Home ព័ត៌មានជាតិ សន្តិសុខ ​បំបែកសំណុំរឿ...

​បំបែកសំណុំរឿងៈ ប៉ូលិស បញ្ជូន​ស្ត្រី​មេខ្យល់​ម្នាក់ ទៅ​តុលាការ ករណី​នាំ​មនុស្ស​ឆ្លងដែន ខុសច្បាប់ និង​គេចវេះ ពី​ការធ្វើ​ច​ត្តា​ឡី​ស័ក​

​ដោយៈ ប​.​ជ័យ / បន្ទាយ​មាន​ជ័​យៈ សមត្ថកិច្ច​នគរបាល បាន​បំបែកសំណុំរឿង ហើយ​បញ្ជូនទៅ​តុលាការ នូវ​ខ្លួន​ស្ត្រី​មេខ្យល់​ម្នាក់ ដែល​នាំ​មនុស្ស​ឆ្លងដែន ខុសច្បាប់ ដោយ​គេចវេះ មិន​ព្រម​នាំមក​មណ្ឌល​ច​ត្តា​ឡី​ស័ក កាលពី​ថ្ងៃទី​១៦ ខែកុម្ភៈ ឆ្នាំ​២០២១​។​

​លោក​វរសេនីយ៍ឯក សែ​ស វិបុល អធិការនគរបាល​ស្រុក​អូរជ្រៅ បាន​ឲ្យ​ដឹងថាៈ មេខ្យល់​នោះ មានឈ្មោះ ខន សុ​ឃឿ​ត ភេទ​ស្រី អាយុ ៣៦ ឆ្នាំ នៅ​ភូមិ​សិលា​ខ្មែរ ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ​។​

​ដោយ​អនុវត្តតាម​បទបញ្ជា របស់លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ កម្លាំង​នគរបាល​វរ​សេនា​តូច ការពារ​ព្រំដែន​គោក លេខ​៩១១ ចុះ​ល្បាត​តាម​បន្ទាត់​ព្រំដែន ឃាត់ខ្លួន នៅវេលា​ម៉ោង ៤ រសៀល​ថ្ងៃទី​១៤ ខែកុម្ភៈ ឆ្នាំ​២០២១ ចំណុច​ភូមិសាស្ត្រ ភូមិ​សិលា​ខ្មែរ ឃុំ​អូរ​បី​ជាន់ ស្រុក​អូរជ្រៅ គឺ​ខណៈពេលដែល​ស្ត្រី​នោះ កំពុង​នាំ​មនុស្ស (​ពលករ​ខ្មែរ​) ឆ្លងដែន​ចេញពី​ប្រទេស​ថៃ ចូលមក​កម្ពុជា តាម​ច្រករបៀង​ខុសច្បាប់ ហើយ​គេច​ពី​ការធ្វើ​ច​ត្តា​ឡី​ស័ក ។ នគរបាល​ព្រំដែន បានប្រគល់​ស្ត្រី​នោះ ឱ្យ​នគរបាល​ជំនាញ នៃ​អធិការដ្ឋាន​នគរបាល ស្រុក​អូរជ្រៅ ដើម្បី​សាកសួរ ។​

​នៅ​ចំពោះមុខ​សមត្ថកិច្ច ជនសង្ស័យ បាន​សារភាពថា ខ្លួន​បាន​លួច​នាំ​មនុស្ស​ចេញ ចូល ឆ្លងដែន​ចំនួន ៥ លើក​រួចមកហើយ ចាប់ពី​ខែមករា ឆ្នាំ​២០២១ មក​ ​គឺ​ខ្លួន​បាន​ជូន​គេ ទៅធ្វើ​ការងារ ដក​ដំឡូង និង​កាប់​អំពៅ ក្នុង​រយៈពេល ១អាទិត្យ ទើប​វិល​មក​ខ្មែរ​វិញ ដោយ​យក​ថ្លៃឈ្នួល ពី​ពលករ ក្នុង ២នាក់ តម្លៃ ៣០០ បាត​ប៉ុណ្ណោះ។

​នៅឯ​ការិយាល័យ នគរបាល​ប្រឆាំង ការជួញដូរ​មនុស្ស និង​ការពារ​អនីតិជន នៃ​ស្នងការដ្ឋាន​នគរបាល​ខេត្ត លោកស្រី ឧ​ត្ត​ម​សេនីយ៍​ត្រី ឌី សុជាតិ ស្នងការរង ទទួល​ផែន​ការងារ យេនឌ័រ និង​ប្រឆាំង​ការជួញដូរ​មនុស្ស និង​ការពារ​អនីតិជន បានបញ្ជាក់​ថាៈ ដោយ​ផ្អែក​តាម​ចម្លើយសារភាព របស់​ជនសង្ស័យ ត្រូវបាន​កម្លាំង​ជំនាញ ការិយាល័យ ប្រឆាំង​ការជួញដូរ​មនុស្ស និង​ការពារ​អនីតិជន រៀបចំ​សំណុំរឿង បញ្ជូន​ខ្លួន​ទៅ សាលាដំបូង​ខេត្ត ដើម្បី​ចាត់ការ តាម​នីតិវិធី​។​/V​

ទីតាំងផ្សាយពាណិជ្ជកម្ម

- Advertisment -

Most Popular