អភិបាល​ស្ត្រី​ខេត្ត​ប៉ៃលិន នាំ​ស្បៀងអាហារ​ចែក​ដល់​កងកម្លាំង​តាម​បន្ទាត់​ព្រំដែន​ដែល​ឈរជើង​ត្រួតពិនិត្យ​ពលករ​ចេញពី​ថៃ​មិន​ព្រមធ្វើ​ច​ត្ត​ឡី​ស័ក​

​ដោយ​: ភ្នំ​ខៀវ / ប៉ៃលិន​: អភិបាល​ស្ត្រី​ខេត្ត​ប៉ៃលិន បាន​នាំ​អំណោយ​ស្បៀងអាហារ​របស់​សម្តេច​អគ្គមហា​សេនា​បតី​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ចែកជូន​ដល់​កងកម្លាំង​ដែល​កំពុង​​ឈរជើង​តាម​បន្ទាត់​ព្រំដែន​កម្ពុជា​-​ថៃ ត្រួតពិនិត្យ​ពលករ​ចេញពី​ប្រទេស​ថៃ​ដែល​គេចវេស​មិន​ព្រមធ្វើ​ច​ត្ត​ឡី​ស័ក​។​

​នៅក្នុង​ពិធី​ចុះ​ចែក​ស្បៀងអាហារ​ដល់​កងទ័ព​លោកស្រី បាន ស្រីមុំ អភិបាលខេត្ត​ប៉ៃលិន​បាន​លើកឡើងថា ក្នុងនាម​អាជ្ញាធរខេត្ត មន្ត្រីរាជការ ពិសេស​ប្រមុខ​រដ្ឋាភិបាល​នៅឯ​សម​ភូមិ​ក្រោយ​តែង​គិតគូ​យកចិត្តទុកដាក់​ជានិច្ច​ក្នុងការ​ចង់ដឹង​ពី​សុខទុក្ខ​របស់​វរ​កង​ទ័ព​នៅ​សម​ភូមិ​ជួរមុខ​។ ការនាំគ្នា​ចុះមក​ដល់​គោលដៅ​ឈរជើង​របស់​កងកម្លាំង​នេះ​ទាំង​លោកស្រី និង​ស្វាមី​លោក អ៊ី ឈាន ក៏​ដូច​បងប្អូន​ប្រជាពលរដ្ឋ​ទាំងអស់ ផ្តោត​សំខាន់​គឺ​ការបញ្ជាក់​ពី​ទឹកចិត្ត​ដឹងគុណ​មិនអាច​កាត់ថ្លៃ​បាន ចំពោះ​ការលះបង់​ខ្ពស់ ការការពារ​បូរណភាព​ដែនដី​មិន​ខ្លាច​ពី​ការនឿយហត់ បន្ថែម​ពីនេះ កងទ័ព​បាន​ចូលរួម​យ៉ាង​សកម្មភាព​ជួយសង្គ្រោះ​ដល់​ប្រជាពលរដ្ឋ​ជួប​គ្រោះថ្នាក់​ផ្សេង​បាន​យ៉ាង​ល្អប្រសើរ​ថែមទៀត​ផង​។​

​លោកស្រី បាន​បន្តថា កន្លងមក និង​ចំពោះមុខ​នេះ​កងកម្លាំង​ទាំងអស់​ត្រូវតែ​ខិតខំ​ប្រឹងប្រែង​បន្ថែម ដើម្បី​បុព្វ​ជាតិ និង​ប្រជាពលរដ្ឋ ពិសេស​ការងារ​ពង្រឹង​សន្តិសុខ សុវត្ថិភាព​នៅតាម​បន្ទាត់​ព្រំដែន​អនុវត្តតាម​ការណែនាំរ​បស់​ប្រមុខ​រាជរដ្ឋាភិបាល និង​ក្រសួងសុខាភិបាល​ក្នុងការ​ចូលរួម​ទប់ស្កាត់​ការរីក​រាលដាល​នូវ​ជំងឺ​កូ​វីដ​-១៩ ចូលក្នុង​សហគមន៍​។​

​អភិបាលខេត្ត​ស្ត្រី​រូបនេះ ក៏បាន​ណែនាំ​ដល់​កម្លាំង​ទាំង ៣​ប្រភេទ រួមទាំង​មន្ត្រី​ប្រចាំការ​នៅតាម​ច្រកទ្វារ​ព្រំដែន​​អន្តរជាតិ ព្រំដែន​ច្រករបៀង​នានា ត្រូវធ្វើ​យ៉ាងណា​តាមដាន​រាល់​សភាពការណ៍ នៃ​ការឆ្លង​ដែន​របស់​ពល​ករ​ដោយ​ត្រូវ​ប្រចាំការ ២៤​ម៉ោង លើ​២៤​ម៉ោង​តាម​គោលដៅ ដែល​ខ្លួន​ទទួលខុសត្រូវ ហើយ​ពង្រឹង​ទប់​ស្កាត់​ឱ្យបាន​តឹងរឹង​ចំពោះ​ការ​លួច​ឆ្លងដែន​ខុសច្បាប់​ពី​សំណាក់​បងប្អូន​ប្រជាពលរដ្ឋ ដែល​វិលត្រឡប់​មកពី​ប្រទេស​ថៃ​។ ក្រៅពីនេះ ត្រូវតែ​ត្រួតពិនិត្យ និង​ឆែកឆេរ​ជាដាច់ខាត លើ​រថយន្ត​ដឹកទំនិញ​ណាមួយ​ដែល​ឆ្លង​កាត់​តាម​ច្រក ដើម្បី​ទប់ស្កាត់​ការ​ឆ្លងដែន​ខុសច្បាប់​ដោយ​មិន​បានធ្វើ​ច​ត្តា​ឡី​ស័ក​។

​ការធ្វើ​ច​ត្តា​ឡី​ស័ក​មិនមែន​ជាការ​ឃុំឃាំង បំបិទ​សិទ្ធ​សេរីភាព​នោះទេ គឺជា​ការធ្វើ​តេស្ត ឬ​តាមដាន​សុខភាព​ពី​សំណាក់​ក្រុមគ្រូពេទ្យ​ជំនាញ​ដើម្បីអោយ​ប្រាកដថា​ពលក​រណា​មួយ​វិជ្ជមាន ឬ​អវិជ្ជមាន​នូវ​វីរុស​កូ​វីដ​-១៩​។​

​ស្បៀងអាហារ​ដែល​ផ្តល់​ដល់​កងកម្លាំង​ប្រចាំ​គោលដៅ​ជិត ២០​គោលដៅ​រួមមាន​: អង្ករ​, មី​, ត្រីខ​, ទឹក​សុទ្ធ​, ម៉ាស់​, ជែ​ល​លាងដៃ​, ត្រីងៀត​, សាច់ក្រក​, ផ្អក​, ទឹកស៊ីអ៊ីវ និង​ថវិកា​មួយចំនួនទៀត​៕​

ទីតាំងផ្សាយពាណិជ្ជកម្ម

- Advertisment -

Most Popular