Home ព័ត៌មានសំខាន់ៗ ក្រសួង​សាធារណ...

ក្រសួង​សាធារណការ កំពុង​រៀបចំ​ប្រព័ន្ធ អាយ​ធី​ថ្មី ចាប់យក​រូបភាព​យានយន្ត ដែល​បើកបរ​ល្មើ​សនឹង​ច្បាប់ និង​កាត់បន្ថយ​ពិន្ទុ លើ​ប័ណ្ណបើកបរ​

ដោយៈ សុផល / ភ្នំពេញៈ ថ្លែង​ក្នុង​ពិធី​បើក​សន្និបាត បូកសរុប​លទ្ធផល​ការងារ ប្រចាំឆ្នាំ​២០២០ និង​លើក​ទិសដៅ​ការងារ ឆ្នាំ​២០២១ របស់​ក្រសួង​សាធារណការ និង​ដឹកជញ្ជូន នៅ​ថ្ងៃទី​១៦ ខែកុម្ភៈ​នេះ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន បានលើកឡើង​ថាៈ ក្រសួង​កំពុង​រៀបចំ ប្រព័ន្ធ​អាយ​ធី ( IT = ប្រព័ន្ធ​ព័ត៌មានវិទ្យា​) មួយ​ថ្មី​ទៀត ក្នុងការ​ចាប់យក​រូប​ភាព យានយន្ត​ដែល​បើកបរ​ល្មើស​នឹង​ច្បាប់ ដោយ​ប្រព័ន្ធគ្រប់គ្រង​ព័ត៌មាន​នេះ មានកម្ម​វិធី​ស្កែ​ន ( Scan ) លើ​បណ្ណ​បើកបរ ដើម្បី​កាត់បន្ថយ​ពិន្ទុ ទៅតាម​ស្ថាន​នៃ​បទល្មើស​។​

​លោក​ទេសរដ្ឋមន្ត្រី ស៊ុន ចាន់ថុល បានបញ្ជាក់​ឱ្យដឹងថាៈ ក្រុមការងារ​បច្ចេកទេស របស់​ក្រសួង​សាធារណការ និង​ដឹកជញ្ជូន កំពុង​ជំរុញ​ការងារ រៀបចំ​ប្រព័ន្ធ​នេះ ឱ្យបាន​ចប់​នៅត្រឹម​ខែមិថុនា ឆ្នាំ​២០២១ ដើម្បី​យកទៅ​ធ្វើ​បទ​បង្ហាញ ជូន​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​ជា ប្រធាន​គណៈកម្មាធិការ​ជាតិ សុវត្ថិភាព​ចរាចរណ៍​ផ្លូវគោក មុននឹង​សម្រេច​ឈានទៅ​អនុវត្ត​ជាក់ស្តែង នៅ​ថ្ងៃទី​១ ខែមករា ឆ្នាំ​២០២២​។​

​លោក​ទេសរដ្ឋមន្ត្រី បាន​ពន្យល់​ពី​ទិដ្ឋភាព​ច្បាប់ ស្តីពី​ចរាចរណ៍​ផ្លូវគោក​ថាៈ ៥ ឆ្នាំក្រោយ ពី​ច្បាប់​ចូល​ជា​ធរមាន គឺ​នឹង​មានការ​កាត់​ពិន្ទុ លើ​បណ្ណ​បើកបរ ចំពោះ​អ្នកបើកបរ យានយន្ត​ខុសច្បាប់ ដូចជា មិន​ពាក់​ខ្សែក្រវាត់​សុវត្ថិភាព បើកបរ​លើស​ល្បឿន​កំណត់ បើកបរ​ល្មើស​ភ្លើង​សញ្ញា បើកបរ​ក្នុងស្ថានភាព​ស្រវឹង ផ្ទុក​មនុស្ស​លើស​កំណត់ ជាដើម ហើយ​បើកាលណា ដក​ពិន្ទុ​អស់ហើយ គឺ​អ្នកបើកបរ​នោះ មិនត្រូវ​បានអនុញ្ញាត ឱ្យ​បើកបរ​ទៀត​នោះទេ ដោយ​ត្រូវ​ព្យួរទុក រយៈពេល ៦ ខែ ឬ​អាច​ដល់ ១ ឆ្នាំ ទៅតាម​ច្បាប់​កំណត់​។​

​ក្នុង​ច្បាប់​ស្តីពី​ចរាចរណ៍​ផ្លូវគោក បានកំណត់​ឱ្យ​គ្រប់​បណ្ណ​បើកបរ ត្រូវមាន​ពិន្ទុសរុប ១២ ពិន្ទុ ហើយ​ចំនួន​ពិន្ទុ​នេះ ត្រូវ​កាត់បន្ថយ ទៅតាម​ស្ថាន​នៃ​ការប្រព្រឹត្ត បទល្មើស​ចរាចរណ៍ ចាប់ពី ១ ពិន្ទុ ដល់ ៦ ពិន្ទុ ក្នុងករណី​ប្រព្រឹត្ត​បទល្មើស​ម្តង​។ ក្នុងករណី​អស់​ពិន្ទុ គឺ​បណ្ណ​បើកបរ ត្រូវ​ទុកជា​មោ​ឃៈ ហើយ​បើ​អ្នកបើកបរ ចង់បាន​បណ្ណ​បើកបរ​ថ្មី ត្រូវ​រៀន និង​ប្រឡង​យក​បណ្ណ​បើកបរ​ឡើងវិញ ក្នុង​រយៈពេល​យ៉ាងតិច ៦ ខែ គិត​ចាប់​ពីថ្ងៃ ដែល​បណ្ណ​បើកបរ ត្រូវ​ទុកជា​មោ​ឃៈ​។​

​សូមជម្រាបថាៈ នៅ​ឆ្នាំ​២០២០ នេះ ប័ណ្ណបើកបរ សម្រាប់​រថយន្ត ចំនួន ២០១.០១៤ បាន​ត្រូវ​ផ្តល់ជូន អ្នកបើកបរ និង​ប័ណ្ណបើកបរ សម្រាប់​ម៉ូតូ ចំនួន ៤១.២៨៨៕/V​

ទីតាំងផ្សាយពាណិជ្ជកម្ម

- Advertisment -

Most Popular