Home ព័ត៌មានជាតិ សន្តិសុខ ដើរ​រើស​អេតចា...

ដើរ​រើស​អេតចាយ​យកមក​ទិញ​ថ្នាំញៀន​ជក់​, រក​មិនបាន​គ្រប់ លួច​គេ​ផ្សំ​៖ អាវុធហត្ថ​ឃាត់ខ្លួន​

ដោយ​: ប​,​ជ័យ / បន្ទាយ​មា​នេ​ជ័យ​: ជនសង្ស័យ​២​នាក់ ដើរ​រើស​អេតចាយ​យកមក​ទិញ​ថ្នាំញៀន​ជក់ តែ​រក​មិនបាន​គ្រប់ ក៏បាន​លួច​គេ​ផ្សំ ត្រូវ​អាវុធហត្ថ​១​ក្រុម​ដឹកនាំ​ដោយ​លោក​វរសេនីយ៍ត្រី យ៉ាន់ សុវណ្ណ មេបញ្ជាការ​មូលដ្ឋាន​ក​ង​រាជ​អាវុធហត្ថ​ក្រុង​សិរីសោភ័ណ ចុះបង្ក្រាប​បាន​នៅវេលា​ម៉ោង ២​រសៀល ថ្ងៃទី​៤ ខែកុម្ភៈ ឆ្នាំ ២០២១​។​

​លោក​វរសេនីយ៍ត្រី យ៉ាន់ សុវណ្ណ បាន​ឲ្យ​ដឹងថា​៖ ការឃាត់ខ្លួន​ជនសង្ស័យ​នេះ បាន​តាម​ពាក្យបណ្ដឹង​ឈ្មោះ សិទ្ធ ហ្វា​ស៊ី ភេទ​ប្រុស អាយុ​៣៩​ឆ្នាំ រស់នៅ​ភូមិ​ក្បាលស្ពាន សង្កាត់​ព្រះ​ពន្លា ក្រុង​សិរីសោភ័ណ ខេត្តបន្ទាយមានជ័យ ស្ដីពី​ករណី​លួច​ជញ្ជីង​របស់ខ្លួន​។​

​ក្រោយពី​ឃាត់ខ្លួន​អាវុធហត្ថ បានធ្វើ​ការដក​វត្ថុតាង រួមមាន ជញ្ជីង​សម្រាប់​ថ្លឹង​១​គ្រឿង​, គ្រឿងញៀន​មេ​តំ​ហ្វេ​តា​មីន​ទឹកកក​ចំនួន​២​ទុយោ​កិប ស្មើនឹង​ទម្ងន់​០,៣៧​ក្រាម និង​សម្ភារៈ​សម្រាប់​ជក់​ញៀន​មួយចំនួន​។​

​ជនសង្ស័យ​ទាំង​២​នាក់ ១​ឈ្មោះ ស៊ុ​ង រ៉ា ភេទ​ប្រុស អាយុ​៣៦​ឆ្នាំ ២​ឈ្មោះ សុង អ៊ិន​តាក់ ភេទ​ប្រុស អាយុ​៣១​ឆ្នាំ អ្នក​ទាំង​២ មុខរបរ និង​ទីលំនៅ​មិន​ច្បាស់លាស់ ។​

​ជនសង្ស័យ​បាន​ឆ្លើយថា ពួកគេ​ពិតជា​បាន​លួច​យក​ជញ្ជីង​នេះ ព្រោះ​សព្វ​ថ្ងៃមុខ​បបរ​រើស​អេតចាយ​រក​មិន​គ្រប់​ទេ​។ ហេតុនេះ​បានជា​លួច​មក​ផ្សំ ដើម្បី​បាន​លុយ​យកទៅ​ទិញ​ថ្នាំញៀន​ជក់​។​

​ជនសង្ស័យ​ទាំ​ងា​២​នាក់ ត្រូវបាន​កម្លាំង​ជំនាញ​ព្រហ្មទណ្ឌ​មូលដ្ឋាន​អាវុធហត្ថ​ខេត្ត កសាង​សំណុំរឿង​បញ្ជូនទៅ​សាលាដំបូង​ខេត្ត ដើម្បី​ចាត់ការ​តាមច្បាប់​៕​

ទីតាំងផ្សាយពាណិជ្ជកម្ម

- Advertisment -

Most Popular