​សម្តេច​ក្រឡាហោម ស ខេង ជួបពិភាក្សា​ការងារ ជាមួយ​ប្រធាន​ភ្នាក់ងារចៃកា ថ្មី​ប្រចាំ​កម្ពុជា​

​ដោយៈ មុនី​រ័ត្ន / ភ្នំពេញៈ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បាន​ជួបពិភាក្សា​ការងារ ជាមួយ​លោកស្រី កាមេអ៊ី ហារ៉ូកូ(KAMEI Haruko) ប្រធាន​ទីភ្នាក់ងារ​សហ​ប្រតិបត្តិការ​អន្តរជាតិ​ជប៉ុន ( JICA ) ថ្មី​ប្រចាំ​កម្ពុជា កាលពី​រសៀល ថ្ងៃទី​១៦ ខែកុម្ភៈ ឆ្នាំ​២០២១ នៅ​ទីស្តីការ​ក្រសួងមហាផ្ទៃ​។​

​នៅក្នុង​ជំនួប​ពិភាក្សា សម្តេច​ក្រឡាហោម ស ខេង បាន​មានប្រសាសន៍ថាៈ ក្នុងនាម​រាជរដ្ឋាភិបាល​កម្ពុជា សូម​ថ្លែងអំណរគុណ ចំពោះ​រដ្ឋាភិបាល​ជប៉ុន ដែល​កន្លងមក បាន​ជួយ​ជ្រោមជ្រែង ដល់​ដំណើរការ​ស្វែងរក​សន្តិ​ភាព ការស្តារ និង​ការអភិវឌ្ឍ​សេដ្ឋកិច្ច នៅ​កម្ពុជា និង​ក្នុងនាម​ក្រសួងមហាផ្ទៃ សូម​អរគុណ​ដែល​បាន​ជួយ​បណ្តុះបណ្តាល លើកកម្ពស់​សមត្ថភាព ទាំង​នៅក្នុង​វិស័យ​នគរបាលជាតិ ក៏ដូចជា នៅក្នុង​ការបណ្តុះបណ្តាល មន្ត្រីរដ្ឋបាល​ថ្នាក់ក្រោម​ជាតិ ដែល​ការជួយ​បណ្តុះបណ្តាល​នេះ គឺជា​ការរួមចំណែក​មួ​យ យ៉ាងសំខាន់ ដល់​ដំណើរការ​កំណែទម្រង់​វិមជ្ឈការ និង​សហវិមជ្ឈការ នៅ​កម្ពុជា​។

សម្តេច​ក្រឡាហោម ស ខេង ជួបពិភាក្សា​ការងារ ជាមួយ​ប្រធាន​JICA ថ្មី​ប្រចាំ​កម្ពុជា​

​សម្តេច​ក្រឡាហោម ជឿជាក់ថាៈ នៅក្នុង​អាណត្តិ​បេសកកម្ម របស់លោក​ស្រី KAMEI Haruko ប្រធាន​អង្គការ JICA ថ្មី​ប្រចាំ​កម្ពុជា និង​បន្ត​លើកកម្ពស់ ដល់​ទំនាក់ទំនង រវាង​រដ្ឋាភិបាល និង​រដ្ឋាភិបាល នៃ​ប្រទេស​ទាំងពីរ ក៏ដូចជា រវាង​ក្រសួងមហាផ្ទៃ និង JICA ផងដែរ​។​

​ជាការ​ឆ្លើយតប លោកស្រី KAMEI Haruko ប្រធាន​អង្គការ JICA បាន​ឯកភាព ចំពោះ​ការលើកឡើង​របស់ សម្តេច​ក្រឡាហោម ស ខេង គឺ JICA និង​ក្រសួងមហាផ្ទៃ ពិតជា​មាន​កិច្ចសហប្រតិបត្តិការ ល្អ​ជាមួយគ្នា ក្នុងនោះ JICA បាន​ជួយ​គាំទ្រ ដល់​ដំណើរការ កំណែទម្រង់​វិមជ្ឈការ និង​សហវិមជ្ឈការ នៅ​កម្ពុជា តាមរយៈ​ការជួយ​កសាង​ធនធានមនុស្ស​។ បច្ចុប្បន្ននេះ ខាង JICA កំពុង​សហការ​ជាមួយ ក្រសួងមហាផ្ទៃ ដើម្បី​រៀបចំ​កម្មវិធី​បណ្តុះបណ្តាល មន្ត្រី​ថ្នាក់ក្រោម​ជាតិ និង​មន្ត្រី​ក្រសួងមហាផ្ទៃ​៕/V​/សរន

សម្តេច​ក្រឡាហោម ស ខេង ជួបពិភាក្សា​ការងារ ជាមួយ​ប្រធាន​អង្គការ JICA ថ្មី​ប្រចាំ​កម្ពុជា​

សម្តេច​ក្រឡាហោម ស ខេង ជួបពិភាក្សា​ការងារ ជាមួយ​ប្រធាន​អង្គការ JICA ថ្មី​ប្រចាំ​កម្ពុជា​

ទីតាំងផ្សាយពាណិជ្ជកម្ម

- Advertisment -

Most Popular