Home កីឡា ប៉េប​និង​ក្លប...

ប៉េប​និង​ក្លប់​ផ្ទុះ​សង្គ្រាមពាក្យសម្តី​ជុំវិញ​រឿង​អ្នក​មាន​ពេល​សម្រាក​ច្រើនជាង នៅ​មុន​ជំនួប​រវាង​ហង្ស​ក្រហម​និង​មេឃ​ខៀវ​នៅ​ថ្ងៃអាទិត្យ​

​ប្រែ​សម្រួល : កញ្ញា​ដា​លី​ស ៖ លោក ជួ​ហ្គិន ក្លប់ ប្រហែល​ប្រញាប់​រក​លេស​ការពារ​ខ្លួន​ឱ្យបាន​មុន​ហើយ​មើលទៅ​។​

​ការ​ចាញ់​ក្រុម​មេឃ​ខៀវ Manchester City នៅ​ថ្ងៃអាទិត្យ​នឹង​ធ្វើឱ្យ​ហង្ស​ក្រហម Liverpool ឈរ​នៅ​ពីក្រោយ​ក្រុម​របស់​លោក​ប៉េប ហ្គាឌី​អូ​ឡា ចំនួន ១០ ពិន្ទុ​។ បន្ទាប់​ពី​បញ្ចប់​គ្រោះរាំងស្ងួត​នៃ​ពាន​របស់​ក្រុម​ហង្ស​ក្រហម Liverpool រយៈពេល ៣ ទសវត្សរ៍ លោក​ក្លប់​ប្រហែលជា​ត្រូវ​ចុះចាញ់​ចំពោះ​ពាន Premier League ក្នុង​រយៈពេល​តែ​មួយ​ឆ្នាំ​។​

​សម្រាប់​អ្នក​ចាត់ការ​ទូទៅ​របស់​ហង្ស​ក្រហម Liverpool កំហុស​មួយផ្នែក​នៃ​ការធ្លាក់​ចុះ​ទម្រង់​លេង​គឺ​មកពី​កាលវិភាគ​ការប្រកួត​មមាញឹក​ពេក​។​

​លោក​ក្លប់​និយាយ​កាលពី​ថ្ងៃ​សុក្រ​ថា “​យើង​មិន​មាន​ពេល​ឈប់​សម្រាក​ទេ​។ ខ្ញុំ​គិតថា Man City បាន​ឈប់សម្រាក ២ សប្តាហ៍​ដោយសារ​មូលហេតុ​កូវី​ដ​”​។​

​លោក​ហ្គាឌី​អូ​ឡា​តប​វិញ​ថា វា​មិន​ដូច្នោះ​ទេ​។​

​អ្នក​ចាត់ការ​ទូទៅ​របស់​ក្រុម Man City បាន​និយាយ​នៅក្នុង​សន្និសីទ​សារព័ត៌មាន​ភ្លាមៗ​បន្ទាប់ពី​លោក​ក្លប់​និយាយ​រួច​នៅ Liverpool យ៉ាង​ដូច្នេះ​ថា “​គាត់​និយាយ​ខុស​ហើយ​”​។​

Man City មាន​មួយ​ប្រកួត​ត្រូវ​ផ្អាក​នៅឯ Everton កាលពី​ថ្ងៃទី ២៨ ខែ​ធ្នូ ដែល​ជា​ផ្នែក​មួយ​នៃ​ការ​ផ្ទុះឡើង​ជំងឺ​កូវី​ដ ដែល​បង្ខំ​ឱ្យ​កីឡាករ​និង​បុគ្គលិក​ចំនួន ៦ នាក់​ធ្វើ​ចត្តា​ឡី​ស័ក​។​

​ជា​លទ្ធផល​នៃ​ការលុបចោល​នេះ City មាន​ចន្លោះពេល​តែ ៨ ថ្ងៃ​រវាង​ការប្រកួត​របស់​ពួកគេ​ទល់នឹង Newcastle នៅ​ថ្ងៃទី ២៦ ខែ​ធ្នូ​និង​ដំណើរ​ទៅ Chelsea នៅ​ថ្ងៃទី ៣ ខែ​មករា​។​

​លោក​ហ្គាឌី​អូ​ឡា​និយាយថា “​ជួ​ហ្គិន​ត្រូវ​មើល​ប្រក្រតិទិន​ម្តងទៀត​។ យើង​មានកូ​វីដ​។ យើង​មាន​ពេល​មួយ​សប្តាហ៍​ហើយ​យើង​បាន​លេង​ជាមួយ​កីឡាករ ១៤ នាក់​នៅ​ទឹកដី Stamford Bridge”​។​

​ការប្រកួត​ទាំងនោះ​បាន​កើតឡើង​នៅ​ដើមដំបូង​ក្នុងអំឡុងពេល​ឈ្នះ ៩ ប្រកួត​ជាប់ៗ​គ្នា​នៅក្នុង​ក្របខ័ណ្ឌ Premier League ដែល​ធ្វើឱ្យ Man City លោត​ពី​ពាក់កណ្តាល​តារាង​ឡើង​មក​កំពូល​តារាង​ដាច់ ៣ ពិន្ទុ​ពី​លើ​ក្រុម​បិសាច​ក្រហម Manchester United ដោយមាន​១​ប្រកួត​ក្នុង​ដៃ​ថែម​ទៀត​។​

​ក្រុម​ហង្ស​ក្រហម Liverpool បាន​ធ្លាក់ចុះ​ដុនដាប​ក្នុង​អំឡុងពេល​នោះ ដោយ​ធ្លាក់​ពី​ចំណាត់ថ្នាក់​លេខ ១ មក​លេខ ៤ ហើយ​តាម​ពីក្រោយ​ក្រុម Man City ៧ ពិន្ទុ​។​

​លោក​ហ្គាឌី​អូ​ឡា​បាន​ចង្អុលបង្ហាញ​ថា ការ​ឈប់សម្រាក​ដែល Man City ទទួលបាន​ពី​កូវី​ដ​គឺ​ថ្ងៃ​ប្រកួត​ដ៏​តានតឹង​នៅ​ទឹកដី Goodison Park និង​ផែនការ​ស្តារ​កម្លាំង​កីឡាករ​ឡើងវិញ​នៅ​ថ្ងៃ​បន្ទាប់​។​

​លោក​ហ្គាឌី​អូ​ឡានិ​យាយ​អំពី​លោក​ក្លប់​ថា “​ខ្ញុំ​មិន​ខឹង​ទេ ខ្ញុំ​មិន​រំពឹង​មាន​លេស​ចឹង​ទេ​។ មិន​រំពឹង​វា​ចេញពី​មាត់​គាត់​ទេ​។ គាត់​ដឹងថា​វា​មិនមែន​ជា​រឿង​ពិត​ទេ​! គ្មាន​នរណា​ម្នាក់​នៅ Premier League បាន​ឈប់សម្រាក​ពីរ​សប្តាហ៍​នោះឡើយ​”៕

លោក​ហ្គាឌី​អូ​ឡា​ពន្លះ​លោក​ក្លប់​រឿង​ក្រុម​មេឃ​ខៀវ​បាន​សម្រាក​២​សប្តាហ៍​

ទីតាំងផ្សាយពាណិជ្ជកម្ម

Previous articleកសិករ​ឥណ្ឌា​រាប់​ម៉ឺន​នាក់ បាន​បិទផ្លូវ​ហាយវ៉េ​នៅ​ទូទាំង​ប្រទេស​ក្នុងការ​ផ្ចាញ់ផ្ចាល់​នឹង​ការបិទ​អ៊ីនធឺណិត​និង​ទូរស័ព្ទ​ពី​សំណាក់​រដ្ឋាភិបាល។​ពួក​គេ​បាននិងកំពុងទាមទារ​អោយ​លុបចោល​ច្បាប់​កសិកម្ម​ដែល​រដ្ឋាភិបាល​របស់​លោក​នាយករដ្ឋមន្ត្រី ណា​រេ​នដ្រា ម៉ូ​ឌី ជំរុញ​អោយ​សភា​អនុម័ត​កាលពី​ឆ្នាំទៅ ដោយសារ​ពួកគេ​អះអាងថា វា​គាំទ្រ​ដល់​ក្រុមហ៊ុន​ធំៗ​អោយ​​អោយ​មានប្រៀប​លើ​ម្ចាស់​ដី​តូចៗ​។ តែរដ្ឋាភិបាល​បាន​ការពារ​ច្បាប់​នេះ ដោយ​និយាយថា​វា​នឹង​លុបបំបាត់​សហ​ក្រុមហ៊ុន​ផ្តាច់មុខ​ដែល​កេងចំណេញ​ពី​កសិករ ហើយ​នៅ​ទីបំផុត​ជួយ​បង្កើន​ចំណូល​ដោយសារ​តែ​វា​ធ្វើ​​អោយ​វិស័យ​កសិកម្ម​កាន់តែ​មាន​កា​រ​ប្រកួតប្រជែង​ឡើង​។
Next articleបទល្មើស​ឆក់​ត្រី​កើតមាន​ពេញបន្ទុក​តាម​ដង​ទន្លេសេកុង​
- Advertisment -

Most Popular