ដោយៈ ប​.​ជ័យ / បន្ទាយ​មាន​ជ័​យៈ ប្រជាពលរដ្ឋ​ចំនួន ១.២១៣ គ្រួសារ បាន​ចាប់ឆ្នោត ទទួលយក​ក្បាលដី​ឡូ​តិ៍ ជា​អំណោយ​របស់​សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ស្ថិតនៅ​ភូមិ បឹង​ជង្រុក​តេ​ជោ​ឈ្នះ ឈ្នះ ឃុំ​ទួល​ពង្រ ស្រុក​ម៉ាឡៃ កាលពី​ថ្ងៃអាទិត្យ ថ្ងៃទី​៧ ខែកុម្ភៈ ឆ្នាំ​២០២១ ។​

​លោក ប៉ាន់​ខែម ប៊ុនថន នាយករង​ខុ​ទ្ទ​ការ​ល័យ​សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជា​ណា​ច​កម្ពុជា បាន​អញ្ជើញ​ជា​អធិបតី និង​ចូលរួម​ដោយ​លោក ខេង ស៊ុម ប្រធាន​ក្រុមប្រឹក្សារ​ខេត្ត លោក អ៊ុំ រាត្រី អភិបាលខេត្ត​បន្ទាយមានជ័យ លោក លី សារី អភិបាលរង​ខេត្ត លោក អាង ណា​រិ​ទ្ធុ ប្រធាន​មន្ទីរ​រៀបចំ​ដែនដី នគរូបនីយកម្ម និង​សំណង់ ខេត្ត លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ លោក​ឌៀប ឈួន អភិបាលស្រុក​ម៉ាឡៃ លោក ស្វាយ ជា អភិបាលរង​ស្រុក មន្ត្រី​មន្ទីរ អង្គភាព ពលរដ្ឋ​អ្នកពាក់ព័ន្ធ​។​

​លោក ប៉ាន់​ខែម ប៊ុនថន បានអោយដឹងថាៈ ការងា​សម្របសម្រួល ដោះស្រាយ​វិវាទ និង​អភិវឌ្ឍន៍​មូលដ្ឋាន ចំណុច​បឹង​ជង្រុក និង​ចំណុច ៦៧១ តេ​ជោ​ឈ្នះ ឈ្នះ បានធ្វើ​វ​សេចក្តី ជូនដំណឹង​មួយ កាលពី​ថ្ងៃទី​២ ខែមករា ឆ្នាំ​២០២១ កន្លងមក​ថា នៅ​ថ្ងៃទី​៧ ខែកុម្ភៈ ឆ្នាំ​២០២១ អោយ​បងប្អូន​ប្រជាពលរដ្ឋ ដែលមាន​ឈ្មោះ​ក្នុង​បញ្ជី ទទួល​ការបែងចែក​ដី ដែលជា​អំណោយ​ដ៏​ថ្លៃថ្លា របស់​សម្តេច​តេ​ជោ នាយករដ្ឋមន្ត្រី និង​សម្តេច​កិត្តិ​ព្រឹទ្ធ​បណ្ឌិត នៅ​ចំណុច​ភូមិ​បឹង​ជង្រុក និង ៦៧១ តេ​ជោ​ឈ្នះ ឈ្នះ សូម​អញ្ជើញ​មក​ចូលរួម​ចាប់ឆ្នោត យក​ក្បាលដី គឺ​ចាប់ពី​ម៉ោង ៧ ព្រឹក​តទៅ នៅ​ស្នាក់ការ​ក្រុមការងារ បឹង​ជង្រុក ៦៧១ តេ​ជោ​ឈ្នះ​ឈ្នះ​កុំបី​ខាន ។​

​សេចក្តីជូនដំណឹង បាន​ព្រមាន​ថាៈ ចំពោះ​អវត្តមាន ក្រុមការងារ​មិន​ទទួលខុសត្រូវ​ឡើយ ចំពោះ​ការបាត់បង់​ឱកាស និង​សិទ្ធិ​ទទួលផល​ប្រយោជន៍ ។​

​សូម​លឹក​ថា ទំនាស់​ដីធ្លី​ដ៏​រ៉ាំ​រៃ ជិត ១០ ឆ្នាំ នៅ​ចំណុច​បឹង​ជង្រុក និង​ចំណុច ៦៧១ ឃុំ​ទួល​ពង្រ ស្រុក​ម៉ាឡៃ ត្រូវបាន​ដោះស្រាយ បញ្ចប់​ជាគោលការណ៍ បន្ទាប់ពី​ប្រតិបត្តិ អស់​រយៈពេល​ជាង ១​ខែ (​ពី​ចុងខែ​តុលា ដល់​ខែវិច្ឆិកា ឆ្នាំ​២០២០) និង​រៀបចំ​គម្រោង អភិវឌ្ឍន៍ (​ពី​ខែវិច្ឆិកា​ឆ្នាំ​២០២០ មកដល់​បច្ចុប្បន្ន​) គឺ​ការចុះ​សម្របសម្រួល ដោយ​ក្រុម ការងារ ខុទ្ទកាល័យ​សម្ដេច​តេ​ជោ ដឹកនាំ​ដោយ​លោក ប៉ាន​ខែម ប៊ុនថន នាយករង ខុទ្ទកាល័យ សម្តេច​តេ​ជោ ហ៊ុន សែន នាយករដ្ឋមន្ត្រី និង​ក្រុម​ការងាររដ្ឋបាល ខេត្តបន្ទាយមានជ័យ រដ្ឋបាល​ស្រុក​ម៉ាឡៃ កងកម្លាំង បាន​ដឹកនាំ​ដោយ​លោក លី សារី អភិបាលរង​ខេត្តបន្ទាយមានជ័យ និង​សហការគ្នា អនុវត្ត​ផ្ទាល់ បំពេញការងារ ទាំងយប់ ទាំង​ថ្ងៃ រួមទាំង​ថ្ងៃ​ឈប់សម្រាក ក្នុងនោះ ក៏​ប្រើ​មនោសញ្ចេតនា​ដ៏​ជ្រាលជ្រៅ​ក្នុងនាម បេះដូង​ខ្មែរ​តែមួយ ជាមួយនឹង​រិះរក​គ្រប់​មធ្យោបាយ ប្រើប្រាស់​គ្រប់​លទ្ធភាព​ធ្វើការ​សម្រប សម្រួល ចំពោះ​ភាគី​ទំនាស់ អោយ​ទួល​យក កិច្ចព្រមព្រៀង បញ្ចប់ទំនាស់​។ ពោលគឺ ពលរដ្ឋ​ចំនួន ១.២១៣ គ្រួសារ ពាក់ព័ន្ធ​លើ​ផ្ទៃដី​ទំនាស់ នឹងត្រូវ​បានទទួល ដីធ្លី​ទំនាស់ ដែល​ម្ចាស់​ដី បាន​បរិច្ចាគ និង​ក្នុងនាម​អំណោយ សម្តេច​តេ​ជោ ជាង ៣០០ ហិកតា លើ​ជាង ៨០០ ហិកតា នៅក្នុង​ចំណុច​បឹង​ជង្រុក និង​ចំណុច ៦៧១ ឃុំ​ទួល​ពង្រ បាន​ស្រុះស្រួល តាម​មន្ត្រី​ក្រុមការងារ ហើយនឹង​ទទួល បាន​ដី​វិញ​ក្នុងនាម​ជា​អំណោយ ដ៏​ថ្លៃថ្លា​បំផុត​របស់ សម្តេច​តេ​ជោ ហ៊ុន សែន និង​សម្ដេច​កិត្តិ ព្រឹទ្ធ​បណ្ឌិត ប៊ុន រ៉ានី ហ៊ុនសែន​ហើយក៏​ជា ចំណងដៃ នៃ​ការអភិវឌ្ឍ​មូលដ្ឋាន សម្តេច ក៏​សម្រេច​បង្កើត តំបន់​អភិវឌ្ឍន៍​នេះ​អោយក្លាយ ទៅជា​តំបន់​ទីប្រជុំជន មានការ​បោសសម្អាត​មីន កសាង​ហេដ្ឋារចនាសម្ព័ន្ធ ផ្លូវ ភ្លើង ទឹក សាលារៀន មណ្ឌល​សុខភាព បង្គន់​អនាម័យ ទឹកស្អាត ដី​ដាំ​ដុះ លំនៅឋាន ជាដើម ៕/V​-PC