Home ព័ត៌មានអន្តរជាតិ ថៃ​ថ្ងៃនេះ​ឆ្...

ថៃ​ថ្ងៃនេះ​ឆ្លងកូវី​ដ​១៩​ចំនួន​១៧៥​នាក់​ដោយ​ខេត្ត​ថា​ធូ​ម ថា​នី​ក្លាយជា​មជ្ឈមណ្ឌល​ផ្ទុះ​ជំងឺ​ថ្មី​

ប្រែ​សម្រួលៈ​វាសនា​/​បាងកក​៖​រដ្ឋាភិបាល​ថៃ​កាលពី​ថ្ងៃ​ពុធ​បាន​រាយការណ៍​អំពី​ការរកឃើញ​កូវី​ដ​១៩​ថ្មី​ចំនួន​១៧៥​នាក់​នៅ​២៤​ម៉ោង​កន្លងទៅ ក្នុងនេះ​១៦៨​នាក់​ឆ្លង​នៅក្នុង​ស្រុក​និង​៧​នាក់​ចូល​មក​​ពី​ក្រៅ​។​

​ចំនួន​ចុងក្រោយ​នេះ​ធ្វើអោយ​ថៃ​មាន​អ្នក​ឆ្លងកូវី​ដ​១៩​សរុប ២៤.៩៦១​នាក់ តែ​២៣.៦៩៧​នាក់​បាន​ជា និង​នៅ​សល់​១.១៨២​នាក់​កំពុងព្យា​លបាល​។​

​មន្ត្រី​អ្នកនាំពាក្យ​ខាងកូ​វីដ​១៩​បាន​និយាយថា ខេត្ត​ដែល​ឆ្លង​ច្រើនជាងគេ​គឺ ផា​ធូ​ម ថា​នី ដែល​មាន​អ្នក​ឆ្លង​ថ្មី​៨២​នាក់​(​កម្ពុជា​ម្នាក់​) បន្ទាប់​មក​ខេត្ត​សាមុត សា​ខន ៧៣​នាក់ និង​ក្រុង​បាងកក​៥​នាក់​។​​ខេត្ត​ថា​ធូ​ម ថា​នី​កំពុង​ក្លាយជា​មជ្ឈមណ្ឌល​ផ្ទុះ​កូវី​ដ​១៩​ក្នុង​សហគមន៍​ថ្មី​នៅ​ថៃ​ក្រោយពី​ការផ្ទុះ​ជំងឺ​នេះ​នៅក្នុង​ផ្សារ​លក់​សាច់​ស្រស់​នៅ​ទីនោះ​។​

​ការឆ្លង​ក្នុងស្រុក​ក្នុង​ចំនួន​តិចតួច​ក៏​ត្រូវបាន​រកឃើញ​នៅក្នុង​ខេត្ត​ថៃ​ចំនួន​៨​ផ្សេង​ទៀត​ផង​ដែរ​។​

​នៅ​ទូទាំង​ពិភពលោក ការ​ឆ្លងកូវី​ដ​១៩​បាន​ឡើងដល់​១១០,០៣​លាន​នាក់ និង​២,៤៣​លាន​នាក់​ស្លាប់​ដោយ​ជំងឺឆ្លង​សកល​នេះ​។​អាម៉េរិក​នាំមុខគេ​ទាំង​ឆ្លង​និង​ស្លាប់ គឺ​ឆ្លង​២៨,៣៨​នាក់ និង​៤៩៩.៩៩១​នាក់​ស្លាប់​។​

​មាន​ព័ត៌មាន​ល្អ​មួយ គឺ​ថា​ចំនួន​ឆ្លងកូវី​ដ​១៩​នៅ​ទូទាំង​ពិភពលោក​បាន​ធ្លាក់ចុះ​១៦​ភាគរយ​កាលពី​សប្តាហ៍​មុន​ធៀប​នឹង​មួយ​មួយទៀត នេះ​បើ​តាម​អង្គការ​សុខភាព​ពិភពលោក​។​ចំនួន​ស្លាប់​ក៏​ធ្លាក់ចុះ​១០​ភាគរយ​ធៀប​នឹង​សប្តាហ៍​មួយទៀត​មក​នៅត្រឹម​៨១.០០០​នាក់​៕

ចំនួន​ឆ្លង​និង​ស្លាប់​ដោយកូវី​ដ​១៩​បាន​ថយចុះ​ចាប់តាំងពី​ពិភពលោក​ចាប់ផ្តើម​យុទ្ធនាការ​ចាក់​វ៉ាក់សាំង​

 

 

ទីតាំងផ្សាយពាណិជ្ជកម្ម

- Advertisment -

Most Popular