Home ព័ត៌មានសំខាន់ៗ សម្តេច​តេ​ជោ ...

សម្តេច​តេ​ជោ ហ៊ុន សែន ប្រកាស​ថាដោយសារលក្ខខណ្ឌអាយុសម្តេចមិនអាច​ចាក់​វ៉ាក់សាំងស៊ី​ណូ​ហ្វា​ម បានទេ

ដោយៈ តារា​រិ​ទ្ធ /​ភ្នំពេញៈ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បានប្រកាសថា សម្តេច​នឹងមិន​ចាក់​វ៉ាក់សាំង ស៊ី​ណូ​ហ្វា​ម (Sinopharm) នៅ​ថ្ងៃទី​១០ ខែកុម្ភៈ ឆ្នាំ​២០២១ នោះឡើយ​។ សម្តេច​តេ​ជោ បានបញ្ជាក់​ថាៈ ការមិន​ចាក់​នេះ ដោយសារ​វ៉ាក់សាំង​នេះ ឱ្យ​ចាក់​ក្នុង​ចន្លោះ​អាយុ​ពី ១៨ ឆ្នាំ ទៅ ៥៩ ឆ្នាំ ប៉ុណ្ណោះ ដោយឡែក សម្តេច​អាយុ ៦៨ ឆ្នាំ​ហើយ​។​

​សម្តេច​តេ​ជោ ហ៊ុន សែន បានបញ្ជាក់ នៅលើ​ផេ​ក​ហ្វេ​ស​បុក នៅ​ល្ងាច​ថ្ងៃទី​៥ ខែកុម្ភៈ​ថាៈ «​ខ្ញុំ​ទើបបាន​ទទួល​ព័ត៌មាន តាមរយៈ​ក្រសួងសុខាភិបាល ដែល​បានទទួល​លិខិតផ្លូវការ ពី​ការិយាល័យ នៃ​ទីប្រឹក្សា​សេដ្ឋកិច្ច និង​ពាណិជ្ជ កម្ម ប្រចាំ​ស្ថានទូត នៃ​សាធារណរដ្ឋ ប្រជាមានិត​ចិន ប្រចាំ​ព្រះរាជាណាចក្រ​កម្ពុជា ដែល​បញ្ជាក់ថា វ៉ាក់សាំង​ឈ្មោះ ស៊ី​ណូ​ហ្វា​ម (Sinopharm) ចាក់​បានតែ​មនុស្ស មាន​អាយុ​ពី ១៨​ឆ្នាំ ទៅ ៥៩​ឆ្នាំ តែប៉ុណ្ណោះ​។ សម្រាប់​ខ្ញុំ ដែលមាន​អាយុ​ជាង ៦៨​ឆ្នាំ ទៅហើយ មិនទាន់​អាច​ចាក់​បានទេ​។ ដូចនេះ គម្រោង​ចាក់ វ៉ាក់សាំង ដែល​គ្រោង​ចាក់ នៅ​ថ្ងៃទី​១០ កុម្ភៈ ២០២១ នៅ​មន្ទីរពេទ្យ​កាល់ម៉ែត​នឹងត្រូវ លុបចោល អាស្រ័យ​ដោយ​ទាំង​ខ្ញុំ ទាំង​មន្ត្រីជាន់ខ្ពស់​ផ្សេងទៀត ភាគច្រើន​មាន​អាយុ លើសពី ៦០ ឆ្នាំ ទៅហើយ មិនអាច​ចាក់​បានទេ​។ សម្រាប់​កម្មវិធី​ចេញទៅ​ទទួល វ៉ាក់សាំង នៅ​រក្សា​ដដែល ៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular