Home ព័ត៌មានអន្តរជាតិ គណបក្ស​៖ អ៊ុង...

គណបក្ស​៖ អ៊ុង សាន ស៊ូ​ជី ស្ថិតក្រោម​ការឃុំ​ខ្លួន​ក្នុងផ្ទះ​តែ​សុខភាព​ល្អ​

ប្រែសម្រួលៈវាសនា/យ៉ាងហ្គោន៖​មន្ត្រី​ព័ត៌មាន​របស់​គណបក្ស​សម្ពន្ធជាតិ​ដើម្បី​លទ្ធិប្រជាធិបតេយ្យ​របស់​លោកស្រី បាន​និយាយ​កាលពី​ថ្ងៃ​សុក្រ​ថា លោកស្រី​អ៊ុង សាន ស៊ូ​ជី​របស់​មី​យ៉ាន់​ម៉ា កំពុង​ស្ថិត​ក្នុង​ការ​បង្ខាំង​ខ្លួន​នៅក្នុង​ផ្ទះ​តែ​មានសុខ​​ភាព​ល្អ​ទេ ក្រោយ​ពី​យោធា​ធ្វើ​រដ្ឋប្រហារ​បណ្តេញ​រដ្ឋាភិបាល​របស់​លោកស្រី​កាលពី​ថ្ងៃ​ចន្ទ​។​

​មន្ត្រី​ព័ត៌មាន បាន​និយាយ​ក្នុង​ទំព័រ​ហ្វេ​សប៊ុក​របស់​ខ្លួន​ថា «​យើង​បានដឹង​ថា ទីប្រឹក្សា​រដ្ឋ​អ៊ុង សាន ស៊ូ​ជី មាន​សុខភាព​ល្អ​នៅ​ក្រុង​ណៃពី​ដោ​រ​។​តាម​ខ្ញុំ​ដឹង​លោកស្រី​ស្ថិត​ក្នុង​ការ​បង្ខាំង​ខ្លួន​នៅក្នុង​ផ្ទះ​»​។​

​ជ័យលាភី​រង្វាន់​ណូបែល​រូប​វ័យ​៧៥​ឆ្នាំ​រូប​នេះ មិន​ត្រូវបាន​គេ​ឃើញ​ទេ​ចាប់​តាំងពី​ព្រឹក​ថ្ងៃ​ចន្ទ ពេល​ដែល​យោធា​ចាប់ខ្លួន​លោក​ស្រី​និង​មន្ត្រី​ជាច្រើនរូប​ទៀត​។​ប៉ូលិស​បាន​ចោទប្រកាន់​លោកស្រី​ចំពោះ​ការនាំ​​ចូល​វិទ្យុទាក់ទង​៦​គ្រឿង​ដោយ​ខុសច្បាប់ បន្ទាប់ពី​ក្រុម​យោធា​បាន​រកឃើញ​ពួកវា​នៅក្នុង​ផ្ទះ​របស់​លោកស្រី​។​

​កាលពី​ថ្ងៃ​សុក្រ​នេះដែរ គ្រូ​និង​និស្សិត​នៅ​មី​យ៉ាន់​ម៉ា​បាន​ចេញ​មក​តវ៉ា​ប្រឆាំង​នឹង​រដ្ឋប្រហារ និង​ចូលរួម​ជាមួយ​និយោជិតរ​ដ្ឋ​នៅ​ស្ថាប័ន​ផ្សេងៗ​ក្នុង​ការ​មិន​គោរព​ច្បាប់សង្គម ជា​កាយវិការ​បង្ហាញ​ការមិន​​យល់​ស្រប​នឹង​រដ្ឋប្រហារ​និង​គាំទ្រ​គណបក្ស​សម្ពន្ធជាតិ​ដើម្បី​លទ្ធិប្រជាធិបតេយ្យ​។​

​គ្រូបង្រៀន​ម្នាក់ នៅ​សកល​វិទ្យាល័យ​យ៉ាងហ្គោន​បាន​និយាយថា​« យើង​ចង់​អោយ​រដ្ឋប្រហារ​យោធា​បរាជ័យ​»​។​

​នៅក្នុង​សេចក្តីថ្លែងការណ៍​មួយ គណបក្ស​សម្ពន្ធជាតិ​ដើម្បី​លទ្ធិប្រជាធិបតេយ្យ​បាន​ថ្កោលទោស​រដ្ឋប្រហារ​និង​ថា​ការឃុំខ្លួន​លោកស្រី​ស៊ូ​ជី​ជា​ការ​មិន​អាច​ទទួលយក​បាន​និង​ទាមទារ​អោយ​ដោះលែង​លោក​​ស្រី​និង​អ្នក​ត្រូវ​ឃុំខ្លួន​ដទៃទៀត​ជាបន្ទាន់​៕

​មេធាវី​របស់​ស៊ូ​ជី​និយាយថា លោក​មិន​អាច​ចូល​ជួប​លោក​ស្រី និង​ទាមទារ​អោយ​ដោះលែង​លោក​ស្រី​ដោយ​គ្មាន​លក្ខខណ្ឌ​

 

ទីតាំងផ្សាយពាណិជ្ជកម្ម

- Advertisment -

Most Popular