សម្តេច​តេ​ជោ ហ៊ុន សែន ចេញ​អនុក្រឹត្យ​សម្រេច​បង្កើត ទួល​ព័ន្ធ​តា​ឡី បឹង​ស្នេហ៍ ខេត្តព្រៃវែង​ជា​តំបន់​ប្រើប្រាស់​ច្រើនយ៉ាង​

ដោយ​: ដេប៉ូ / ភ្នំពេញ​: បន្ទាប់ពី​មើលឃើញ​ពី​សក្តានុពល និង​សត្វ​ស្លាប​កម្រ​ដ៏​ច្រើន ហើយ​ពិសេស​ដើម្បី​លើកកម្ពស់​ការចូលរួម​របស់​សហគមន៍​មូលដ្ឋាន នោះ​សម្តេច​តេ​ជោ ហ៊ុន សែន បានសម្រេច​ចេញ​អនុក្រឹត្យ ស្តីពី​ការបង្កើត​តំបន់​ប្រើប្រាស់​ច្រើនយ៉ាង ទួល​ព័ន្ធ​តា​ឡី បឹង​ស្នេហ៍ ដែលមាន​ទំហំ ៣,៥៥៧​ហិកតា ស្ថិតនៅក្នុង​ភូមិសាស្ត្រ​ក្រុង​ព្រៃវែង ស្រុក​ស្វាយ​អ​ន្ទ​រ ស្រុក​ពាម​រក៍ និង​ស្រុក​បាភ្នំ ខេត្តព្រៃវែង​។

បើ​យោងតាម​អនុក្រឹត្យ​របស់​សម្តេច​តេ​ជោ ហ៊ុន សែន បានឱ្យដឹងថា ការបង្កើត​តំបន់​ប្រើប្រាស់​ច្រើនយ៉ាង​ទួល​ព័ន្ធ​តា​ឡី បឹង​ស្នេហ៍ នេះ​មាន​គោលបំណង​ដូចជា​៖

-​ធានា​ការថែរក្សា និង​ការការពារ​សោភ័ណភាព​ធម្មជាតិ ប្រព័ន្ធ​អេកូឡូស៊ី ជីវៈចម្រុះ បរិស្ថាន និង​វប្បធម៌​
– ផ្តល់​ផលិតផល និង​សេវាកម្ម​ធម្មជាតិ​សម្រាប់​ការប្រើប្រាស់​ប្រកបដោយ​និរន្តរភាព​
-​រក្សា​លំនឹង​បរិស្ថាន ការពារ និង​អភិរក្ស​ធនធានធម្មជាតិ​
-​បង្កើន​តួនាទី​ប្រព័ន្ធ​អេកូឡូស៊ី សម្រាប់​ជា​ផលប្រយោជន៍​ដល់​សង្គមជាតិ​គ្រប់​ជំនាន់​
-​បង្កើន និង​ធានា​ការប្រើប្រាស់​តំបន់ដីសើម​ប្រកបដោយ​ភាពឈ្លាសវៃ​
– លើកកម្ពស់​ការចូលរួម​របស់​សហគមន៍​មូលដ្ឋាន ក៏ដូចជា​សាធារណជន​ក្នុងការ​រួមចំណែក​ដល់​ការគ្រប់គ្រង ការការពារ និង​ការអភិរក្ស​ជីវៈចម្រុះ និង​ធនធានធម្មជាតិ ក្នុង​តំបន់​ប្រើប្រាស់​ច្រើនយ៉ាង​ទួល​ព័ន្ធ​តា​ឡី បឹង​ស្នេហ៍​។​

​ជាមួយគ្នា​ក្នុង​អនុក្រឹត្យ​ខាងលើ​របស់​សម្តេច​តេ​ជោ​នេះ​បាន​បញ្ជាក់ដែរថា ក្រសួងបរិស្ថាន មាន​សមត្ថកិច្ច​រៀបចំ និង​គ្រប់គ្រង​តំបន់​ប្រើប្រាស់​ច្រើន យ៉ាង​ទួល​ព័ន្ធ​តា​ឡី បឹង​ស្នេហ៍ ដោយ​សហការ​ជាមួយ​ក្រសួង ស្ថាប័ន​ពាក់ព័ន្ធ រដ្ឋបាលខេត្ត​ព្រៃវែង សហគមន៍​មូលដ្ឋាន​ពាក់ព័ន្ធ ដើម្បី​ធានា​កិច្ច​គាំពារ​បរិស្ថាន ការអភិរក្ស​ជីវៈចម្រុះ និង​ការប្រើប្រាស់​ធនធានធម្មជាតិ ប្រកបដោយ​និរន្តរភាព ស្របតាម​បទ​ប្បញ្ញត្តិ​នៃ​ច្បាប់​ជា​ធរមាន​៕

ទីតាំងផ្សាយពាណិជ្ជកម្ម

Previous articleវាល​រហាល​កែស អា​វៀន ដែល​ស្ថិត​ត្រង់​ទី​ប្រសព្វ​នៃ​ស្ទឹង​សិរីសោភ័ណ និង​ស្ទឹង​មង្គល​បូរី កៀក​ព្រំប្រទល់​ស្រុក​ព្រះនេត្រព្រះ ក្រុង​សិរីសោភ័ណ និង​ស្រុក​មង្គល​បូរី​ក្នុងភូមិ​សាស្ត្រ​ឃុំ​ឈ្នួ​រ​មានជ័យ ស្រុក​ព្រះនេត្រព្រះ ខេត្តបន្ទាយមានជ័យ មកទល់ពេលនេះ​បានក្លាយ​ជាទី​អភិរក្ស​ដែល​កើន​ទាំង​មច្ឆៈជាតិ​ទាំង​សត្វ​ស្លាប់​រាប់​ម៉ឺន​សែន​ក្បាល និង​ជា​តំបន់​អេកូ ទេសចរណ៍​មួយ​ហើយ ។​
Next articleបន្ទាប់ពី​មើលឃើញ​ពី​សក្តានុពល និង​សត្វ​ស្លាប​កម្រ​ដ៏​ច្រើន ហើយ​ពិសេស​ដើម្បី​លើកកម្ពស់​ការចូលរួម​របស់​សហគមន៍​មូលដ្ឋាន នោះ​សម្តេច​តេ​ជោ ហ៊ុន សែន បានសម្រេច​ចេញ​អនុក្រឹត្យ ស្តីពី​ការបង្កើត​តំបន់​ប្រើប្រាស់​ច្រើនយ៉ាង ទួល​ព័ន្ធ​តា​ឡី បឹង​ស្នេហ៍ ដែលមាន​ទំហំ ៣,៥៥៧​ហិកតា ស្ថិតនៅក្នុង​ភូមិសាស្ត្រ​ក្រុង​ព្រៃវែង ស្រុក​ស្វាយ​អ​ន្ទ​រ ស្រុក​ពាម​រក៍ និង​ស្រុក​បាភ្នំ ខេត្តព្រៃវែង​។
- Advertisment -

Most Popular