារ​

​ដោយៈ ស​រិ​ទ្ធ / កណ្តាលៈ លោក វ៉ិ​ត ធា​រិ​ទ្ធ អនុប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ខេត្តកណ្តាល បាន​ត្រូវ​លោក សូ សុវិទ្យា ព្រះរាជអាជ្ញារង អម​សាលាដំបូង ខេត្តកណ្តាល ចេញ​ដីកា​កោះហៅ​លើក​ទី​៣ ឲ្យ​ចូល​បំភ្លឺ​ករណី ឆបោក​លុយ​កន្លះ​លាន​ដុល្លារ ដោយ​យោងតាម​ពាក្យបណ្តឹង លោក លី វុទ្ធី នៅ​ព្រឹក​ថ្ងៃទី​៤ ខែកុម្ភៈ ឆ្នាំ​២០២២១​។ ប៉ុន្តែ​ដល់ពេល​កំណត់ លោក វ៉ិ​ត ធា​រិ​ទ្ធ បានដាក់​ពាក្យសុំ​ពន្យារពេល ទៅ​ថ្ងៃក្រោយ​វិញ​។​

​ក្នុង​ដីកា​កោះហៅ​នេះ លោក​ព្រះរាជអាជ្ញារង សូ សុវិទ្យា បាន​សង្កត់ធ្ងន់ថាៈ «​ក្នុងករណី​ជនសង្ស័យ វ៉ិ​ត ធា​រិ​ទ្ធ មិន​ចូល​តាម​ការកំណត់ ក្នុង​ដីកាកោះ​នេះ យើង​នឹង​ចេញ​ដីកា​បញ្ជា អោយចូល​ខ្លួន អនុញ្ញាតអោយ​មន្ត្រីនគ​​​រ​បាល​​​យុត្តិធម៌ ប្រើប្រាស់​កម្លាំង​សាធារណៈ ដើម្បី​បង្ខំ​បុគ្គល​នោះ អោយចូល​បង្ហាញខ្លួន​»​។​

​គួររំលឹកថា លោក គង់ សោ​ភ័​ណ្ឌ អភិបាលខេត្ត​កណ្តាល កាលពី​ខែមីនា ឆ្នាំ​២០២០ ទើបបាន​តែងតាំង​លោក វ៉ិ​ត ធា​រិ​ទ្ធ មន្ត្រី​បច្ចេកទេស​ជាន់ខ្ពស់ ដើមខ្សែ​ពិសេស ថ្នាក់​លេខ​៦ (​ក​.១.៦) ជា​អនុប្រធាន​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្តកណ្តាល ។ ដោយឡែក លោក ហេង សុភា​រិ​ទ្ធិ ត្រូវបានតែងតាំង​ជា នាយ​ខណ្ឌ​រដ្ឋបាល​ជល​ផល ខេត្តកណ្តាល ជំនួស​លោក វ៉ិ​ត ធា​រិ​ទ្ធ ៕/V

 

ទីតាំងផ្សាយពាណិជ្ជកម្ម

- Advertisment -

Most Popular