ចុះ​ពិនិត្យ​ការងារ​សាងសង់​ផ្ទះ​២​ខ្នង​ជា​អំណោយ​​ដ៏​ថ្លៃថ្លា​របស់​សម្តេច​អគ្គមហាសេនាបតី​តេ​ជោ​ហ៊ុនសែន

ដោយ​:​គ្រញូង​/​បាត់ដំបង​:កាលពី​រសៀល​ថ្ងៃទី​១៦ ខែកុម្ភៈ​ឆ្នាំ​២០២១ លោក​ឧ​ត្ត​ម​សេនីយ៍​ឯក អ៊ុក ឃ្នួច អនុ​រដ្ឋលេខា​ធិ​ការ​ក្រសួងការពារជាតិ និង​ជា​អគ្គលេខាធិការរង ស​.​អ​.​ក​, លោក​ឧ​ត្ត​ម​សេនីយ៍​ត្រី មាស សុវណ្ណ មេ​បញ្ជា​ការ កងរាជអាវុធហត្ថ​ខេត្តបាត់ដំបង និង​ជា​ប្រធាន ស​.​អ​.​ក​ខេត្ត បាន​អញ្ជើញ​ចុះ​ពិនិត្យ​ការងារ​សាង​សង់​ផ្ទះ​ចំនួន​២​ខ្នង ជា​អំណោយ​ដ៏​ថ្លៃថ្លា​របស់​សម្តេច អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា ប្រធាន​សមាគម​អតីតយុទ្ធជន​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ជូន​ដល់​អតីតយុទ្ធជន​ចំនួន ២​គ្រួសារ​ដែលមាន​ជីវភាព​ទីទ័លក្រ​ពុំមាន​ទី​ជំរក​សមរម្យ​។​

​លោក​មាស សុវណ្ណ​មេបញ្ជាការ​កងរាជអាវុធហត្ថ​ខេត្ត​​បាត់ដំបង ​និង​ជា​ប្រធាន​ស​.​អ​.​ក​ខេត្ត​បាន​ឲ្យ​ដឹងថា​ផ្ទះ​ទាំង​២​ខ្នង​នេះ​សាងសង់​ជូន​អតីតយុទ្ធជន​ជា​ជនពិការ​២​រូប​៖ ១.​ឈ្មោះ កិល សំបូរ​អាយុ​៥៣​ឆ្នាំ ​ស្ថិតនៅ​​​​​​ក្នុងភូមិ​ស្តី​លើ ឃុំ​ព្រែក​ហ្លួង ស្រុក​ឯក​ភ្នំ ។ ២.​ឈ្មោះ សាត់ សុផាត អាយុ​៦២​ឆ្នាំ ស្ថិតនៅ​ក្នុងភូមិ​អណ្តូង​ចេញ សង្កាត់​អូរ​ចារ ក្រុង​បាត់ដំបង​៕​

ទីតាំងផ្សាយពាណិជ្ជកម្ម

- Advertisment -

Most Popular