Home ព័ត៌មានជាតិ សេដ្ឋកិច្ច គម្រោង​សាងសង់...

គម្រោង​សាងសង់​ស្ពាន​ក្រូចឆ្មារ​-​ស្ទឹងត្រង់​សម្រេច បាន ៩៦,៤៩%

​ដោយៈ ជា​សីហៈ​/​ភ្នំពេញៈ គម្រោង​សាងសង់​ស្ពាន​ឆ្លងទន្លេ​មេគង្គ (​ក្រូចឆ្មារ​-​ស្ទឹងត្រង់​) ប្រវែង ១ ១៣១​ម៉ែត្រ សម្រេច បាន ៩៦,៤៩% នេះ​បើតាម​ការបញ្ជាក់​របស់​លោក ស៊ុន ចាន់ថុល ទេសរដ្ឋមន្ត្រី និង ជា​រដ្ឋមន្ត្រី​ក្រ​សួង​​សាធារណការ​និង​ដឹកជញ្ជូន ។​

​ស្ពាន​នេះ​មាន​ទីតាំង​ស្ថិតនៅ​ចម្ងាយ​ប្រមាណ ៣០ គីឡូម៉ែត្រ ភាគ​ខាងជើង​ទី​រួម​ខេត្តកំពង់ចាម គឺជា​ស្ពាន​ឆ្លង​កាត់​ទន្លេមេគង្គ​ដ៏​ធំ ដែលមាន ប្រវែង ១ ១៣១ ម៉ែត្រ និង​ទទឹង ១៣,៥ ម៉ែត្រ និង​ផ្លូវ​ត​ភ្ជាប់​តាម​បច្ចេកវិទ្យា​ផ្លូវ​ហាយវ៉េ Class II ដែល​មានចែង​នៅក្នុង​ស្តង់ដា​បច្ចេកទេស​វិស្វកម្ម​ផ្លូវ ហាយវ៉េ ចេញ​ដោយ​ក្រសួង​ដឹកជញ្ជូន​ចិន​។​

​គម្រោង​ចំណាយ​សម្រាប់​ការសាងសង់​ស្ពាន​នេះ ជា​ហិរញ្ញប្បទាន​សម្បទាន​ពី​រដ្ឋាភិបាល​ចិន អនុវត្ត​គម្រោង​សម្រាប់​ក្រសួង​សាធារណការ និង​ដឹកជញ្ជូន​កម្ពុជា និង​ទទួល​ការសាងសង់​ដោយ​ក្រុមហ៊ុន Shanghai Construction Group Co., Ltd​។​

​ស្ពាន​នេះ មាន​ទីតាំង​ស្ថិតនៅ​ចន្លោះ​ស្ពាន​ឆ្លងកាត់​ទន្លេ​ចំនួន ២ ដែលមាន​ស្រាប់ ដែល​ភ្ជាប់​ខេត្ត​ត្បូងឃ្មុំ និង​ខេត្តកំពង់ចាម​។ នៅពេល​សាងសង់​រួច វា​អាច​ភ្ជាប់​បណ្តាញ​ផ្លូវ នៃ​ច្រាំងទន្លេ​ទាំង ២ និង​កាត់បន្ថយ​ចម្ងាយ​ធ្វើ​ដំណើរ​ពី​តំបន់​កណ្តាល និង​តំបន់​ភាគ​ខាងជើង ទៅ​តំបន់​ភាគ​ខាងកើត​នៃ​ប្រទេស កម្ពុជា​។​

​ស្ពាន​នេះ​បានចាប់ផ្តើម​សាងសង់​កាលពី​ថ្ងៃទី ៩ ខែ កុម្ភៈ ឆ្នាំ ២០១៨ ក្រោម​អធិបតីភាព​ដ៏​ខ្ពង់ខ្ពស់​របស់​សម្តេច​តេ​ជោ​នាយករដ្ឋមន្ត្រី ហ៊ុន សែន និង​ឯកអគ្គរដ្ឋទូត​ចិន​ប្រចាំ​កម្ពុជា​៕​

ទីតាំងផ្សាយពាណិជ្ជកម្ម

- Advertisment -

Most Popular