Home ព័ត៌មានអន្តរជាតិ យាន​ស្រាវជ្រា...

យាន​ស្រាវជ្រាវ​របស់​ចិន​បញ្ជូន​រូបភាព​ដំបូង​នៃ​ភព​អង្គារ​មក​ផែនដី​

​ប្រែ​សម្រួល : កញ្ញា​ដា​លី​ស ៖ ទីភ្នាក់ងារ​អវកាស​ជាតិ​ចិន (CNSA) និយាយថា យាន​ស៊ើបអង្កេត Tianwen-1 របស់​ចិន​បាន​បញ្ជូន​រូបភាព​ភព​ព្រះ​អង្គារ​ទី​១ ត្រឡប់​មក​ផែនដី​វិញ​ខណៈ​យាន​បេសកកម្ម​​នេះ​ត្រៀម​ចុះ​នៅ​លើ​ភព​ក្រហម​នៅ​ប៉ុន្មាន​ខែ​ទៀត​នៃ​ឆ្នាំនេះ​។​

​យាន​អវកាស ដែល​បង្ហោះ​កាលពី​ខែកក្កដា​ក្នុងពេល​ដំណាលគ្នា​នឹង​បេសកកម្ម​របស់​អាម៉េរិក​ដែល​ជា​គូប្រជែង ត្រូវ​គេ​រំពឹងថា​នឹង​ចូល​ទៅ​កាន់​គន្លង​របស់​ភព​ព្រះ​អង្គារ​នៅ​ថ្ងៃទី ១០ ខែ​កុម្ភៈ​។​

​រូបថត​ស​ខ្មៅ​ដែល​ចេញផ្សាយ​កាលពី​ល្ងាច​ថ្ងៃ​សុក្រ​ទី​៥​កុម្ភៈ​ដោយ​រដ្ឋបាល​អវកាស​ជាតិ​ចិន បាន​បង្ហាញ​ពី​លក្ខណៈ​ភូមិសាស្ត្រ​ជាច្រើន រួម​មាន​រណ្តៅ Schiaparelli និង​ផ្ទាំងសិលា Valles Marineris ដែល​ជា​ផ្ទាំងសិលា​លាតសន្ធឹង​យ៉ាង​ធំ​នៅ​លើ​ផ្ទៃ​ភព​ក្រហម​នេះ​។​

​យោងតាម CNSA បានឱ្យដឹងថា រូបនេះ​ត្រូវបាន​ថត​ចេញពី​ចម្ងាយ​ប្រមាណ ២,២ លាន​គីឡូម៉ែត្រ​ពី​ភព​អង្គារ​។​

​យាន Tianwen-1 ទម្ងន់ ៥ តោន​នឹងសិក្សា​អំពី​សណ្ឋាន​ដី​របស់​ភព​អង្គារ​។ ចិន​សង្ឃឹមថា​នឹង​ចុះចត​យាន​នេះ​នៅ​ខែ​ឧសភា​នៅ​តំបន់ Utopia ដែល​ជា​អាងទឹក​រីងស្ងួត​ដ៏​ធំ​មួយ​នៅ​លើ​ភព​ព្រះ​អង្គារ​៕

រូបនេះ​ត្រូវបាន​ថត​ចេញពី​ចម្ងាយ​ប្រមាណ ២,២ លាន​គីឡូម៉ែត្រ​ពី​ភព​អង្គារ

​យាន​បេសកកម្ម​Tianwen-1 របស់​ចិន​ត្រៀម​ចុះ​នៅ​លើ​ភព​ក្រហម​នៅ​ប៉ុន្មាន​ខែ​ទៀត​នៃ​ឆ្នាំនេះ​

ទីតាំងផ្សាយពាណិជ្ជកម្ម

- Advertisment -

Most Popular