Home ព័ត៌មានសំខាន់ៗ បីនាក់បាន​ស្ល...

បីនាក់បាន​ស្លាប់ ដោយសារ​រថយន្ត​ដឹកឈើបុក​ជាមួយ​រថយន្តមួយផ្សេងទៀតនៅ​ស្រុក​សំបូរ​

ដោយៈ កាំ​ពី/ក្រចេះ ៖ មនុស្ស​ប្រុសបីនាក់ ស្លាប់ នៅនឹងកន្លែង​កើតហេតុ ដោយសារ រថយន្ត​ដឹកឈើ បុក​ជាមួយ​រថយន្ត ហ៊ីយ៉ាន់ដាយ ក្នុងទិសដៅ​បញ្ច្រាសទិស​គ្នា​ស្ថិតនៅក្នុង ភូមិ​អូរ​ព្រះ ឃុំ​អូរ​គ្រៀង ស្រុក​សំបូរ ខេត្តក្រចេះ កាលពី​យប់ ថ្ងៃទី​៥ ខែកុម្ភៈ ឆ្នាំ​២០២១ នេះ​។​

​យោងតាម​របាយការណ៍ នគរបាល​ស្រុក​សំបូរ បាន​ប្រាប់​ឲ្យ​ដឹងថាៈ នៅ​ព្រឹក​ថ្ងៃទី​៦ ខែកុម្ភៈ ឆ្នាំ​២០២១ ករណី​គ្រោះថ្នាក់​ចរាចរណ៍ រវាង​រថយន្ត បុក​រថយន្ត ក្នុងទិសដៅ​បញ្ច្រាស ទិស​គ្នា​នោះ បង្កឡើង​ដោយ រថយន្ត​ម៉ាក​សាំង​យ៉ុង ពណ៌​ស គ្មាន​ស្លាក​លេខ​បើកបរ ដោយ​ឈ្មោះ កង រតនា ភេទ​ប្រុស អាយុ ២១​ឆ្នាំ មាន​ទីលំនៅ ភូមិ​កោះ​ខ្ញែរ ឃុំ​អូរ​គ្រៀង ស្រុក​សំបូរ ខេត្តក្រចេះ និង​រួម​ដំណើរ​ជាមួយ​រួមមានៈ ទី​១.​ឈ្មោះ សុខ ថា​ល់  អាយុ ២៨​ឆ្នាំ មាន​ទីលំនៅ ភូមិ​ខ្សាច់​លាវ ឃុំ​អូរ​គ្រៀង ។ ទី​២. ឈ្មោះ សោម ផល្លា  អាយុ ១៨​ឆ្នាំ មាន​ទីលំនៅ​ភូមិ​កែង​ប្រាសាទ ឃុំ​សំបូរ ស្រុក​សំបូរ ខេត្តក្រចេះ ធ្វើដំណើរ​ពី ទិស​ខាងត្បូង ទៅ​ទិស​ខាងជើង លុះ​ពេលមកដល់ ចំណុចកើតហេតុ ខាងលើ បានមក​បុក​រថយន្ត ម៉ាក​ហ៊ី​យ៉ុ​ន​ដាយ ពណ៌​ស ពាក់​ស្លាក​លេខ ភ្នំពេញ 3B-3033 អ្នកបើកបរ​ឈ្មោះ ជា សុជាតិ (​គ្មាន​របួស រត់គេចខ្លួន​) ភេទ​ប្រុស អាយុ ២៥​ឆ្នាំ មាន​ទីលំនៅ ភូមិ​សុ​ក្រំ​ជ្រុំ ឃុំ​គង​ជ័យ ស្រុក​អូររាំងឪ ខេត្ត​ត្បូងឃ្មុំ ដែល​ធ្វើដំណើរ ពី​ទិស​ខាងជើង ទៅ​ទិស​ខាងត្បូង ។​

​សមត្ថកិច្ច បានបញ្ជាក់​នៅក្នុង​របា​យ​ការណ៍​នោះ​ថាៈ ករណីនេះ បណ្ដាលឱ្យ​អ្នកបើកបរ រថយន្ដ​សាំង​យ៉ុង ឈ្មោះ កង រតនា និង​អ្នករួមដំណើរ​ជាមួយ រថយន្ត​សាំង​យ៉ុង ឈ្មោះ សុខ ថា​ល់ និង​ឈ្មោះ សោម ផល្លា បាន​ស្លាប់ នៅនឹងកន្លែង​កើតហេតុ​តែម្តង​។​

​ប​ច្ច​ប្បន្ន សាកសព​ទាំងបី​នាក់ ត្រូវបាន​សមត្ថកិច្ច ប្រគល់ជូន​ក្រុមគ្រួសារ យកទៅ​ធ្វើបុណ្យ តាម​ប្រពៃណី​។ រីឯ រថយន្ត​ខូចខាត​ធ្ងន់​ទាំង ២​គ្រឿង ត្រូវបាន​កម្លាំង​ជំនាញ ចរាចរណ៍​ស្រុក យកមក​រក្សាទុក នៅ​ប៉ុស្ដិ៍នគរបាល​រដ្ឋបាល អូរ​គ្រៀង ជា​បណ្ដោះអាសន្ន​រង់ចាំ​ការ​ដោះ ស្រាយ តាម​នីតិវិធី​ច្បាប់​ជា​បន្ត​៕/V-PC/សរន

ទីតាំងផ្សាយពាណិជ្ជកម្ម

- Advertisment -

Most Popular