​ប្រែ​សម្រួល : កញ្ញា​ដា​លី​ស ៖ កង្វះ​បន្ទះ​ឈីប​ស៊ីលី​កូនកំពុង​បង្ខំ​ឱ្យ​ក្រុមហ៊ុន​ផលិត​រថយន្ត​ជា​ច្រើន​កាត់បន្ថយ​ការផលិត​នៅ​ទូទាំង​ពិភពលោក ហើយ​អាច​លើកទឹកចិត្ត​ដល់​កិច្ចខិតខំ​ប្រឹងប្រែង​ដើម្បី​កាត់បន្ថយ​ការពឹងផ្អែក​លើ​ក្រុមហ៊ុន​ផ្គត់ផ្គង់​នៅ​អាស៊ី​។​

​ក្រុមហ៊ុន Ford បាន​ប្រកាស​កាលពី​ថ្ងៃ​ព្រហស្បតិ៍​សប្តាហ៍​មុន​ថា ខ្លួន​នឹង​កាត់បន្ថយ​ទិន្នផល​រថយន្ត​ភី​ក​អាប់​លក់ដាច់​បំផុត​ប្រភេទ F-150 ដោយសារ​តែ​កង្វះ​បន្ទះ​ឈីប (Semiconductor) ខណៈ​ដែល​ក្រុមហ៊ុន General Motors បាន​ប្រកាសថា​ខ្លួន​នឹង​ផ្អាក​ការងារ​នៅ​រោងចក្រ​ចំនួន ៣ នៅ​ទ្វីប​អាម៉េរិក​ខាងជើង​។​

​នៅ​ប្រទេស​ចិន រោងចក្រ​ខ្លះ​ត្រូវ​បាន​បិទ​ពីរ​សប្តាហ៍​។ នៅ​ប្រទេស​អាល្លឺម៉ង់ ក្រុមហ៊ុន Volkswagen បាន​បញ្ឈប់​ខ្សែសង្វាក់​ផលិតកម្ម​នៅ​រោងចក្រ​ចំនួន​ពីរ​ក្នុង​ខែ​មករា​និង​នៅ​ប្រទេស​បារាំង ក្រុមហ៊ុន Stellantis លុបចោល​វេន​ធ្វើការ​ថ្ងៃ​សៅរ៍​។​

​រថយន្ត​សព្វថ្ងៃនេះ​គឺ​ពោរពេញ​ដោយ​ម៉ាស៊ីន​ដំណើរការ​ចម្រុះ​ជាច្រើន​។ ឧទាហរណ៍​ជាក់ស្តែង រថយន្ត Audi SUV មួយ គឺ​មាន​គ្រឿង​ម៉ាស៊ីន​ចម្រុះ​ដល់​ទៅ ៣៨ ក្នុងនោះ​មាន​ចាប់ពី​ម៉ាស៊ីនរថយន្ត​រហូតដល់​ប្រព័ន្ធ​ហ្វ្រាំង ABS និង ចាប់ពី​ពោង​ខ្យល់​រហូត​ដល់​បច្ចេកវិជ្ជា​ជំនួយ​ដល់​ការចត​រថយន្ត​។​

​ដោយហេតុ​ថា​សព្វថ្ងៃ​ក្រុមហ៊ុន​ផលិត​រថយន្ត​នានា​បាន​ពង្រីក​ខ្សែសង្វាក់​ផ្គត់ផ្គង់​របស់​ពួកគេ​ក្នុង​ប៉ុន្មាន​ទសវត្សរ៍​ចុងក្រោយ​និង​កាន់តែ​ពឹងផ្អែក​ខ្លាំង​ឡើង​ទៅ​លើ​ការ​ចែកចាយ​គ្រឿងបន្លាស់​ទាន់ពេលវេលា ដូច្នេះ​កង្វះខាត​គ្រឿងបន្លាស់​ណា​មួយ​នឹង​ជះ​ផលប៉ះពាល់​យ៉ាងខ្លាំង​ដល់​វិស័យ​រថយន្ត​។​

​ក្រុមហ៊ុន​ស្រាវជ្រាវ​ទីផ្សារ IHS Markit ថ្មីៗ​នេះ​បាន​ប៉ាន់ស្មាន​ថា កង្វះ​បន្ទះ​ឈីប​អាច​ពន្យារពេលការផ​លិត​យានយន្ត​ចំនួន ៦៧២.០០០ គ្រឿង​នៅ​ក្នុង​ត្រីមាស​ដំបូង​នៃ​ឆ្នាំ​នេះ ភាគច្រើន​គឺ​នៅ​ប្រទេស​ចិន​និង​អឺរ៉ុប​៕

​កង្វះ​បន្ទះ​ឈី​បនឹង​នាំ​ឱ្យ​ពន្យារពេល​ការផលិត​រថយន្ត​ចំនួន ៦៧២.០០០ គ្រឿង​នៅ​ក្នុង​ត្រីមាស​ដំបូង​នៃ​ឆ្នាំ​នេះ