ចែក​អំណោយ​កាកបាទក្រហម ជូន​ដល់​ចាស់ជរា ស្ត្រី​មេម៉ាយ និង​ជនពិការ ៣៣ គ្រួសារ នៅ​សង្កាត់​ផ្សារ​ដេប៉ូ​ទី​២

ដោយៈ រ៉ា​ម៉ន / ភ្នំពេញៈ នៅ​ព្រឹក​ថ្ងៃ​សៅរ៍ ថ្ងៃទី​៦ ខែកុម្ភៈ ឆ្នាំ ២០២១ នេះ នៅ​សាលា សង្កាត់​ផ្សារ​ដេប៉ូ​ទី​២ ក្រុមការងារ​អនុសាខា កាកបាទក្រហមកម្ពុជា ខណ្ឌទួលគោក បានរៀបចំ​ពិធី​សាកសួរ​សុខទុក្ខ និង​ចែក​អំណោយ​មនុស្សធម៌ របស់​កាកបាទក្រហម​កម្ពុជា របស់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា​ជូន​ដល់ ចាស់ជរា ស្ត្រី​មេម៉ាយ និង​ជនពិការ ៣៣ គ្រួសារ រស់នៅ​សង្កាត់​ផ្សារ​ដេប៉ូ​ទី​២ ខណ្ឌទួលគោក ។​

​ចាស់ជរា ស្ត្រី​មេម៉ាយ និង​ជនពិការ ៣៣ គ្រួសារ​នេះ គឺ​ចាស់ជរា ១០ គ្រួសារ ស្ត្រី​មេម៉ាយ ១០ គ្រួសារ ជនពិការ ៣ គ្រួសារ និង​ប្រជាពលរដ្ឋ ដែលមាន​ជីវភាព​ខ្វះខាត ១០ គ្រួសារ សរុប​ចំនួន ៣៣ គ្រួសារ ។ បិ​ធី​នេះ បាន​ប្រព្រឹត្តទៅ ក្រោម​វត្តមាន​លោក ទេសរដ្ឋមន្ត្រី កិត្តិ​នីតិកោសល​បណ្ឌិត ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ និង​លោក ឯក ឃុន​ដឿ​ន អភិបាលខណ្ឌ​ទួលគោក និង​ជា​ប្រធានកិត្តិយស អនុសាខា​កាកបាទក្រហម កម្ពុជា ខណ្ឌទួលគោក​។​

​ក្នុងនាម​អនុសាខា​កាកបាទក្រហមកម្ពុជា​ខ​ណ្ឌ​ទួលគោក លោក​កិត្តិ​នីតិកោសល​បណ្ឌិត បាន​ពាំ​នាំនូវ​ការ​ផ្តាំផ្ញើ សាកសួរ​សុខទុក្ខ​ពី​សំណាក់ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែល​តែងតែបាន​គិតគូរ​យក​ចិត្ត​ទុកដាក់​ជាប់ ជានិច្ច ចំពោះ​សុខទុក្ខ​ប្រជាពលរដ្ឋ គ្រប់​ក្រុមគ្រួសារ និង​គ្រប់​ទីកន្លែង​ដោយ​មិន​ប្រកាន់ ពី​និន្នាការ​នយោបាយ ជាតិ​សាសន៍ សាសនា វណ្ណៈ ពណ៌​សម្បុរ​អ្វី​ទាំងអស់ ពោលគឺ ” កាកបាទក្រហមកម្ពុជា មាន​គ្រប់​ទីកន្លែង សម្រាប់​គ្រប់ៗ​គ្នា -​មិន​ទុក​នរណាម្នាក់​ចោល “​។ លោក​ក៏​សូម​អំពាវនាវ​ដល់ លោកតា លោកយាយ បងប្អូន​ទាំងអស់ យកចិត្តទុកដាក់ ពី​សុខភាព ជាពិសេស​បន្ត​ការពារ និង​រក្សា​អនាម័យ​ជានិច្ច តាម​ការណែនាំ​របស់ ក្រសួងសុខាភិបាល ដើម្បី​ចូលរួម​ទប់ស្កាត់ បង្ការ​ហានិភ័យ ពី​ការឆ្លង​ជំងឺ​កូ​វីដ​១៩ ទាំងអស់គ្នា ដោយ​ផ្តើមចេញពី​ខ្លួន​យើង​។​

​មន្ត្រីរដ្ឋបាល​ខណ្ឌ បានឱ្យដឹងថាៈ អំណោយ​មនុស្សធម៌ ដែល​បាន​ចែកជូន​នោះ គឺ​ក្នុង ១​គ្រួសារៗ ទទួលបាន​អង្ករ ២៥ គីឡូក្រាម មី​១​កេស ទឹកត្រី​១​យួរ និង​ថវិកា​ចំនួន​៤ ម៉ឺន​រៀល ៕/V-PC

ទីតាំងផ្សាយពាណិជ្ជកម្ម

- Advertisment -

Most Popular