Home ព័ត៌មានជាតិ សន្តិសុខ ​រថយន្ត បាន​ប...

​រថយន្ត បាន​បើក​បុក​អ្នកជិះ​ម៉ូតូ បណ្ដាលឱ្យ​សិស្ស ២​នាក់ ស្លាប់​

ដោយៈ សៅ វ៉ាន់ឌី / ព្រះ​វិហារៈ រថយន្ត​បាន​បើក​បុក​អ្នកជិះ​ម៉ូតូ បណ្ដាលឱ្យ​សិស្ស ២​នាក់ បាន​ស្លាប់ នៅលើ​ផ្លូវជាតិ​លេខ​៦៤ ត្រង់​ចន្លោះ​បង្គោលគីឡូម៉ែត្រ លេខ​៨១ និង​៨២ ក្នុងភូមិ​ស្រយង់ជើង ឃុំ​ស្រយង់ ស្រុក​គូលែន ខេត្តព្រះវិហារ កាលពី​វេលា​ថ្ងៃត្រង់ ថ្ងៃទី​៦ ខែកុម្ភៈ ឆ្នាំ​២០២១​។​

​មន្ត្រី​សមត្ថកិច្ច បានឱ្យដឹងថាៈ មាន​ករណី​គ្រោះថ្នាក់​ចរ​រាច​រណ៍ ដោយមាន​រថយន្ត​ម៉ាក​តូយ៉ូតា ហៃ​យ៉ា​ស់ (Toyota Hiace) ពណ៌​ទឹកប្រាក់ ពាក់​ផ្លាកលេខ រតនគិរី 2C.3616 បាន​បុក​ជាមួយ​ម៉ូតូ​ម៉ាក​ហុងដា ឌ្រី​ម ពណ៌​ខ្មៅ ស៊េរី​ឆ្នាំ​២០១០ ពាក់​ផ្លាកលេខ សៀមរាប 1G.6274 បណ្តាលឱ្យ​សិស្ស ពីរ​នាក់ បាន​ស្លាប់​។ ជនរងគ្រោះ ទាំង ២ នាក់ រស់នៅ​អូរ​ច្រាប ភូមិ​គូលែន​ត្បូង ឃុំ​គូលែន​ត្បូង ស្រុក​គូលែន ខេត្តព្រះវិហារ ។​

​មន្ត្រី​ដដែល បាន​បន្តថាៈ ជនរងគ្រោះ ឈ្មោះ សៀន សុ​ភ័​ក្រ ភេទ​ស្រី អាយុ​១៤​ឆ្នាំ បាន​ស្លាប់​នៅនឹងកន្លែង​។ ជនរងគ្រោះ​ម្នាក់ទៀត ឈ្មោះ ច​ន ម៉ា​ណា ភេទ​ប្រុស អាយុ ៩ ឆ្នាំ មុខរបរ​សិស្ស បាន​ស្លាប់ នៅ​ពាក់​កណ្ដាលផ្លូវ ពេល​ដឹក​ទៅ​មន្ទីរពេទ្យ​។ ចំណែក​អ្នកបើកបរ​រថយន្ត មិន​ស្គាល់​អត្តសញ្ញាណ បាន​រត់​គេចខ្លួនបាត់​។​

​កម្លាំង​ន​បាល​ចរាចរណ៍​ស្រុក​គូលែន បាន​យក​រថយន្ត និង​ម៉ូតូ ទៅ​រក្សាទុក នៅ​អធិការដ្ឋាន​នគរបាល​ស្រុក ដើម្បី​អនុវត្តតាម​នីតិវិធី​៕/V​

ទីតាំងផ្សាយពាណិជ្ជកម្ម

Previous articleដោយ​: មុនី​រ័ត្ន / ភ្នំពេញ​: លោក ស សុខា រដ្ឋលេខាធិការ​ក្រសួង​អប់រំ យុវជន និង​កីឡា បាន​ថ្លែងថា បច្ចុប្បន្ន​ប្រទេស​កម្ពុជា ត្រូវការ​ធនធានមនុស្ស​ជាច្រើន​ផ្នែក ជំនាញ​បច្ចេកទេស និង​បច្ចេកវិទ្យា ដើម្បី​ចូលរួមចំណែក​អភិវឌ្ឍ​លើ​គ្រប់ផ្នែក​ទាំងអស់ ក្នុងសង្គម​នាពេល​បច្ចុប្បន្ន​នេះ តែ​អ្វី​ដែលជា​បញ្ហា​ប្រឈម គឺ​យុវជន​ចូលចិត្ត​សិក្សា​ជំនាញ​ដែល​ធ្វើការ​ក្នុង​ការិយាល័យ ឬ​ជំនាញ​សេវាកម្ម​ច្រើនជាង​ជំនាញ​បច្ចេកទេស​។ ហេតុនេះ ដើម្បី​ត្រៀមខ្លួន ឱ្យ​បានល្អ​ក្នុងការ​ចូលរួម​ជា​ចំណែក​យ៉ាងសំខាន់​សម្រាប់​ការអភិវឌ្ឍ​សេដ្ឋកិច្ច ក្នុងសម័យ​បច្ចេកវិទ្យា​ឌីជីថល​នេះ សិស្ស និស្សិត​គួរ​ងាក​ចំណាប់អារម្មណ៍​មក​សិក្សា​ផ្នែក​បច្ចេកទេស វិទ្យាសាស្ត្រ និង​បច្ចេកវិទ្យា ឱ្យបាន​ច្រើន​។
Next article​រថយន្ត បាន​បើក​បុក​អ្នកជិះ​ម៉ូតូ បណ្ដាលឱ្យ​សិស្ស ២​នាក់ ស្លាប់​
- Advertisment -

Most Popular