Home ព័ត៌មានជាតិ សន្តិសុខ នារី​រូប​ស្រស...

នារី​រូប​ស្រស់​ម្នាក់ មាន​វិប្បត្តិ​ផ្លូវចិត្ត ប៉ុនប៉ង​លោតទឹក​សម្លាប់ខ្លួន លើ​ស្ពាន​ជ្រោយចង្វា​ថ្មី​

ដោយៈ អង្គា​រ៍​ហេង/ភ្នំពេញៈ កាលពី​វេលា​ម៉ោង ១១​នឹង​២០​នាទី​យប់ ថ្ងៃទី​០៥ ខែកុម្ភៈ ឆ្នាំ​២០២១ មាន​ករណី​នារី​រូប​ស្រស់​សោភា​ម្នាក់​ដាច់ចិត្ត​ប៉ុនប៉ង​លោតទឹក ពីលើ​ស្ពាន ជ្រោយចង្វារ សម្លាប់ខ្លួន​តែ​មិនបាន​សម្រេច ទីតាំងនៅ​ត្រង់ចំណុច​លើ​ស្ពាន​ជ្រោយចង្វារ​ថ្មី ស្ថិតនៅក្នុង​សង្កាត់ ស្រះចក ខណ្ឌដូនពេញ រាជធានី​ភ្នំពេញ​។

​មុនពេល​កើតហេតុ គេ​ឃើញ​នារី​ខាងលើ ជិះ​ម៉ូតូ​ឡាំប្រឺតា (​កង់​បី​ឥណ្ឌា​) មួយគ្រឿង រួច​ក៏​បើក​ឡើង ស្ពាន​ជ្រោយចង្វារ​ថ្មី ក្នុងទិសដៅ​ពី​ខាងលិច ទៅខាង​កើត បាន​ពាក់ កណ្តាល​ស្ពាន ក៏​ស្រាប់តែ​ឲ្យ​ម៉ូតូ​កង់​បី​ឥណ្ឌា​នោះ​ឈប់ រួចហើយ ក៏​ឈរ​យំ​បាន​មួយសន្ទុះ បន្ទាប់មក ក៏​ប៉ុនប៉ង​ធ្វើ​សកម្មភាព លោតទឹក​សម្លាប់ខ្លួន​តែម្ដង ប៉ុន្តែ​ត្រូវបាន​ម្ចាស់​ឡាំប្រឺតា ឃាត់​ទាន់ពេលវេលា ហើយ​បាន​នាំមក​កាន់​សមត្ថកិច្ច​គោលដៅ នៅ​រង្វង់​មូល​គួច​កាណុង ដើម្បី​សួរនាំ​។ មូលហេតុ​ដែល​នារី​រូប​ស្រស់ ចង់​លោតទឹក​សម្លាប់ខ្លួន គឺ​មកពី​ឈ្លោះ​គ្នា ជាមួយ​សង្សារ ហើយ​នាង​ក៏​ជិះ​កង់​បី​ឥណ្ឌា ទៅដល់​លើ​ស្ពាន​ជ្រោយចង្វារ​តែម្ដង​។ បន្ទាប់ពី​សួរនាំ​រួច សមត្ថកិច្ច​ស្រះចក ក៏បាន​យក​នារី​រូបនោះ សាកសួរ​នៅ​ប៉ុស្តិ៍​បន្ថែម រួច​បាន​ទំនាក់ទំនង ទៅ​ក្រុមគ្រួសារ ដើម្បី​មក​ទទួលយក​ទៅផ្ទះ​វិញ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular