Home ព័ត៌មានជាតិ នាយិកា​ប្រតិប...

នាយិកា​ប្រតិបត្តិ​ទីផ្សារ​ធនាគារ​អេស៊ីលីដា​៖​ការដាក់​ប្រាក់​បញ្ញើ​មាន​កាលកំណត់​តាម​ម៉ូ​បាល​អេប​ជា​ផ្នែក​មួយ​នៃ​ការវិនិយោគ​

​ដោយៈ​សុផល​/​ភ្នំពេញ​៖ការដាក់​ប្រាក់​បញ្ញើ​ក្នុង​ធនាគារ​គឺជា​ផ្នែក​មួយ​នៃ​ការវិនិយោគ​របស់​អតិថិជន​ឆ្លាត​វៃ​និង​ទទួលបាន​ផលចំណេញ​។​ការដាក់​ប្រាក់​បញ្ញើ​របស់​អតិថិជន​ត្រូវបាន​មើលឃើញថា​ភាគច្រើន​ធ្វើឡើង​តាម​បញ្ជរ​ដែល​តម្រូវឱ្យ​អតិថិជន​ត្រូវ​ទៅធ្វើ​ដំណើរ​ទៅកាន់​បញ្ជរ​ធនាគារ​នីមួយៗ ដើម្បី​ធ្វើ​ប្រតិបត្តិ​ការដាក់​ប្រាក់​របស់ខ្លួន ។​តែដោយសារ​តែ​បច្ចេកវិទ្យា​ទំនើប​​កាន់តែ​រីកចម្រើន ការដាក់​បញ្ញើ ក៏ត្រូវ​ឡើង​តាមរយៈ​ម៉ូ​បាល​អេប​វិញ​ម្ដង ដែល​ផ្តល់​ភាពងាយស្រួល ចំណេញ​ពេលវេលា និង​ចំណេញ​ការប្រាក់​។​

​លោកស្រី សុខ សោភា នាយិកា​ប្រតិបត្តិ​ទីផ្សារ​នៃ​ធនាគារ​អេស៊ីលីដា​ភីអិលស៊ី​ បាន​មាន​ប្រសាសន៍នៅថ្ងៃនេះថា​៖«​ការដាក់​ប្រាក់​បញ្ញើ​មាន​កាលកំណត់​តាម​ម៉ូ​បាល​អេប​គឺជា​ផ្នែក​មួយ​នៃ​ការវិនិយោគ​។​ការដាក់​ប្រាក់​បញ្ញើ​មាន​កាលកំណត់​តាម​ម៉ូ​បាល​អេប​គឺ​ទទួលបាន​អត្ថ​ប្រយោជន៍​ច្រើនជាង​ការដាក់​តាម​បញ្ជរ​ហើយ​ទទួលបាន​អត្រា​ការប្រាក់​ខ្ពស់ជាង​ការដាក់​នៅតាម​បញ្ជរ​ផងដែរ​។​ការដាក់​ប្រាក់​បញ្ញើ​មាន​កាលកំណត់​តាម​ម៉ូ​បាល​អេប​គឺ​មិន​តម្រូវឱ្យ​អតិថិជន​ធ្វើដំណើរ​ទៅកាន់​បញ្ជរ​ដែលនាំឱ្យ​ខាត​ពេលវេលា​និង​ត្រូវ​ចំណាយ​សម្រាប់​ធ្វើ​ដំណើរ​​ថែមទាំង​មាន​អត្រា​ប្រា​ក់ទាប​ជាង​ការដាក់​តាម​ម៉ូ​បាល​អេប​ទៅទៀត​»​។​

​លោកស្រី​បាន​បន្តថា​៖ ​​«​អត្រា​ការប្រាក់​សម្រាប់​ការដាក់​ប្រាក់​បញ្ញើ​មាន​កាលកំណត់​ទទួល​បាន​​ការប្រាក់​ល្អ​ជាង​ការយកទៅ​ដាក់​នៅតាម​បញ្ជរ​ព្រោះ​ធនាគារ​បាននិងកំពុង​លើកទឹកចិត្ត​ដល់​អតិថិជន​ក្នុង​ការធ្វើ​ប្រតិបត្តិ​ការដាក់​ប្រាក់​បញ្ញើ​តាមរយៈ​ម៉ូ​បាល​អេប​។​អតិថិជន​ក៏​អាច​ដាក់​​បាន​ភ្លាមៗ​នៅពេល​ខ្លួន​នឹកឃើញ​ភ្លាម​ព្រមទាំង​អាច​ចំណេញ​បាន​ភ្លាមៗ​ផងដែរ ។​ការ​វិនិយោគ​នូវ​ចំនួន​ទឹកប្រាក់​ណាមួយ​ដែល​អតិថិជន​មិនទាន់​ត្រូវការ​ប្រើប្រាស់​ក្នុង​រយៈពេល​ណាមួយ​មាន​ភាពងាយស្រួល​ជាង​ការដាក់​លុយ​នៅ​បញ្ជរ​» ។​

​លោកស្រី​បានឱ្យដឹង​ទៀតថា​៖​អតិថិជន​របស់​អេស៊ីលីដា​អាចដាក់​ប្រាក់​បញ្ញើ​មាន​កាល​កំណត់​១​ខែ​២​ខែ​ឬ​៣​ខែ​ទៅតាម​ការចង់បាន​របស់​អតិថិ​ជា​បើសិនជា​អតិថិជន​គិតថា​ទឹកប្រាក់​នោះ​មិនទាន់​ប្រើប្រាស់​ដូច្នេះ​ពួកគាត់​អាចដាក់​ចូលទៅ​កាន់​គណ​នី​មាន​កាលកំណត់​តាម​ម៉ូ​បាល​អេប នឹង​ទទួលបាន​ប្រាក់ចំណេញ​ច្រើនជាង​ការដាក់​តាម​បញ្ជរ ។​ការប្រាក់​នឹង​ចាប់​ផ្តើមផ្តល់​នៅ​ម៉ោង​ដែល​យើង​ដាក់​ប្រាក់​បញ្ញើ​មាន​កាលកំណត់ ដាក់​ភ្លាម​បានការ​ប្រាក់​ភ្លាម​ការសម្រេចចិត្តលឿនកាន់តែឆាប់បានការប្រាក់។​

​ការដក​ប្រាក់​អតិថិជន​អាចដាក់​ប្រាក់​បញ្ញើ​ក្នុង​គណនី​តាម​ចំនួន​កំណត់​ដែល​អាច​ទទួលបាន​អត្រា​ការប្រាក់​ឬ​តាម​លទ្ធភាព​ជាក់ស្តែង​។​មធ្យោបាយ​ក្នុងការ​ដាក់​ប្រាក់ រួមមាន ៖ ការដាក់​សាច់ប្រាក់ ឬ​មូល​ប្ប​ទា​នប​ត្រ នៅតាម​បញ្ជរ ម៉ាស៊ីន CRM ឬ​ផ្ទេរប្រាក់​ចូល​តាមរយៈ​សេវា​ធនាគារ​អេឡិចត្រូនិក ឬ​ឌីជីថល ឬ​សេវា​បញ្ជា​អចិន្ត្រៃយ៍​ថេរ (Standing Order) ជាដើម​។​ការដក​ប្រាក់ និង​ការទូទាត់​អតិថិជន​អាច​ដក​ជា​សាច់ប្រាក់ ឬ​ផ្ទេរ​ទៅជា​ប្រាក់​បញ្ញើ​មាន​កាល​កំណត់ ឬ​ទូទាត់​ផ្សេងៗ​តាម​តម្រូវការ​​។

​បើតាម​លោក បណ្ឌិត អ៊ិន ចាន់នី ប្រធាន​នាយក​ប្រតិបត្តិ​ធនាគារ​អេស៊ីលីដាធ្លាប់​បាន​ថ្លែង​នាពេលថ្មីៗនេះថា​​ក្នុង​ឆ្នាំ​២០២១​ធនាគារ​នឹង​ជំ​រុញឱ្យ​អតិថិជន​ប្រើប្រាស់​អេប​របស់ខ្លួន​កាន់​តែ ច្រើន​ខណៈ​បច្ចុប្បន្ននេះ​មាន​អតិថិជន​ប្រមាណ​១,៧​លាន​នាក់​កំពុង​ប្រើប្រាស់​រួចហើយៗ​ធនាគារ​ក៏​នឹង​ទាក់​ទាញយក​អតិថិជន​ដាក់​ប្រាក់​បញ្ញើ​សន្សំ​ឱ្យបាន​៣​លាន​នាក់​ផងដែរ ក្នុង​ឆ្នាំ​២០២១​នេះ ។​

​យោងតាម​របាយការណ៍​របស់​ធនាគារជាតិ​នៃ​កម្ពុជា​បានឱ្យដឹងថា​គិត​ត្រឹម​ដំណាច់ឆ្នាំ​២០២០​ប្រាក់​បញ្ញើ​ក្នុង​ប្រព័ន្ធ​ធនាគារ​បាន​កើនឡើង​ដល់​៣៣,៨​ពាន់​លាន​ដុល្លារ​អាមេរិក​ស្មើនឹង​ប្រមា​ណ​១១៣​ភាគរយ​នៃ​ផលិតផល​ក្នុងស្រុក​សរុប​ខណៈ​ឥណទាន​អតិថិជន​បាន​កើន​ឡើងដល់​៣៧,៣​ពាន់​លាន​ដុល្លារ​ឬ​ស្មើនឹង​១១៩​ភាគរយ​នៃ​ផលិតផល​ក្នុងស្រុក​សរុប ៕Ph

 

ទីតាំងផ្សាយពាណិជ្ជកម្ម

- Advertisment -

Most Popular