ដោយៈ ទេ​ពក​ង្រី / កំពង់ឆ្នាំងៈ មនុស្ស​៥​នាក់ បាន​រងរបួស​ធ្ងន់​-​ស្រាល ដោយសា​រថយន្ត ធុន​ធំ និង​តូច ២ គ្រឿង បុក​គ្នា ក្នុង​ដំណើរ​ច្រាសទិស​គ្នា លើ​កំណាត់​ផ្លូវជាតិ​លេខ​៥ នៅវេលា​ម៉ោង​ជិត ២ រសៀល ថ្ងៃទី​៩ ខែកុម្ភៈ ឆ្នាំ ២០២១ នៅលើ​កំណាត់ ផ្លូវជាតិ​លេខ​៥ ត្រង់​ចន្លោះ​គីឡូម៉ែត្រ​លេខ ៦៤ និង ៦៥ សិ្ថ​ត​នៅក្នុង​ភូមិ​ធ្លក​យុល ឃុំ​តា​ជេស ស្រុក​កំពង់ត្រឡាច ខេត្តកំពង់ឆ្នាំង​។​

​សមត្ថកិច្ច​នគរបាល​ចរាចរណ៍ ស្រុក​កំពង់ត្រឡាច បាន​និយាយ​ឱ្យដឹងថាៈ នៅមុន​ពេល កើតហេតុ មាន​រថយន្ត មួយគ្រឿង ម៉ាក​តូយ៉ូតា កាមរី (​ឆ្លាម​) ពណ៌​ទឹកមាស ពាក់​ស្លាក​លេខ ភ្នំពេញ 2D 1475 បើកបរ​ដោយ​ជន​មិន​ស្គាល់ អត្តសញ្ញាណ ក្នុង​ដំណើរ​ពី​ទិស​ខាងជើង ទៅខាង​ត្បូង លុះ​មកដល់​ចំណុចកើតហេតុ ក៏បាន​ជ្រុល​ទៅបុក​នឹង​រថយន្ត មួយគ្រឿង​ទៀត ម៉ាក​ហ៊ីយ៉ាន់ដាយ ពណ៌​ស ពាក់​ស្លាក​លេខ ពោធិ៍សាត់ 3 A.0997 បើកបរ​ដោយ​ជន មិន​ស្គាល់ អត្ដ​សញ្ញាណ​ដូចគ្នា ក្នុង​ដំណើរ​ពី​ទិស​ខាងត្បូង ទៅខាង​ជើង ច្រាសទិស​គ្នា បណ្ដាល​ឲ្យ​រថយន្ត​ទាំង ២ គ្រឿង រង​ការ​ខូច​ធ្ងន់ ទាំងសងខាង​តែម្តង​។​

​ប្រភព​ដដែល បានឱ្យដឹង​ទៀតថាៈ ក្រោយពេល​កើតហេតុ ជនរងគ្រោះ ជិះ​ក្នុង​រថយន្ត តូយ៉ូតា កាមរី ឆ្លាម​) ចំនួន ៥ នាក់ បាន​រងរបួស​ធ្ងន់​ស្រាល ហើយ​ត្រូវបាន​បញ្ជូន ទៅ​សង្គ្រោះបន្ទាន់ នៅ​មន្ទីរពេទ្យបង្អែក ខេត្តកំពង់ឆ្នាំង​ដោយ​ពុំមាន​ស្គាល់​អត្តសញ្ញាណ នោះទេ ព្រោះ​នៅក្រោយពេល​កើតហេតុ សមត្ថកិច្ច​បានមក​ដល់ ឃើញតែ​រថយន្ត រង​ការខូចខាត រដូករណែល​ពេញ​ផ្លូវ នៅ​កន្លែងកើតហេតុ ហើយ​បាន​វាស់វែង យកទៅ​រក្សាទុក នៅ​អធិការដ្ឋាន នគ​បាល​ស្រុក ដើម្បី​រង់ចាំ​ការដោះស្រាយ តាម​នីតិវិធី​៕/V​-PC