​ដោយៈ​គ្រញូង​/​បាត់ដំបងៈ ក្រុម​ក្មេង​ទំនើង​ចំនួន​៤​នាក់ ដែល​បំពាក់​បំពង់​ស៊ឺ​ម៉ាំង​ម៉ូតូ ឮសូរ​ខ្លាំងៗ​បង្ក​ការរំខាន​ដល់់​អ្នកជិតខាង​ក្នុង​មូលដ្ឋាន កាលពី​រសៀល​ម្សិលមិញ​នេះ ត្រូវ​កម្លាំង​នគរបាល​រដ្ឋបាល​ប៉ុស្តិ៍​ជ្រៃ នៃ​អធិការ ដ្ឋាន​នគរបាល​ស្រុក​មោងឫស្សី​ឃាត់ខ្លួន​យកមក​អប់រំ​។​

​ក្មេងប្រុស​ទំនើង​ទាំង​៤​នាក់​ខាងលើ ១.​ឈ្មោះ នឿន សោ​ភ​ណ័ អាយុ​១៥​ឆ្នាំ (​ម្ចាស់​ម៉ូតូ​) ២.​ឈ្មោះ ជុន សោភ័ណ អាយុ​១៥​ឆ្នាំ ៣.​ឈ្មោះ អូន សំអាត អាយុ​១៤​ឆ្នាំ និង​៤.​ឈ្មោះ ហួម ហង់ អាយុ​១៤​ឆ្នាំ​។ ពួកគេ រស់នៅ​ឃុំ​ជ្រៃ ស្រុក​មោងឫស្សី ។​


​ក្រោយ​ធ្វើការ​សាកសួរ នគរបាល​ស្រុក​បានធ្វើ​ការអប់រំ​ណែនាំ ដោយមាន​កិច្ចសន្យា និង​ឱ្យ​អាណាព្យាបាល​មក​ធានា​យកទៅ​អប់រំ​បន្ត ហើយ​ឲ្យ​ត្រឡប់​ទៅ​មូលដ្ឋាន​វិញ ៕​