​ប្រែ​សម្រួលៈ​វាសនា​/​បាងកក​៖​រដ្ឋាភិបាល​ថៃ​កាលពី​ថ្ងៃ​ព្រហស្បតិ៍​បាន​រាយការណ៍​អំពី​ការរកឃើញ​ការឆ្លង​ជំងឺ​កូវី​ដ​១៩​ថ្មី​ចំនួន​២០១​នាក់ ក្នុងនេះ​១៨៥​នាក់​ឆ្លង​នៅក្នុង​ស្រុក និង​១៦​ជា​ករណី​នាំចូល​។​

​ចំនួន​នេះ​ធ្វើអោយ​ថៃ មាន​អ្នក​ឆ្លង​សរុប​តាំងពី​មុន​មក​កើន​ដល់ ២៤.១០៤​នាក់ តែ​១៩.៧៩៩​បាន​ជា​ពី​ជំងឺ ៨០​នាក់​ស្លាប់​និង​នៅ​សល់​៤.២២៥​នាក់​កំពុង​ព្យាបាល​។​

​ខេត្ត​សាមុត សា​ខន ដែល​ជា​មជ្ឈមណ្ឌល​ផ្ទុះ​កូវី​ដ​១៩​តាំងពី​ខែ​ធ្នូ​ឆ្នាំ​មុន​មក នៅតែ​មាន​អ្នក​ឆ្លង​ថ្មី​ច្រើនជាងគេ​គឺ​១២៩​នាក់ ខណៈ​ក្រុង​បាងកក​រក​ឃើញ​អ្នក​ឆ្លង​ថ្មី​១៧​នាក់ ក្នុងនេះ​១៤​នាក់​ជា​ការឆ្លង​ជា​​ចង្កោម​នៅ​សកល​វិទ្យាល័យ​ជូឡាឡុងកន ចំណែក​ខេត្ត​តាក​មាន​អ្នក​ឆ្លង​ថ្មី​៣៧​នាក់​។​

​នៅ​ទូទាំង​ពិភពលោក ការ​ឆ្លងកូវី​ដ​១៩​បាន​កើន ៤៣៧.៧៨០​នាក់ រហូត​ដល់​ចំនួន​សរុប ១០៧,៨៥​លាន​នាក់ និង​២,៣៦​លាន​នាក់​ស្លាប់​ដោយកូវី​ដ​១៩​។​អាម៉េរិក​នៅតែ​នាំមុខគេ គឺ​ឆ្លង​២៧,៩០​លាន​នាក់ និង​ស្លាប់​ដោយកូវី​ដ​១៩​មាន​ចំនួន ៤៨៣.២០០​នាក់ ៕