ដោយៈ​សុផល​/​ភ្នំពេញៈ​រាជបណ្ឌិត្យសភា​នា​ព្រឹក​មិញ​នេះ​បានរៀបចំ​កិច្ចពិភាក្សា​តុមូល​មួយ​ស្តីពី​”​តើ​អ្វី​ទៅ​ដែល​ពិភពលោក​នឹង​ទទួលបាន​ពី​នយោបាយ​ថ្មី​របស់​សហរដ្ឋអាមេរិក​ក្រោម​ការដឹកនាំ​របស់លោក ចូ បៃ​ឌិន​”​។​

រូបថតៈវាគ្មិន​ខាង​វិភាគ​នយោបាយ​អន្តរជាតិ​៥​រូប​ចូលរួម​វេទិកា​តុមូល​ស្តីពី​”​តើ​អ្វី​ទៅ​ដែល​ពិភពលោក​នឹង​ទទួលបាន​ពី​នយោបាយ​ថ្មី​របស់​សហរដ្ឋ​អាម៉េរិក​ក្រោម​ការដឹកនាំ​របស់លោក ចូ បៃ​ឌិន​”

​វាគ្មិន​សំខាន់ៗ​ទាំង​៥​រូប​ដែល​បាន​ជួបពិភាក្សា​ក្នុង​វេទិកា​តុមូល​នេះ​មាន បណ្ឌិតសភា​ចា​រ្យ សុខ ទូច​ប្រធាន​រាជបណ្ឌិត្យសភាកម្ពុជា​, លោក ហ្ស​ង់ ហ្វ្រ​ង់​ស័​រ​តាន់ អគ្គនាយក​គ្រប់គ្រង​វិទ្យុ​បារាំង​អន្តរជាតិ​ផ្នែក​ខេមរភាសា​និង​ជា​អ្នកជំនាញ​ភូមិសាស្ត្រ​អន្តរជាតិ​, លោក ពុ​យ គា អ្នកឆ្លើយឆ្លង​ព័ត៌មាន​របស់​ទីភ្នាក់ងារ​ព័ត៌មាន​ជប៉ុន​ក្យូ​ដូ ប្រចាំ​ប្រទេស​កម្ពុជា​, លោក ប៉ែន បូ​ណា​ប្រធាន​ក្លិប​អ្នកកាសែត​កម្ពុជា និង​ជា​និពន្ធ​នាយក​ទូរទស្សន៍ PNN និង​លោក មាស នី អ្នកវិភាគ​និង​តាមដាន​ការអភិវឌ្ឍ​សង្គម​។​

​វេទិកា​តុមូល​នេះ​ជា​មូលដ្ឋាន​ចំណេះដឹង​ដ៏​សំខាន់​ជួយ​បំភ្លឺ​ផ្លូវ​តម្រែតម្រង់​ទិស​ឱ្យ​យើងទាំងអស់គ្នា​យល់ច្បាស់​ពី​សភាពការណ៍​ពិភពលោក ពី​ភូមិសាស្ត្រ​នយោបាយ និង​យុទ្ធសាស្ត្រ​របស់​ពួក​មហាអំណាច ថា​ពួកគេ​កំពុង​គិត​អ្វី គេ​ទៅណា គេ​ធ្វើ​អ្វី គេ​ចង់បាន​អ្វី គេ​ប្រើ​យុទ្ធសាស្ត្រ​និង​យុទ្ធវិធី​អ្វី​? ហើយ​ប្រទេស​តូចៗ​គួររៀបចំ​ខ្លួន​បែបណា​? ។​

​គួររម្លឹកថា​លោក ចូ បៃ​ដិ​ន ដែល​បាន​ផ្តួល​លោក ដូ​ណា​ល់ ត្រាំ នោះបាន​ស្បថ​ចូលកាន់​តំណែង​ជា​ប្រធានាធិបតី​ទី​៤៦​របស់​សហរដ្ឋ អាម៉េរិក កាលពី​ថ្ងៃទី​២០​ខែមករា​ឆ្នាំ​២០២១​កន្លងទៅ​។​គ្រប់គ្នា​ទន្ទឹងរង់ចាំ​មើល​ថា​តើ​ពិភពលោក​នឹង​ទទួលបាន​អ្វី​ពី​នយោបាយ​ថ្មី​របស់ ចូ បៃ​ដិ​ន​?។

បណ្ឌិតសភាចារ្យ សុខ ទូច

​ក្នុង​កិច្ចពិភាក្សា​នេះ​ផ្តោតទៅលើ​៖​តើ​សណ្ដាប់ធ្នាប់​ពិភពលោក​នឹង​ប្រែប្រួល​បែបណា​? រដ្ឋបាល​ថ្មី​របស់ ចូ​បៃ​ដិ​ន​នឹងមាន នយោបាយ​បែបណា​ទាក់ទង​ទៅនឹង​ប្រជាធិបតេយ្យ​និង​សិទ្ធិមនុស្ស​នៅក្នុង​ពិភពលោក​? តើ​អាស៊ាន​នៅ​ចន្លោះ ចូ បៃ​ដិ​ន និង ស៊ី ជិន​ពីង នឹងមាន​អ្វី​កើតឡើង​? តើ​សមុទ្រ​ចិន​ខាងត្បូង​នឹង​ឡើង​កម្ដៅ​ឬ​យ៉ាងណា​? តើ​កម្ពុជា​ក្នុងឋានៈ​ជា​រដ្ឋ​ដ៏​តូច​មួយ ត្រូវ​រាំ​ក្រោម​ចង្វាក់ភ្លេង​របស់​មហា​យ​ក្ស​ចិន​និង​សហរដ្ឋ​អាម៉េរិក​បែបណា​? ព្រមទាំង​បញ្ហា​ជាច្រើន​ទៀត​៕​សរន​

រូបថតៈពីឆ្វេងមកស្តាំៈលោក មាស នី លោក ហ្សង់ ហ្រ្វង់ស័រតាន់ លោក ពុយ គា បណ្ឌិតសភាចារ្យ សុខទូច លោកប៉ែន បូណា