​ដោយៈ គ្រញូង / បាត់ដំបងៈ កាលពី​រសៀល ថ្ងៃទី​៩ ខែកុម្ភៈ ឆ្នាំ​២០២១ កម្លាំង​ការិយាល័យ ប្រឆាំង​គ្រឿងញៀន​ខេត្ត បាន​បញ្ជូន​ជនសង្ស័យ ២ នាក់ និង​ថ្នាំញៀន ម៉ា​ទឹកកក ១១ ថង់ ទៅ​តុលាការ ក្រោយពេល​កម្លាំង​នគរបាល​ស្រុក​ថ្មគោល ចាប់ខ្លួនបាន នៅ​ចំណុច​ភូមិ​ឆ្កែ​កូន ឃុំ​គោក​ឃ្មុំ ស្រុក​ថ្មគោល ខេត្តបាត់ដំបង​។​

​លោក​វរសេនីយ៍ឯក ផង់ សុភាព អធិការនគរបាល ស្រុក​ថ្មគោល បាន​ឲ្យ​ដឹងថាៈ ជនសង្ស័យ​ឈ្មោះ សេន សម្បត្តិ អាយុ ៤៦ ឆ្នាំ និង​ឈ្មោះ នុ​ន សាម៉ុន អាយុ ៣៣ ឆ្នាំ ។ បុរស​ទាំងពីរ​នាក់​នេះ មាន​លំនៅ នៅ​ភូមិ​ឆ្កែ​កូន ឃុំ​គោក​ឃ្មុំ ស្រុក​ថ្មគោល ខេត្តបាត់ដំបង ។ វត្ថុតាង​ដែល​ចាប់​យកបាន រួមមានៈ -​ម្សៅ​ក្រាម​ពណ៌​ស​ថ្លា ច្រក​ក្នុង​ថង់​ប្លា​ស្ទិ​ក ចំនួន ១១ ថង់ ទម្ងន់ ៤,៩៥ ក្រាម (​ទាំង​សំបក​) សង្ស័យថា មាន​សារធាតុ​ញៀន ប្រភេទ​មេ​តំ​ហ្វេ​តា​មីន ម៉ា​ទឹកកក ICE -​អំពូល​ទែ​ម៉ូ​ម៉ែត្រ សម្រាប់​ជក់​គ្រឿងញៀន ចំនួន​២ -​ដែកកេះ​ចំនួន​២ ជញ្ជីង​ថ្លឹង​គ្រឿងញៀន​ចំនួន ១ -​ទូរស័ព្ទ​ចំនួន ៤ គ្រឿង និង​ដប សម្រាប់​ច្នៃ​ជក់​គ្រឿងញៀន ចំនួន​១។ ​បន្ទាប់ពី​បានស្រាវជ្រាវ រួចមក​សមត្ថកិច្ច​នគ​របាល បាន​បញ្ជូន​ជនសង្ស័យ និង​វត្ថុតាង​មក កាន់​ការិយាល័យ​ជំនាញ នៅ​ស្នងការដ្ឋាន ដើម្បី​ចាត់ការ​បន្ត តាមផ្លូវ​ច្បាប់​៕/V