Home ហោរាសាស្ត្រ ហោរាសាស្រ្ត ប...

ហោរាសាស្រ្ត ប្រចាំថ្ងៃ ពុធ ទី ១៧ ខែ កុម្ភៈ ឆ្នាំ ២០២១

ឆ្នាំជូត​

​រាសី​ខ្ពស់ត្រដែត​។​លោកអ្នក កើត​ឆ្នាំ កណ្តុរ សុំ​ដាស់តឿន​ថា ឆ្លង​ដល់ ខែ មីនា ខាងមុខ​ដួង​រាសី​ស្រុតចុះ ដូចនេះ​ដំណើរ​ជីវិត​ជួប​នូវ​ស្ថានភាព​លំបាក​ជាង​នេះ​។​ក្រៅពីនេះ​ស្ត្រីភេទ​មាន​ភាពលំបាក​ច្រើនជាង​បុរស ហេតុនេះ​គប្បី​តស៊ូ​អត់ធ្មត់​បន្តិច​ទើប​ប្រសើរ​។​ដោយឡែក​នៅថ្ងៃនេះ​វិញ​ផ្តល់​ផល​ល្អ​សម្រាប់​លោកអ្នក​ទំនាក់ទំនង ឬ ចរចា រឿង​សំខាន់​អ្វីមួយ​ពីព្រោះថា​ផល​ល្អៗ​តែង​ឆ្លើយតប​មកវិញ​ជានិច្ច​។​អ្នក​ប្រកប​របរ​រកស៊ី​ជួញដូរ​ពេលនេះ​ប្រៀប​ដូច​បានជា​”​ភ្លៀង​ធ្លា​ក់មួយ​មេ​មេឃ​ស្រ​ទ្បះ​”​ព្រោះ​អាច​កំចាត់​រាល់​ឧបទ្រពចង្រៃ​ទាំងពួង​ឱ្យ​វិនាស​ជា​អហោសិកម្ម​អស់ហើយ​លោកអ្នក​អាច​ប្រកបមុខរបរ​ពេញដៃពេញជើង​ទ្បើង​វិញ​។​
រីឯ​បញ្ហា​សេចក្តីស្នេហា​កំលោះ​ក្រមុំ​មានការ​លូតលាស់​ឈានទៅ​មុខ​និង​ផ្អែមល្ហែម​គួរសម​៕

ឆ្នាំឆ្លូវ​

រាសី​ល្អជា​មធ្យម​។​សម្រាប់​លោកអ្នក​កើត​ឆ្នាំ​គោ​នៅ​ខែក្រោយ​នេះ​ដួង​រាសី​ខែ​ផ្លាស់ប្តូរ​មក​ត្រឹម​កម្រិត​មធ្យម​វិញ ម្ល៉ោះហើយ​ធ្វើឱ្យ​បុរស​ដែល​ធ្លាប់​តែមាន​បញ្ហា​មិនល្អ​យាយី​បាន​ផ្លាស់ប្តូរ​មក​គ្រាន់​គាប់ប្រសើរ​បន្តិច​វិញ​។​ដោយឡែក​នៅថ្ងៃនេះ​ឃើញថា​ការប្រកប​ការងារ​ទោះ​ធ្វើ​អ្វី​ក៏ដោយ​លោកអ្នក​តោង​តែមាន​ការគិត​ឱ្យបាន​គ្រប់​ជ្រុងជ្រោយ​បន្តិច​ពីព្រោះថា​ផល​ល្អ​អាក្រក់​នៅមាន​ឱ្យ​ត្រូវ​ឆ្លងកាត់​នៅឡើយ​។ អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​ជួប​ភាព​ប្រទាំង​ប្រទើស​ច្រើន ហើយ​ពិសេស​ប្រយ័ត្ន​មាន​ជម្លោះ​វិវាទ​ថែមទៀត​។ រីឯ​សម្ព័ន្ធ​ស្នេហា​ប្រុស​ស្រី​មានការ​រកាំរកូស​ព្រោះតែ​ភាព​ប្រចែប្រច័ណ្ឌ​កំពុង​បាំង​មុខ ៕

ឆ្នាំខាល​

រាសី​ស្រុតចុះ​។​នៅ​ខែកុម្ភៈ​នេះ​ដួង​រាសី​ខែ​លោកអ្នក​ល្អប្រសើរ ប៉ុន្តែ​ឆ្លង​ដល់​ខែមីនា​ដួង​រាសី​ស្រុតចុះ ម្ល៉ោះហើយ​ទាំង​បុរស​ស្ត្រី​ជួប​នូវ​បញ្ហាលំបាក និង​ខ្វា​យ​ខ្ច​ល់​ច្រើន​កើតឡើង​។​ដោយឡែក​នៅថ្ងៃនេះ​វិញ​ការប្រកប​ការងារ​លោក​អ្នក មាន​គ្រោះ​ចូល​យាយី​បន្តិចបន្តួច​ដូចនេះ​
​គប្បី​មានការ​ប្រយ័ត្នប្រយែង​ទើប​ប្រសើរ​។​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​វិញ​បើ​លោកអ្នក​ចង់​បោះទុន​តូចធំ​ឬ​ចង់​រកស៊ី​ចូល​ហ៊ុន​ជាមួយ​អ្នកដទៃ​ត្រូវ​ចេះ​ត្រួតពិនិត្យ​ឱ្យបាន​គ្រប់​ជ្រុងជ្រោយ​បើ​ពុំ​នោះទេ​អាច​ជួប​ផល​អាក្រក់​ណាមួយ​នៅ​ថ្ងៃ​ខាងមុខ​ជាក់​ជាពុំខាន​។​
​រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ប្រែប្រួល​ប្តូរផ្លាស់​ព្រោះ​ជួន​ត្រូវរ៉ូវ​គ្នា​ជួន​ទាស់ទែង​គ្នា​៕

​ឆ្នាំថោះ​

រាសី​ល្អជា​មធ្យម​។​បុរស​កើត​ឆ្នាំ​ទន្សាយ​នៅពេល​ឆ្លង​ដល់​ខែក្រោយ​ដំណើរ​ជីវិត​គ្រាន់​គាប់ប្រសើរ ហើយ​ផល​លំបាក​ដែល​ធ្លាប់​រែកពន់​ក៏បាន​រលាយ និង​ធ្វើឱ្យ​អ្វីៗ​គ្រាន់​ដកដង្ហើម​ស្រួលបួល​ឡើងវិញ​។​ដោយឡែក​អ្នក​ប្រកបការងារ​នៅថ្ងៃនេះ​វិញ​ឃើញថា​មិនត្រូវ​ចិត្តល្អ​ជាមួយ​ក្រុម​មនុស្ស​ពេក​ដែរ​ពីព្រោះថា​ងាយ​កើតជា​បញ្ហា​នាពេល​ក្រោយ​វិញ​ណាស់​។​សម្រាប់​អ្នក​ប្រកប​របរ​រកស៊ី​ជួញដូរ​នៅថ្ងៃនេះ​ដែរ​បើ​ចង់​បោះទុន​ទៅលើ​អ្វីមួយ​ត្រូវ​មើលមុខមើលក្រោយ​ព្រោះ​ផ្លែផ្កា​ទទួលបាន​មកវិញ​មាន​ភាព​យ៉ាប់​យ៉ី​ន​ណាស់​។​
រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ប្រឆាំង​គ្នាច្រើន​ដូ​នេះ​ឱ្យ​ប្រយ័ត្ន​កើតមាន​ជម្លោះ​វិវាទ​៕

​ឆ្នាំរោង​

រាសី​ខ្ពស់ត្រដែត​។​អ្នក​កើត​ឆ្នាំរោង​នា​សប្តាហ៍​នេះ​ឃើញថា​ដំណើរ​ជីវិត​ល្អប្រសើរ​គ្រាន់បើ ប៉ុន្តែ​យ៉ាងណា​ឆ្លង​ដល់​ខែមីនា ដួង​រាសី​ស្រុតចុះ ម្ល៉ោះហើយ​ធ្វើឱ្យ​អ្វីៗ​ប្រែប្រួល​ច្រើន គប្បី​មានការ​ប្រយ័ត្នប្រយែង​និង​អត់ធ្មត់​ទើប​ប្រសើរ​។​ក្រៅពីនេះ​នៅ​ឆ្នាំឆ្លូវ​ដួង​រាសី​ឆ្នាំ​ក៏​ស្រុតចុះ​ម្ល៉ោះហើយ​អ្វីៗ​មិន​ងាយ​សម្រេច​ដូច​ក្តី​ប្រាថ្នា​ប៉ុន្មាន​នោះឡើយ​។​ដោយឡែក​នៅថ្ងៃនេះ​វិញ​ដោយសារ​ដួង​រាសី​ឡើង​ខ្ពស់ ដូចនេះ​ការប្រកប​ការងារ របស់លោក​អ្នក​មានកា​រ​ជឿនលឿន​ទៅមុខ​និង​ធ្វើ​អ្វី​ក៏​តែង​សម្រេច​ជោគជ័យ​ឆ្លើយតប​មកវិញ​ផង​។​អ្នក​ប្រកប​របរ​រកស៊ី​ជួញដូរ​បើ​មាន​ញាតិមិត្ត​បបួល​ធ្វើ​អ្វីមួយ​ឬ​ត្រួសត្រាយ​ឱ្យ​ប្រកប​របរ​រកស៊ី​ជួញដូរ​តែង​ហុច​ផ្លែផ្កា​គួរ​ជាទី​ពេញចិត្ត​តែ​យ៉ាងណា​ក៏ត្រូវ​ប្រុងប្រយ័ត្ន​ព្រោះ​ក្រុមមនុស្ស​ចាំ​បោកប្រាស់​ក៏មាន​ច្រើន​ដែរ​។
​គូគ្រង​ប្តី​ប្រពន្ធ​ឬ​គូស្នេហ៍​ប្រុស​ស្រី​ចូរ​កុំ​មាត់ឥតគម្រប​ឬ​និយាយ​មិន​កោតក្រែង​ចំពោះ​គ្នា​ព្រោះ​នោះ​នាំ​តែមាន​រឿង​រាវ​ឈ្លោះប្រកែក​គ្នា​មិនចេះចប់​ប៉ុណ្ណោះ​៕

ឆ្នាំម្សាញ់​

​រាសី​ខ្ពស់ត្រដែត​។​លោកអ្នក​កើត​ឆ្នាំម្សាញ់​នៅ​ខែ កុម្ភៈ​នេះ​ដួង​រាសី​ខែ​ស្រុតចុះ ម្ល៉ោះហើយ​ធ្វើឱ្យ​ដំណើរ​ជីវិត​ជួប​នូវ​បញ្ហា​ឧបសគ្គ​មួយចំនួន​យាយី​។​ទោះបីយ៉ាងណា​ឆ្លង​ដល់​ខែមីនា​ខាងមុខ​ដួង​រាសី​ខែ​បាន​ផ្លាស់ប្តូរ​មក​ត្រឹម​កម្រិត​មធ្យម​វិញ ដូចនេះ​នាំឱ្យ​ដំណើរ​ជីវិត​បាន​ផ្លាស់ប្តូរ​មក​គាប់ប្រសើរ​បន្តិច​វិញ​។​អ្នក​ប្រកប​ការ​នៅថ្ងៃនេះ​វិញ​ឃើញថា​មានការ​លូតលាស់​សន្សឹមៗ ហើយ​ធ្វើ​អ្វីៗ​ក៏មាន​មនុស្ស​អាណិត​ស្រឡាញ់​ច្រើន​ឡើងវិញ​។​សម្រាប់​អ្នក​ប្រកប​របរ​រកស៊ី​ជួញដូរ​មាន​ភាព​កាក់កប​គួរសម​ទាំង​ការ​ជួញ​ទីជិត​ឆ្ងាយ​ដោយ​អាច​ប្រមូល​ផល​ចំណូល​ត្រឡប់មកផ្ទះ​វិញ​ដូច​គាប់​បំណង​។​
រីឯ​បញ្ហា​ស្នេហា​កំលោះ​ក្រមុំ​ពុំគប្បី​លលេង​ជាមួយ​ល្បែង​កាមគុណ​ប្រយ័ត្ន​ជួប​ព្យុះ​ជីវិត​នា​ថ្ងៃ​ខាងមុខ​ចៀស​ពុំ​រួចហើយ​ត្រូវ​មក​ខូចអនាគត​ភ្លឺស្វាង​ឥតអំពើ​៕

​ឆ្នាំមមី​

​រាសី​ល្អ​ជាធ​ម្យ​ម​។​នៅថ្ងៃនេះ​ចំពោះ​ស្ត្រី​បើ​លោកអ្នក​ឧស្សាហ៍​ឈ្លោះប្រកែក​ជាមួយ​អ្នកដទៃ​ឬ​សូម្បីតែ​ស្វាមី​ក្តី​គប្បី​ចេះ​ធ្វើគ​ធ្វើ​ថ្លង់​មិនដឹង​ខ្លះ​ទើប​ប្រពៃ​បំផុត ។​កិច្ចការងារ​របស់លោក​អ្នក​ថ្ងៃ​នេះដែរ​ស្ថិតនៅ​លើផ្លូវ​រដិបរដុប​បន្តិច​តែ​យ៉ាងណា​បើ​មានការ​ប្រយ័ត្នប្រយែង​និង​បំពេញការងារ​ម៉ត់ចត់​នោះ​តែង​ចៀសផុត​ផល​លំបាក​ទាំងពួង​ផងដែរ​។​សម្រាប់​អ្នក​ប្រកប​របរ​រកស៊ី​ជួញដូរ​វិញ​លោកអ្នក​ចូរ​ប្រយ័ត្ន​ក្រុមមនុស្ស​ស្និទ្ធស្នាល​កើតជា​រឿង​អាក់អន់ចិត្ត ហើយ​ខ្លះ​អាចឈាន​ដល់​ការ​គុំ​គួ​ន​សងសឹក​ណាមួយ​មកវិញ​។​ការធ្វើដំណើរ​ផ្លូវ​ឆ្ងាយ​ឱ្យ​ប្រយ័ត្ន​ជួប​គ្រោះ​ចាញ់បោក​គេ​បន្តិច​ពីព្រោះ​ងាយ​ជួបប្រទះ​ណាស់​ផង​។​
​រីឯ​បញ្ហា​ស្នេហា​កំលោះ​ក្រមុំ​កុំ​ចង់​សាកល្បង​ឬ​ឈ្លក់​នឹង​ល្បែង​កាមគុណ​ប្រយ័ត្ន​កើតជា​បញ្ហា​ណាមួយ​ហើយ​មានតែ​អាប់ឱន​កេរ្តិ៍ឈ្មោះ​ហើយ​ឈានដល់​ខូចអនាគត​ភ្លឺស្វាង​អសារ​ឥត​ការ​។​

​ឆ្នាំមមែ​

​រាសី​ល្អជា​មធ្យម​។​អ្នក​កើត​ឆ្នាំ​ពពែ​នា​ខែ​នេះ​ដួង​រាសី​ស្ថិតនៅ​កម្រិត​មធ្យម​នៅឡើយ ហេតុនេះ​ការធ្វើ​អ្វីមួយ​ឬ​ការរស់នៅ​មាន​សភាព​មិន​លោត​ផ្លោះ​ហើយក៏​មិនអាក្រក់​ពេក​ដែរ​ពោលគឺ​សន្សឹមៗ​ទៅមុខ​ជានិច្ច ។​ការប្រកប​ការងារ​កុំ​ធ្វេសប្រហែស​មើលងាយ​កិច្ចការ​តិចតួច​ពីព្រោះថា​ពេលខ្លះ​ភារៈកិច្ច​តិចតួច​សោះ​បែរជា​កើតរឿង​រាវ​ឡើង​។​អ្នក​ប្រកប​របរ​រកស៊ី​ជួញដូរ​ការរក​ផល​ចំណូល​ជួប​បញ្ហា​ខ្សត់​ចំណូល​ហើយ​ពិសេស​ងាយ​កើតមាន​បញ្ហា​ជាមួយ​អ្នកមាន​មុខរបរ​ដូច​គ្នា​ណាស់​។​ការធ្វើដំណើរ​ឆ្ងាយ​ជិត​មិនសូវមាន​សុ​វត្តិភាព​ប៉ុន្មាន​ទេ​គប្បី​មានការ​ប្រយ័ត្នប្រយែង​បន្តិច​។​
​រីឯ​បញ្ហា​ស្នេហា​កំលោះ​ក្រមុំ​បើ​ចង់​ធ្វើការ​ជ្រើសរើស​គូស្រករ​ពុំ​ល្អ​ទេ​គប្បី​មានការ​ត្រួតពិនិត្យ​ឱ្យបាន​គ្រប់​ជ្រុងជ្រោយ​ព្រោះ​ច្រើន​ជួប​គូកម្ម​ច្រើនជាង​គូព្រេង​៕

ឆ្នាំវក​

​រាសី​ខ្ពស់ត្រដែត​។​នៅថ្ងៃនេះ​ដំណើរ​ជីវិត​ប្រព្រឹត្តិ​ទៅ​ល្អប្រសើរ ហើយ​បើ​ចង់បាន​អ្វី​ឬ​ប្រាថ្នា​អ្វី​តែង​ហុច​ជា​លទ្ធផល​ឆ្លើយតប​គ្រាន់​កក់ក្តៅ​ផ្លូវចិត្ត​។​អ្នក​ប្រកបការងារ​រាជការ​ឬ​ក្រុមហ៊ុន​ឯកជន​មាន​ភាពស្រស់​ស្រាយ​ហើយ​លោកអ្នក​អាច​ទទួលផល​ប្រយោជន៍​ច្រើន​ផង​បើ​មាន​បំពេញ​កិច្ចការងារ​អ្វី​ទទួលជោគជ័យ​នោះ​។​ចំពោះ​អ្នក​ប្រកប​របរ​រកស៊ី​ជួញដូរ​បើ​នៅជាប់​ទ្រឹង​មួយកន្លែង​ជា​យូរថ្ងៃ​មកហើយ​ដោយ​គ្មាន​ការរីកចម្រើន​ទៅមុខ​ឥឡូវនេះ​បាន​ផ្លាស់ប្តូរ​មក​គាប់ប្រសើរ​ឡើងវិញ​ហើយ​មានការ​ដាច់​មួយ​គ្រាន់​ចិញ្ចឹម​គ្រួសារ​ផង​។ រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ជឿនលឿន​ទៅមុខ​និង​ផ្អម​ល្ហែម​គួរ​ជាទី​កក់ក្តៅ​៕

ឆ្នាំរកា​

​រាសី​ល្អជា​មធ្យម​។​ថ្ងៃនេះ​ដំណើរ​ជីវិត​របស់លោក​អ្នកងា​យ​ជួប​បញ្ហា​ត្រូវគេ​វាយប្រហារ​ណាស់ ដូចនេះ​គប្បី​ប្រយ័ត្នប្រយែង​ការងារ​ដោយ​មិនត្រូវ​ធ្វើឱ្យមាន​កំហុស​ច្រើន​ឡើយ​។​ការប្រកប​ការងារ​បើ​ជួប​បញ្ហា​ស្មុគស្មាញ​ត្រូវតែ​រក្សា​ចិត្ត​នឹងធឹង​មិនត្រូវ​ត្អូញត្អែរ​ច្រើន​ឡើយ​នាំ​អ្នកដទៃ​គេ​លួច​វាយប្រហារ​នៅពេល​ក្រោយ​ប៉ុណ្ណោះ​។​សម្រាប់​អ្នក​ប្រកប​របរ​រកស៊ី​ជួញដូរ​វិញ​ជួប​ការលំបាក​ក្នុង​ការរក​ផល​កម្រៃ​ណាស់ ឯការ​ជួញ​ទីជិត​ឆ្ងាយ​ទៀតសោត​កើតមាន​ភាព​រកាំរកូស​ច្រើន ។​
ចំណែក​សេចក្តីស្នេហា​ប្រុស​ស្រី​គឺ​តែង​កើត​មានរឿង​រកាំចិត្ត​និង​ពិសេស​ចង់​ចាញ់ឈ្នះ​គ្នាច្រើន​ទៀតផង​៕

​ឆ្នាំច​

​រាសី​ល្អជា​មធ្យម​។​នៅថ្ងៃនេះ​លោកអ្នក​ជួប​ផល​លំបាក​ទាំង​កាយ​និង​ចិត្ត​ធ្វើឱ្យ​មិនសូវ​សុខ​ស្រួលខ្លួន​ប៉ុន្មាន​នោះឡើយ​។​ទោះបីយ៉ាងណា​ការប្រកប​ការងារ​មានការ​ល្អប្រសើរ​ផងដែរ​ដោយ​ធ្វើ​អ្វីៗ​ជឿនលឿន​គួរសម​។​អ្នក​ប្រកប​របរ​រកស៊ី​ជួញដូរ​មាន​ការទិញចូល​លក់​ចេញ​គ្រាន់​រស់​រវើក​បន្តិច​វិញ​តែ​យ៉ាងណា​ការចំណាយ​នៅតែ​ខ្ពស់​ធ្វើឱ្យ​ជួប​ផល​លំបាក​ត្រូវ​រែកពន់​មាន​ច្រើនណាស់​។​ការរស់នៅ​ជួប​ភាព​សុខដុម​ដូច​សព្វមួយដង​។​
រីឯ​បញ្ហា​សេចក្តីស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​កុំ​គប្បី​មានការ​ប្រកែប្រកាន់​ច្រើន​នាំ​តែ​កើត​ជម្លោះ​វិវាទ​ប៉ុណ្ណោះ​៕

​ឆ្នាំកុរ​

​រាសី​ល្អជា​មធ្យម​។​ដំណើរ​ជីវិត​របស់​មនុស្ស​យើង​គ្មាន​នរណា​មិនដែល​ធ្វើ​អ្វី​មិនបាន​ផល​នោះទេ​គ្រាន់តែ​ពេលខ្លះ​បាន​តិច​ពេលខ្លះទៀត​បានទទួល​ច្រើន​ឯ​ពេលខ្លះទៀត​មិនបាន​ប៉ុណ្ណោះ​។​ចំពោះ​កិច្ចការងារ​ក្នុងអំឡុង​ពេលនេះ​បើ​លោកអ្នក​ខិតខំ​ប្រកបការងារ​ឃើញថា ក៏​តែង​ហុច​ផល​មកវិញ​គ្រាន់​ជាទី​ពេញចិត្ត​មកវិញ​ដែរ​។​អ្នករកស៊ី​ជួញដូរ​បើ​លោកអ្នក​មានការ​ចេញ​ធ្វើ​ជំនួញ ទីជិត​ឆ្ងាយ​នៅថ្ងៃនេះ​ពុំ​សូវ​សម្បូរ​លាភ​ទេ​ពិសេស​ទិសឧត្តរ​តែម្តង​។​
រីឯ​បញ្ហា​សេចក្តីស្នេហា​ប្រុស​ស្រី​មិនត្រូវ​ឆាប់​ប្រកែប្រកាន់​ច្រើន​នោះឡើយ​នាំ​តែ​កើតរឿង​រាវ​ចម្រូងចម្រាស​ប៉ុណ្ណោះ​៕

ទីតាំងផ្សាយពាណិជ្ជកម្ម

- Advertisment -

Most Popular