Home ព័ត៌មានជាតិ សន្តិសុខ ស្លាប់ និង​រប...

ស្លាប់ និង​របួស​បីនាក់ ដោយសារ​រថយន្ត​ឡង​គ្រី​ស័​រ បុក​ម៉ូតូ កំពុង​បត់​

ដោយៈ បូកគោ/កំ​ពតៈ ស្ត្រី​ម្នាក់ បាន​ស្លាប់​នៅនឹងកន្លែង ចំណែក​យុវជន ពីរ​នាក់​ទៀត រងរបួស​ធ្ងន់ ដោយសារ​រថយន្ត បុក​ម៉ូតូ ពេលធ្វើ​ដំណើរ​ស្រប​ទិស​គ្នា​។ ហេតុការណ៍​នេះ បានកើត​ឡើង កាលពី​វេលា​ម៉ោង ២​និង​៣០​នាទី រសៀល​ថ្ងៃទី​៥ ខែកុម្ភៈ ឆ្នាំ​២០២១ នៅលើ​ដងផ្លូវ​ជាតិ​លេខ​៣ ស្ថិតក្នុង​ភូមិ​ទ្វារ​ថ្មី ឃុំ​ព្រៃ​ថ្នង ស្រុក​ទឹកឈូ ខេត្តកំពត​។​

​សមត្ថកិច្ច បាន​ប្រាប់​ឱ្យដឹងថាៈ ស្ត្រី​ដែល​បាត់បង់​ជីវិត ឈ្មោះ សៅ យ៉ាន អាយុ ៦៧​ឆ្នាំ​។ ចំណែក​អ្នករងរបួស រួមមាន ១. ឈ្មោះ សុះ អ៊ី​ម៉ាន់ ភេទ​ប្រុស អាយុ ១៧​ឆ្នាំ​, ២.​ឈ្មោះ សុះ អ៊ី​សើ ភេទ​ប្រុស អាយុ ១៤​ឆ្នាំ​។ អ្នក​ទាំងបី​រស់នៅ​ភូមិ​ទ្វារ​ថ្មី ឃុំ​ព្រៃ​ថ្នង ស្រុក​ទឹកឈូ ខេត្តកំពត​។ ចំណែក​អ្នកបើកបរ​រថយន្ត ឈ្មោះ លូ គឹម​ឡេង ភេទ​ស្រី អាយុ​ប្រហែល ២៩​ឆ្នាំ រស់នៅ​សង្កាត់​វាលវង់ ខណ្ឌ​៧​មករា រាជធានី​ភ្នំពេញ​។​

​ប្រភព​ដដែល បាន​រៀបរាប់ថាៈ មុន​គ្រោះថ្នាក់​កើតឡើង គេ​ឃើញ​ម៉ូតូ​មួយគ្រឿង​ធ្វើដំណើរ ពី​ទិសខាងកើត ដោយមាន​អ្នកជិះ​បីនាក់​។ លុះដល់​ចំណុចកើតហេតុ​ម៉ូតូ​បាន​បត់​ឆ្វេង បម្រុង​ចុះ​ពី​ផ្លូវជាតិ​។ ស្រពពេលនោះ​ក៏មាន​រថយន្ត​ម៉ាក​តូយ៉ូតា ឡង់​គ្រី​ស័​រ មួយគ្រឿង ពាក់​ស្លាក​លេខ ភ្នំពេញ 2S.6066 មកពី​ក្រោយ បាន​បុក​ពេញទំហឹង បណ្តាលឱ្យ​ម៉ូតូ​ដួល និង​អ្នកជិះ​ខ្ទាត ដេក​រដូករណែល លើផ្លូវ​តែម្តង​។​

​សមត្ថកិច្ច បានបញ្ជាក់​ថាៈ ភ្លាមៗ ពេល​អ្នកជិតខាង ចូលទៅ​ជួយ ស្រាប់តែ​ឃើញ​ស្ត្រី ដែល​ជិះ​ពីក្រោយ បាត់បង់​ជីវិត​ទៅហើយ​។ ចំណែក​យុវជន ពីរ​នាក់​ទៀត បាន​រងរបួស​ធ្ងន់ ទើប​ទំនាក់ទំនង​ហៅ រថយន្ត​ដឹកបញ្ជូន ទៅ​មន្ទីរពេទ្យបង្អែក​ខេត្តកំពត​ដើម្បី​សង្គ្រោះ បន្ទាន់​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular