Home ព័ត៌មានជាតិ សន្តិសុខ ឃុំខ្លួន​ឪពុក...

ឃុំខ្លួន​ឪពុកចុង រំលោភ​សេពសន្ថវៈ កូនដើម ជាច្រើនលើក​

ដោយៈ ស​រិ​ទ្ធ / កណ្តាលៈ នៅ​ល្ងាច​ថ្ងៃទី​១៥ ខែកុម្ភៈ ឆ្នាំ​២០២១ លោក ស៊ូ បញ្ញា ចៅក្រម ស៊ើបសួរ សាលាដំបូង​ខេត្តកណ្តាល សម្រេច​ចេញ​ដីកា ឃុំខ្លួន​ឪពុកចុង ចាប់រំលោភ​កូន ស្រី​ដើម ជាច្រើន​ដង និង​គំរាម​បង្ហោះ​សកម្មភាព​រួមភេទ ដាក់ពន្ធនាគារ បណ្តោះអាសន្ន ពីបទ “​រំលោភ​សេពសន្ថវៈ មាន​ស្ថាន​ទម្ងន់ទោស ទាក់ទង​ទៅនឹង​ជនរងគ្រោះ “ តាម​មាត្រា ២៤១ នៃ​ក្រមព្រហ្មទណ្ឌ​។​

​គួររំលឹកថា ថ្ងៃទី​១៤ ខែកុម្ភៈ ឆ្នាំ​២០២១ ជា​ថ្ងៃ​ដែល​ជនរងគ្រោះ ជា​កូនចុង​សម្រេច​ដាក់ ពាក្យបណ្តឹង ប្តឹង​ឪពុកចុង​ចិត្ត​អប្រិយ នៅ​ប៉ុស្តិ៍​ស្វាយ​រលំ អោយ​ចុះមក​ឃាត់ខ្លួន ជនសង្ស័យ ចាត់ការ​តាម​នីតិវិធី​ច្បាប់ ក្រោយ​ឪពុកចុង​រូបនេះ ចាប់រំលោភ​កូនចុង​ជាច្រើន​ខែ​ពោល​តាំង ពី​ខែមិថុនា ឆ្នាំ​២០២០ និង​ឃាត់​ខ្លូន នៅ​ថ្ងៃទី​១៥ ខែកុម្ភៈ ឆ្នាំ​២០២១ នៅ​ភូមិ​លេខ​៤ សង្កាត់​ស្វាយ​រលំ ក្រុង​តាខ្មៅ ។​

​នគរបាល​ក្រុង​តាខ្មៅ បានអោយដឹងថា ជនសង្ស័យ ត្រូវជា​ឪពុកចុង ឈ្មោះ ទេព តុលា អាយុ ៣៥ ឆ្នាំ មុខរបរ ជាង​ម៉ាស៊ីនត្រជាក់ ស្នាក់នៅ​ភូមិ​លេខ​៤ សង្កាត់​ស្វាយ​រលំ ក្រុង​តាខ្មៅ ខេត្តកណ្តាល​។​

​ដោយឡែក ជនរងគ្រោះ ឈ្មោះ ច​.​រ ភេទ​ស្រី អាយុ​១៦ ឆ្នាំ មុខរបរ សិស្ស​ស្នាក់នៅ​ភូមិ លេខ​៤ សង្កាត់​ស្វាយ​រលំ ក្រុង​តាខ្មៅ ខេត្តកណ្តាល​។ ចំណែក​ម្តាយបង្កើត ឈ្មោះ ចំរើន សួស្តី អាយុ ៣៦​ឆ្នាំ មុខរបរ មេផ្ទះ និង​ឪពុក​បង្កើត ឈ្មោះ គឹម ចាន់​ធា អាយុ ៣៧ ឆ្នាំ លែងលះគ្នា​។​

​នគរបាល​ក្រុង​តាខ្មៅ បាន​បន្តថា មុនពេល​កើតហេតុ ឪពុកម្តាយ​ជនរងគ្រោះ​ដោយសារតែ រស់នៅ មិន​ចុះសម្រុង​នឹង​គ្នា ក៏បាន​លែងលះគ្នា ៤ ឆ្នាំ​មកហើយ ដោយមាន​កូន ចំនួន ៣​នាក់ ប្រុស​១ ស្រី​២ ខណៈ​ជនរងគ្រោះ ជា​កូន​ទី​១​។​

​លុះ​មកដល់​ថ្ងៃទី​៧ ខែមិថុនា ឆ្នាំ​២០២០ ម្តាយ​ជនរងគ្រោះ ក៏បាន​រៀបការ​ប្តី​មួយទៀត ឈ្មោះ ទេព តុលា ហើយ​បន្ទាប់ពី​ជនរងគ្រោះ បាន​ចូលរួម​ផឹកស៊ី ស្រវឹង​ដេកលក់ រហូតដល់​ពាក់កណ្តាល​យប់ ឪពុកចុង ក៏បាន​ឡើង ទៅ​ចាប់រំលោភ រហូត​បានសម្រេច​ម្តង​។ នៅ​ថ្ងៃទី​១៤ ខែមិថុនា ឆ្នាំ​២០២០ ម្តាយ និង​ឪពុកចុង នាំ​ជនរងគ្រោះ​ទៅធ្វើ​ពិធី​កាត់ ចំណងដៃ នៅ​ខេត្តស្វាយរៀង ហើយ​ក៏បាន​ចាប់រំលោភ សម្រេច​ម្តងទៀត​។​

​បន្ទាប់មកទៀត ចាប់រំលោភ នៅលើផ្ទះ នៅពេល​ដាច់​ភ្លើង បានសម្រេច​ម្តងទៀត ហើយ​បាន​ថត​វីដេអូ ទុក​មើល​។ លុះ​ក្រោយមក ជនសង្ស័យ សុំ​រួមភេទ​បន្តទៀត​តែ​ជន រងគ្រោះ មិន​ព្រម ពេលនោះ ជនសង្ស័យ យក​វីដេអូ​មក​គំរាម បើ​មិន​ព្រម នឹង​យក​វីដេអូ​នោះ បង្ហោះ​ហ្វេ​ស​ប៊ុ​ក ទើប​ជនរងគ្រោះ យល់ព្រម​រួមភេទ ជាមួយ​ជនសង្ស័យ​ជា​បន្តបន្ទាប់ សម្រេច ៨ ដង​។​

​រហូតដល់​ថ្ងៃទី​៣១ ខែធ្នូ ឆ្នាំ​២០២០ ទ្រាំ​នឹង​ទង្វើ​របស់​ឪពុកចុង​តែងតែ​ចាប់បង្ខំ​រួមភេទ លែង​បាន ក៏បាន​រៀបរាប់​ប្រាប់​ម្តាយ តែ​ម្តាយ​គ្រាន់​ស្តីបន្ទោស ឲ្យ​ឪពុកចុង​បី​បួន​ម៉ាត់ តែប៉ុណ្ណោះ ទើប​ជនរងគ្រោះ ខឹង​ក៏​ឈប់រៀន ហើយរ​ត់ទៅ​រស់នៅ ជាមួយ​ម្តាយមីង ប្រកប​របរ​ស៊ីឈ្នួល លាងចាន នៅ​ខេត្តព្រៃវែង​។​

​បន្ទាប់ពី​ទទួលដំណឹង​ថា ជនរងគ្រោះ ឈប់រៀន ឪពុក​បង្កើត បាន​ហៅ​ជនរងគ្រោះ ឲ្យ​ទៅ​រស់នៅ​ជាមួយ នៅ​ឃុំ​ក្រាំង​យ៉ូ​វ ស្រុក​ស្អាង ហើយ​ប្រាប់​ជនរងគ្រោះ​ឲ្យ​ទៅយក ខោអាវ នៅផ្ទះ​មករ​ស់​ជាមួយ​។​

​លុះដល់​ថ្ងៃទី​១៤ ខែកុម្ភៈ ឆ្នាំ​២០២១ ជនរងគ្រោះ បាន​ត្រឡប់​ចូល​ផ្ទះ រៀបចំ​ខោអាវ ដើម្បី​ទៅ​រស់នៅ​ជាមួយ ឪពុក​បង្កើត​វិញ ប៉ុន្តែ​ជួប​ជាមួយ​ជនសង្ស័យ ជា​ឪពុកចុង ពេលនោះ ក៏បាន​ឈ្លោះប្រកែក​គ្នា ហើយ​ជនសង្ស័យ ក៏បាន​វាយ​ធ្វើបាប​នាង ទើប​មក​ដាក់​ពាក្យបណ្តឹង នៅ​ប៉ុស្តិ៍​ស្វាយ​រលំ អោយ​ចុះមក​ឃាត់ខ្លួន ជនសង្ស័យ ចាត់ការ​តាម​នីតិវិធី​តែម្តង​។​

​សូមបញ្ជាក់ថា តាម​ការសាកសួរ ជនសង្ស័យ​ឆ្លើយថា ខ្លួន​ពិតជា​បាន​រួមភេទ​ជាមួយ​ជន រងគ្រោះ បានសម្រេច​ជាច្រើន​ដង​ប្រាកដ​មែន ប៉ុន្តែ​មិនបាន​ចាប់រំលោភ នោះទេ ដោយសារ​ការព្រមព្រៀង​ត្រូវរ៉ូវ​គ្នា​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular